وزارة الداخلية و رجالها المحترمين !!!!!!!!!!!!!!!!!!

[hisham750]

في سلبيات وايجابيات للشرطة حتي الان
يوم الجمعة الماضية الساعة 3.30 عصرا علي طريق كورنيش المعادي وقبل قسم مصر القديمة بحوالي 200 متر لاقت فجأة مجموعة بلطجية بقطعوا علي الطريق وبيقفوا العربيات رجالة وستات وبنات واطفال وصييع و كل الاعمار تقريبا بالاسلحة البيضاء والشوم بيقفلوا الطريق امام السيارات و انا كنت اول سيارة في المواجهة ولان كان عددهم كبير جدا حوالي 30 وقفت طبعا وحاولت اكون هادي في التعامل معاهم لاني مش عارف هما عايزين ايه سرقة و لا بلطجة ولا ايه بالظبط وحاولت اسأل واحد منهم ايه الموضوع اتضح ان لهم واحد اتقبض عليه بالليل بسجارتين مخدرات وهما قررو يسدو الشارع و برضوا يقلبوا العربيات حد لما يفرجوا عن اخوهم المظلوم ده يدوب ماشي معاه سجارتين مخدرات لزوم المزاج معملش جريمة يعني
المهم العربية كانت دايرة روحت طالع مرة واحدة امركاني وواخد فوق العربية اتنين تلاتة من الواقفين ادامي و حاولة يقفوني بس انا كنت قررت اجري حتي لو موت اي حد قدامي بسرعة وقبل البنزينة اللي قبل مطلع الدائري لمحت سيارة شرطة و 2 عساكر شرطة عسكرية وقفت بسرعة ورجعت لهم و حكتلهم علي الي حصل وبسرعة لاقت ضابط الشرطة بيتحرك ناحية السيارة البوكس وبيركب العساكر اليه معاه واتحرك بسرعة نحو المكان اللي في المشكلة وانا كنت عايز اعرف هيعمل ايه ركنت العربية و في اقل من عشر دقائق لاقت العربيات كلها جايه تجري وبعد لما الظابط راح لهم بس مش عارف هو قبض عليهم ولا عمل ايه ولكن سرعة استجابته هو العساكر والامناء بجد يشكروا جميعا عليها و تحس ان برضوا في ناس بالشرطة محترميين

[د.كمال]

المشاركة الأصلية كتبت بواسطة mmffor انا كنت بفكر في حل جدي و جذري لحل سفالة الداخلية بصورة عملية " كل منطقة تقوم باختيار فرقة من 5 شباب من الشباب المحترمين يتم استخراج تصريح سلاح ليهم من الجيش - و ال5 يبقى معاهم موبايل و النمر تبقى مع كل سكان المنطقة - لو حصل اي حاجة يقوموا بالاتصال باي رقم و يتوجه بعض هؤلاء الافراد الى مصدر البلاغ او كلهم حسب الحالة - زي قوة تدخل سريع من مدنيين مسلحيين في حالة ستاندباي 24/24 ايه رأيكوا في الفكرة دي؟ 5 شباب لكل منطقة لو كل محل دفع في الشهر 50 جنيه و كل شقة 5 جنيه الشباب دول حييدخلهم مرتب ممتاز و في نفس الوقت مفيش اي بغل حيفكر يقرب من المنطقة (طبعا العدد و الكيفية ممكن تتغير من منطقة لاخرى حسب الحالة الامنية للمنطقة )

كلامك مظبوط ياأستاذ ممفور ....بس انا او انت لو مسافر ولا رايح شغلى بالليل مين هيحمينى .
لو عربيتى اتسرقت ولا ابنى اتخطف مين هيحمينى ....
بصراحه المطلوب ثوره تانيه على الداخليه وإللى بيديروا البلاد وإلا البلد هتضيع .

[amrmohamed1975]

لذلك انا قلت ان التعميم فيه خطا لكن الناس اللي مش عايزة تشتغل تتفضل مع الف سلامة على بيوتها و يا نحلة لا تقرصيني و لا عايز عسل منك