انقذونى من التفكييييير :-(

[momen mekky]

بلاش افيو ......حتغير شكل و حينزل غالي
و معني انك ممكن تجيب افيو زيروو ....يبقي معاك في حدود ال87,000
وده ثمن الجين 2 مانيوال زيرو و كمان في عربيات كويسه بالسعر ده
Tigo - Sunny - Logan -207- gen2- Accent- Verna

[AbOnOrA]

مع احترامى للفيرنا طبعا

بس الهيونداى فى مصر الجيتز والنيو اكسنت والالنترا وكفى

وسيبك من الشيفرولية خالص علشان بقو اقرب للصينى والمصرى من الكورى
حتى الشيفرولية اللى بتتقفل بره (الشيفرولية الكورى) مش محبوبة بره برضو على عكس الدايو بتاع زمان

البروتون جميلة وعربيه محترمة كامكانيات وقيمة مقابل سعر
بس مشكلتها انها مش زى الكورى ويمكن اقرب للاوربى فى التعايش معاها
قطع غيار غاليه وصيانة مكلفة ومش فى اى مكان

فالكورى يكسب وبالاخص هيونداى او كيا
وكل ده بالنسبة للجديد

لكن ابداً ابداً مينفعش نقارن لك عربيه مستعملة مقابل واحدة جديدة لان لو العربيتين اخوات والاتنين موديل 2011 وواحدة مستعملة واحدة جديدة هيبقى فيه فرق بينهم
فالمستعمل حسبه والجديد حسبه تانية تقرر الاول انهى فيهم انسبلك وبعدين تقارن جديد بجديد او مستعمل بمستعمل
وربنا ييسرلك الخير حيث كان

[heroso]

يا جماعة انا معروض عليا لانسر 2007 فول اوبشن اتوماتيك عامله 120.000 كيلو جمبع الكماليات كلاسيك الحاله الداخلية و الخارجية جيدة جدا مفيهاش جنوط اللى فيها الطاسات العادية البلاستيك بس انا خايف من سعرها بصراحة هيا عامله 65.000 الف جنية ارجو من حضراتك الافادة

[dr.wael7yran]

الافيو لأ...
انا لسه بايعها..2006 الكوري
ادخل على قسم الافيو هنا في المنتدى و انت هتعرف الحقيقة المرة
و بلاش الارقام الكبيرة دي في المستعمل
الزيرو له طعمه طبعا
طيب تجيب ايه؟؟؟
اهلا بيك معانا في نادي الحيرانييين
ما هو يا انت معاك 70 الف بس فبتقارن بين لانوس و لوجان و فيرنا و كلام فاضي بعد كده
يا اما معاك 120 الف و اللانسر و السيراتو و الاربي و الالنترا القديم و كل الحركااااااات
يا اما قاعد في النص زي بتشوووف حاجات جميييييلة
الصني و الريو و الساجا و السكالا و ال ام 11و حاجات ظريييفة
متابع معاك و ربنا يكرم