الحقونى قربت اتجنن ... الميه عماله تنقص

[Mohamed Dahab]

المشاركة الأصلية كتبت بواسطة momen_bondok انت غيرت كل دة ونسيت تغيير اهم حاجة لازم تغير الميكانيكى

بصراحه حضرتك لازم تعكل كده

[ahmed samir mosa]

طيب شوف كدة العربية وهي باردة في تحتها تنقط مياة ولا اة وبعدين لو في شوف المياة بتيجي منين وانا شاء الله خير

[fadymedhat]

انا كان عندى نفس المشكلة..بس طلع العيب من غطاء المياه..كان فيه شرخ..المية بتتبخر مع السخونة...

[sokaroz]

صديقى انا كان عندى نفس المشكلة ورحت لصديق بتاع ريداتير وقالى مفيش اى تسريب والريداتير سليم وكلة تمام وفى الحقيقة انا كل مشوار احط بتاع لتر مية فى القربة لما كنت هتجنن الخلاصة بقى رحت لمركز خدمة معتمد لدايو وبالفحص والتدقيق وجد ان المياة بتتسرب الى داخل مقصورة القيادة عن طريق التكييف السخن وقال ان الكولية بتاع المية داب وعلية قطع توصيل المياة للتكيف الساخن وبالفعل المياة لم تنقص من ساعتها ( جرب الحوار دة وقلنا عملت اية ) وتحياتى لكل ركاب اللانوس اخوكم صفوت صلاح

[حسام البورسعيدى]

اتاكد ان غطاء الريداتير كويس والكاوتش بتاعه سليم ...

وبعدين اتاكد ان الريدياتير نفسه سليم .. يعنى لما العربية تكون سخنة بطل الموتور وافتح الكبوت وحاول تدور على اى تسريب او اى صوت تنفيس ..

مع التاكد طبعا من سلامة جميع خراطيم الميه ....

لو ملاحظتش حاجة خدها لورشة ريدياتير تكون معروفة وباذن الله بسيطة ...