|
#11
09-07-2011, 05:54 AM
|
|||
|
|||
رد: هتافات التحرير
حضرتك مصمم تخليني اتكلم ..... ماشي ياسيدي
الان بدأت تتضح الرؤية اولا دعوة للخروج باسم الشهيد والفقراء ... ثم هتافات ضد رئاسة الوزراء ...ثم اعتصام بعد ان كانت الدعوة للتظاهر فقط ... ثم استغلال حماس الشعب للهتاف ضد المجلس العسكري والمشير ... ثم الوقيعه بين الجيش والشرطه والشعب ... ثم التلكك بأي اصابة او حاله وفاة ... ثم ثورة ضد الجيش ... ثم انقسام في صفوف الجيش ... ثم ليبيا وعراق جديد ... ثم نهاية شعب طيب وساذج .... وهي دي حكايتنا 
|
|
#12
09-07-2011, 07:22 AM
|
||||
|
||||
|
رد: هتافات التحرير
اجمل يافطة شوفتها انهارده
انا اريد والشعب يريد ... والمجلس يفعل مايريد سر اعجابى بيها ان برغم بساطتها بتلخص الموقف كله احنا لينا مطالب والمجلس بيعمل حاجة تانية غيرها من حقى اعترض واطالب بتحقيق مطالبى ومش هنفضل ماسكين فزاعة ليبيا وسوريا والوقيعة بين الشعب والجيش ,,,, احنا هتفنا باسم الجيش وسلمناه البلد وروحنا يوم تنحى الرئيس على امل تحقيق مطالبنا وان لم تتحقق اكيد الموقف هيتغير ثم ان مين قال ان الجيش كله تم اختزالة فى المجلس العسكرى ؟؟؟ المفروض المجلس العسكرى من يوم تولية السلطة اصبح مؤسسة سياسية فى المقام الاول قبل ان تكون عسكرية وهو ما يجعلة عرضة للنقد او الرفض فى حال اخفاقة فى تحقيق المطالب التى من اجلها قامت الثورة ثم ان الواقع لا يمكن تجميلة هضم حقوق الشهداء والمصابين وذويهم الادبية والقانونية والمادية التفريط فى المحاكمات والتلكؤ فى الاجراءات الاصلاحية فساد الشرطة واستمرار استبداها وقمعها مضافاً لتقصيرها وجبنها فى المواجهات الحقيقة مع اعداء البلد والحرامية والبلطجية وتجار الاثار والمخدرات المحاكمات العسكرية الجزافيه ،، قانون تجريم الاعتصامات ضبابية الرؤية لخارطة طريق واضحة متفق عليها كل ده واكتر يخلى الناس تقول لاء ,,,, ولاى حد ,,,
|
|
#13
09-07-2011, 09:26 AM
|
|||
|
|||
|
رد: هتافات التحرير
هضربلك مثال ممكن تقول عليه بعيد عن الموضوع .... بس هو فعلا مش بعيد عن الموضوع لو همناه صح ...
ماهو سر الخلاف بين علي بن أبي طالب وبين بني أمية من أقرباء عثمان بن عفان رضي الله عنه .... بني أمية ورئيسهم معاوية بن أبي سفيان رضي الله عنه كانوا يطالبون بدم عثمان بن أبي عفان رضي الله عنه فورا ويقولون انه لاخلافة لعلي بن أبي طالب رضي الله عنه الا بعد أن يأخذ بد عثمان ممن قتلوه .... وعلي بن أبي طالب كان يوافقهم علي الاخذ بدم عثمان من قتلته ولكنه كان يري تأجيل ذلك حتي تستقر الاوضاع وتستتب الخلافة لان الحابل اختلط بالنابل ودخل الحق بالباطل .... أرجو أن اكون اوصلت وجهة نظري  مصر أولا والشرعية للشعب  التعديل الأخير تم بواسطة mar mar ; 09-07-2011 الساعة 02:30 PM
|
|
#14
09-07-2011, 11:14 AM
|
||||
|
||||
|
رد: هتافات التحرير
كلامك جميل يا ام اف - لو الجيش فعلا علي بن ابي طالب
ليه افترضت حسن النية 100% في طنطاوي و شبهته بعلي بن ابي طالب؟ الاحتمال اللي انت بتقوله في نسبه انه يكون صح و ان طنطاوي نيته كويسة لكن فين بوادر حسن النية؟ و احنا عندنا استعداد نستنى 10 سنين لحد ما نشوف تحسن لكن دا حتى يحيى الجمل ما رضيش يقيله اول ما عرف ان 99% من الشعب كارهاه راح مخليه مكانه البورسعيدية بيقولوا ايه؟ ارمي بياضك وريني عربون المحبة و انا احلم بيك ليل و نهار مش تديني على قفايا ليل و نهار و بعدين تقولي دا انا طيب والله بس انت اللي مش واخد بالك لو هو طيبين احنا مش هبل و ليبيا القدافي بياخد على قفاه ليل و نهار و سوريا عمرها ما حتكون مصر - لان هناك المخابرات العسكرية و قيادات الجيش علويين فبيقتلوا الشعب السوري السني بدم بارد هنا في مصر استحالة و استحالة الجيش يضرب في اهله و نسايبه و قرايبه لان العسكري الاسيوطي اللي حيفتح نار على اهل القاهرة حيبقى عارف ان ممكن يكون في واحد بيفتح نار على اهله في اسيوط و كويس انك شبهت معاوية و علي بالمشهد لان نهايتها ان معاوية المطالب بالدم هو اللي حكم و لوز اني ارفض تماما تكرار هذه المأساه التاريخية في تاريخ الامة الاسلامية مش عارف ليه عندي اعتقاد ان المجلس العسكري حاطط في خياراته العنف الدموي كخيار في حالة فشل خيارات المحلسة التانية - لانه مجبر بتعليمات من الماسونية العالمية على تنفيذ مخططاتها
|
|
#15
09-07-2011, 11:39 AM
|
||||
|
||||
|
رد: هتافات التحرير
انا قولت ولسه بقول ان المشير مش الجيش واحنا وثقين في الجيش بتاعنا احنا طلبتنا واضحه ومعروفه
محاكمه عادله وعلنيه مجلس رئاسي مدني يتكون من اتنين مدنينين وواحد عسكري اعتبرها عايزين نخفف علي المجلس العسكري ونشيل عنه شويا نبطل نخوف الشعب باننا ليبا او سوريا طيب لبيا وسوريا الجيش بتاعهم من المرتزقه واحنا جشنا منا تفتكر في جندي واحد ممكن يضرب نار علي اهلوا وولاد عموا وناسوا مستحيل حتي لو المجلس العسكري امره بكده هو مش هيعمل كده ابدا لاني اللي اعرفوا ان اي جندي في الجيش لما بيدخل الجيش بيكون هو رئيس نفسه يعني ايوه يتبع التعلمات بس اللي يشوفها تناسب الموقف ولو معلوماتي غلط ياريت حد يصحلها الهتافات انتم مضايقين منها اوي في حين انها معبره عن اللي في الشعب احنا مش ضدد الجيش ولكن ضدد المشير اللي بيتستر لسه علي مبارك واعوانه يعني ايه رايكم في المسلسله دي مبارك عنده القلب مبارك عنده السكر اوبا مبارك عندوا السرطان اوبا مبارك لا يمكن يدخل السخن علشان يا عيني تعبان تفتكروا لو مبارك ده واحد من الشعب عادي وسارق 70 مليار جنيه مصري وعندوا امراض الدنيا كلها هيسبواه براه ولا مبارك علي راسه ريشه اشمعنا بيطبق المحكمات العسكريه علي ناس مدنيين والناس العسكريه لا هي المحكمات العسكريه بقيت للمدنيين وانا مش عارفه ومش مبارك عسكري برضوا وصاحب الضربه الاولي وبلا بلا بلا بلا ردوا عليا انا واحده من الثوار دول حولوا تقنعوني ان المجلس العسكري بيطبق مطالبي ومطالب الناس اللي في التحرير لو المجلس العسكري فاهم اننا هننسي حقنا في الحريه وحقنا في حكمتهم احنا فكرين ومش هنسي اننا اضربنا برصاص حي ومات مننا اكتر من 500 واحد شهيد ولو المجلس العسكري فاكر اننا هنرضي بالفرافيت اللي بتريمهلنا ماما سوزي يبقي غلطان للمره التانيه والنائب العام هي القضايه ديت جديده عليه يعني اول مره يشوفها ولا قدامه من ايام مبارك عايزه افهم ايه اللي هيخليه دلوقتي يرجع الحق لاصحابوا ماكان قداموا قبل الثوره يومين ونسمع سوزي اتنزلت عن 24 مليون من اصل كام مليار في الخارج ويومين ونسمع زكريا عزمي خرج بكفاله وبعدين يرجعوا السجن علشان الشارع اتقلب عليهم اللهماالشعب والثوار مش فاهمه بيجسوا نبضنا ولا ايه هو في ايه انا حسه انهم بعملونا زي العيال بيقولك بص انت نجحت وهما ضحكين عليك علشان مصالحهم يا ايها المجلس العسكري لقد نفذ رصيدك ويا اما تتحرك بما يرضي الله وتخاف علي البلد دي وتراعغي القسم اللي انت حلفتوا قبل ما تتدخل خدمه في الجيش يا اما تعترف انك متكتف ومتلجم ومش عارف تتصرف او بترسم لينا خريطه احنا مش عارفنها بس احب اقولك يا مجلس يا عسكري احنا مش هنسكت ومش هنجيب ديكتاتور تاني ولو فيها رقابنا وعمر مصر ما هتكون ليبيا ولا سوريا
|
 |
|
|
