ماتريكس 2001 استيراد كورى

[tham1010]

يا أستاذ سيد العربية لو مغيرة ربع تبقى تجرى وتسبها. هتلاقى بدل العربية ألف عربية. التجار للاسف بيشتروى العربيات اللى مغيرة ربع أو عمله حادثة وتتظبط قبل ما تتباع ويبعوها على إنها فبريكة. يعنى يقطعوا رقبه البائع الكورى وكمان المشترى المصرى. أبعد عن العربيات دى وخلى بالك. لان ممكن ضربة فى الصاج تكون مأثرة على العافشة. هتلاقى بجد عربيات لافيتا كتيرة فبريكة. أنا سبت 6 عربيات لحد ما أخذت بتاعتها وهى زى الفل معايا.... حرص وأنت بتشترى وروح كذا مرة ومش تستعجل أنت عندك سنة من ساعة الجلسة علشان تشترى.

كما فى ملحوظة حضرتك بتشترى العربية اللى الكومسيون بيحددها يعنى لو إعاقة شمال يبقى العربية مانيول لو الإعاقة يمين بتكون أتوماتيك وبتركب تجهيزة. لازم العربية يتركب لها تجهيزة علشان يتفرج عنها من الجمرك. أنا مش عارف ظروق بورسعيد أيه

[سيد رمضان]

استاذى الفاضل
ان والله بشكرك جزيل الشكر على التعليق الممتاز
بس انا فى غاية الحيرة بين دايو نوبيرا 2001 وماتريكس 2001
بصراحه انا سفرى كتير
انا جربت العربيه الدايو وكنت ماشى 140 ثبات 10/10
انا مجربتش الماتريكس على السرعات العليا
خايف من نقطتين وياريت حضرتك توضح هملى
اولا ثبات العربيه فى السرعات العاليا
ثانيا خايف لا قدر الله تقلب منى وانا فى منحى
ارجو التوضيح وشكرا

[سيد رمضان]

وعلى فكره الدايو عامل من 26 الى 30 اما الماتريكس الكورى من 37 الى 41 والاوربى 43 الى 45 وبينزل فيه ال abs وماتوره 1600 مش زى الكورى 1500 وكمان اسمه ماتريكس مش لافيتا

[tham1010]

أستاذ رمضان
طبعا الثبات هيكون لصالح النوبيرا وقطع الغيار والصيانة برضوا فى صالحها. ولو جبتها أوربى وفيها الكمليات زى فرامل Abs ووسائد هوائية وماتور 1600 (16 صباب) و 2 كاما تبقى لقطة بالسعر دة. للاسف أنا لما أشتريت مكنش فى غير لافيتا كورى. انا اشتريت من جمرك شبين الكوم لانه كان قريب. الجمرك دة مش فى غير شركة واحدة. الموجود كان لافيتا كورى بس. العربية مش هقول لك إنها جديدة طبعا فيها شوية خدوش خفيفة والصالون 80% العجل عاوز يتغير لانه ممسوح تقريبا. عمرى ما مشيت على سرعة أكتر من 60. على 60 كيلوا فى الساعة كانت ثابته. أكيد على 140 كيلوا مش هتكون ثابته خالص لانها عربية عالية... أنا كنت شاريها من سنة بحوالى 37 الف مانيول. يعنى سعر مناسب لعربية جيدة بنسبة 60%. كل حاجة فيها شغال ومش عملت فيها صيانة لحد دلوقتى رغم أنه مفروض على الاقل أغير السيور.


ممكن أسال حضرتك هى الماتركس الأوروبى جاية منين وهل شفت عربيات ماتركس سنة الصنع جديدة فوق 2005؟؟
وما أغلى عربية شفتها ماتركس. أغلى عربية أنا شفتها وأنا بشترى كانت عربية أوكتافيا 2005 أتوماتك عاملة 70 الف..

[tham1010]

على فكرة كما العربية عالية ولكن من جوة يعنى العجل وإرتفاع العربية عادى وهو 16 سنتى عن الارض زى معظم العربيات. المختلف إن الكراسى هى اللى مرتفعة فيعنى مش هتقلب مش تخاف من الحتة بتاع العربية تقلب. معظم الناس بتقول أن الثبات كويس لحد 120 كيلوا زى معظم العربيات. طيب حضرتك ما تجرب تسوق ماتركس على 140 وتقارن كدة. تبقى عملت جميلة وحسمت الامر بتاع الخلاف على ثبات الماتركس...