الموضوع القنبلة: كشف خيانة حركة 6 ابريل بالفيديون و الدليل

يا ريت فعلا نمحي الاسلوب ده من الحوار لان مينفعش نقول علي الجيش اللي حمانا انه كلب يا ممفور

من الاخر يا ممفور بعد ربنا سبحانه وتعالي ثم الجيش مكنش زمانك قدرة تقول الكلمتين دول اللي انتا بتقولهم دلوقتي

ومش عشان طنطاوي كان ماسك في عهد المخلوع يبقي فاسد ده راجل بينفذ اوامر وانتا لو كنت في الجيش وجاتلك اوامر انك تنط في النيل ومنطتش انتا عارف اللي كان ممكن يحصلك ساعتها

من الاخر احنا سكتنا عن الظلم والفساد زينا زيهم ولما نطقنا واتجمعنا الجيش كمان وقف جنبنا

والله العظيم الجيش لو كان عايز يفض ثورة 25 لكان فضها وانتا عارف كلامي كويس

الجيش مبيغلبش ومش ده جزاته علشان يتعمل فيه كدا

وبعدين احنا ما صدقنا البلد ارتاحت من مشاكل امبابة والمنيا والفتنه الطائفية وقولنا هنشتغل وعجلة الانتاج هتمشي وهنشوف مصالحنا بقا نلاقي شوية ناس كبيرهم 300 فرد طالعين علي ميدان التحرير وعايزين يحكموا البلد ويمشوها علي مزاجهم ده يقعد لا ده يمشي لا ده مش عارف ايه

حاجه تحرق الدم بصراحه وحلوه اوي حكاية التدريب في صربيا بحجة الخبرة

خبرة ايه بس هيه ثورة 23 يوليو كان فيها خبرات بردك ولا الثورات اللي شوفنها ديه كلها كانت بيبقي فيها كورسات علشان تاخد الخبرة

هيه البلد خلاص مش هتشوف عمار هتبقي خراب يا مصر

وياريت بجد علشان متحصلش مشاكل الكلام علي الجيش يكون بحساب لان سيادتك بتغلط في مؤسسة بالكامل وانا والدي من المؤسسة ديه ومش هسمح لاي حد انه يتكلم عنها لان من غيرها كان زمان كل واحد فينا معموله ملف اسود في امن الدولة وكان هيبقي الدور بيلف علي كل واحد فينا ارحمونا بقا

[AbOnOrA]

يا جماعة فى الموضوعات الحساسة ديه لازم نهدىء
ممكن نعمل مناظرة بينا يا جماعة لحد ما نوصل لرؤية اوضح
خاصة ان الواضح ان فيه ناس كتير مش عارفين بالظبط ايه اللى بيحصل ومش واصلهم كلام الطرف التانى
وبعدين انا غايظنى حاجة اوى بصراحة

الناس عمالة تقول المجلس المجلس وانتو تقولو الجيش الجيش

هو انتو ليه مش مصدقين ان المعارضين للمجلس مش معارضين الا للمجلس باعتبارة حاكم فعلى للبلاد حالياً ؟؟

هو انتو ليه مستكبرين ان اى حد اياً كان يقول راية فى حاكم بلدة اياً كان صفتة !!

هو لوكان فيه مجلس رئاسى مدنى ولا حتى قاضى ولا ايا كانت صفتة هو الحاكم وشوفت منه انحراف وتقاعص عن حماية وخدمة الثورة مش هيبقى من حقنا نعترض ونقول لاء



وبعدين مين قال ان 6 ابريل او المعتصمين فى التحرير عايزين الدستور اولاً ؟؟؟

ايه غسيل الدماغ ده ؟

المعتصمين فى التحرير و 6 ابريل شباب احرار فيه منهم اللى عايز الدستور اولاً وفيه منهم اللى مقتنع بنتيجة الاستفتاء وتكاد تكون الاغلبية عايزة الاستقرار بالمفهوم المتفق عليه عموماً

بس فى نفس الوقت رافضين اللى بيحصل ده وعندهم مليون علامة استفهام عليه وبدل ما نطمنهم بنتعامل معاهم بنفس الوسائل والسياسات لنثبت اكتر ان مفيش تغيير

وبعدين بص انت بتقول ايه

الجيش و قف في صف الشعب و خلع الرئيس و حمي الثورة

بص يا سيدي اولاً اول ما ده حصل اكيد العالم كله شاف الناس .. كل الناس عملت ايه
فى التحرير كان كل المعتصمين بيلمو فى حاجتهم كانهم راجعين للدنيا من تانى وفى كل حتة فى مصر كان فيه فرحة وتفاؤل ومن تانى يوم شوفنا ازاى الحياة رجعت طبيعية ومن اول لحظة شوفنا ازاى المعتصمين والثوار التفوا حوالين الجيش والمجلس العسكرى

طيب وبعدين ؟؟؟

اولاً نفاجاء ان المجلس مش عايز يعلن اللى حضرتك بتقولة ده انة اجبر الرئيس على التنحى وكلام المتأسفين على المخلوع ان الراجل اتنحى من نفسة او (تخلى) طواعية لحماية البلاد

طيب ثوانى كده نفهم حاجة

هل المخلوع او المتخلى ادى اوامر بضرب النار على المتظاهرين والمجلس رفض ؟؟
فى الحالة ديه يبقى المفروض المخلوع يتحاسب والشهادة ديه تعزز موقف الثوار فى قضية قتل المتظاهرين بايد الداخلية

فى الحقيقة شهادة الحق ديه محدش قالها لحد دلوقتى
وفيه حاجات كتير بعد كده تشكك اذا كانت ديه ثورة فعلاً وقامت على مطالب واهداف شعبيه يجب الاسراع فى تحقيقها او انها حركات تمرديه ويجب احتوائها او ( قمعها ) اذا لزم الامر

لو مشيت شوية بالاحداث هتلاقى فيه ضباط شرطة لسه فى مواقعهم وقال كمان بيتصورو فيديو وهما بيتوعدو للشعب
شوية كمان تلاقى شغل امن الدولة ومسلسل الورقة المحروقة والكنيسة المهدومة والمسلمة المخطوفة
بعدين المحاكمات السرية والبراءات والتهم الهايفة على اللوحات المعدنية وانتاج المسلسلات الكارتونية
وكل ده واسامى الشهداء فى الثورة غير معلنة علشان ميتكرموش طبعاً ولا يبقى اقرار بحقوقهم وحقوق اهاليهم
شوية وتزيد موجة الاستقطابات والحوارات الجانبية مع كل تيار وفصيل سياسى والتحالف مع فصيل والهاء اخر والتنكيل بالثالث
واخيراً محكمة الامور المستعجلة (خد بالك من المستعجلة ديه) تحكم بالغاء قرار ازالة اسم مبارك من على المنشاءات الخاصة بالدولة واللى معمولة بعرق اهالينا
يعنى هى المستعجلة مبتستعجلش الا لصالح المخلوع بس
واخيراً نكتة البلطجية اللى فجاءه مبقاش الشم والبرشام اولوياتهم وبقى عندهم حس سياسى وكل ما الثوار يعملو حاجة يطلعو عليهم يتحاورو معاهم بالسيوف والمولتوف
وبتوع اسفين يا ريس وقبلهم بتوع اعتصامات واضرابات المطالب الفئوية اللى طلعت زى حب الشباب فترة كده وراحت وبتوع ماسبيرو وبتوع روكسى وبتوع مصطفى محمود وغيرهم كتير بيطلعو ويهتفو ومبيطلعش عليهم بلطجية ؟؟

تقدر تقولى كام واحد محبوس على زمة قتل الثوار من البلطجية من اول موقعة الجمل لحد دلوقتى

طب تقدر تقولى كام شهيد ولا ثائر اتكرمو

ده كل اللى يتعرف والناس تبقى يادوب هاتحبه وتعتبرة رمز تطلع ميت شائعة انه ماسونى وصهيونى وعميل ومندس وجاسوس وابن ستين تيييت تيييييييت

يا جماعة لازم نتفق الاول فيه ثورة ولا لاء ولو فيه لازم نفهم ان الاحتقان المسبب للثورة لسه موجود عند طوائف كتير من الناس وهيتحول مع ناس لاحباط وناس تانية لعناد

[AbOnOrA]

[attef1]

مش الجيش بس اللى اعلن الحرب الشعب كله وراه
أكبر تحالف بين علماء الأزهر والسلفيين والإخوان:
«6 إبريل» تريد تدمير البلد بدعم من جهات صليبية
http://www.ahram.org.eg/Al-Mashhad-A...ews/91394.aspx

[young..pharaoh]

الناس عمالة تقول المجلس المجلس وانتو تقولو الجيش الجيش

سيدي الفاضل لسنا بمختلين عقليا كي لا نعلم الفارق بين الجيش و المجلس العسكري الحاكم الآن

المجلس ينتقد مختلفناش لان دي مكانة سياسية

لكن الشتيمة و الانتقاد كانو في شخص المشير طنطاوي و الجيش نفسه

من جهلاء لا يعلمون تاريخ المشير طنطاوي و كم الأوسمة التي نالها من قبل ان يتولي اللا مبارك

و مكابرين أو أصحاب مصالح لن أخوض فيها ينكرون فضل الجيش

اتفضل حضرتك اقتباس من الكلام اللي بنرد عليه

و هو طنطاوي كان شغال ايه في نظام مبارك؟ الاجابة: راجل مخلص من رجالته - بينفذ سياساته الفاسدة - و راضي على قمعه للشعب لما الجيش اعلن الحيادية قلنا جايز ديله حيتعدل لكن للاسف ديل الكلب عمره ما حيتعدل و لو علقوا عليه قالب