مقارتة بين فولكس الجنفساء وفيات 127

[samirsaid1]

المشاركة الأصلية كتبت بواسطة violinleader شكرا جدااا جدااا على الرد بس ممكن سؤال كمان هل فولكس الخنفساء بتسخن كتير وانا على فكرة كنت هاشترى عربية جديدة بس جالى كلام غريب جداا جداا على موضوع السيارات الى فى الجمارك وانا حاسس ان هيبقى الايام القادمه هاتبقى كويسه بأذن الله واحسن بالنسبة للسيارات

على فكرة الفوكس مش بتسخن زى العربيات التانية لسببين

موتورها مصنوع من مادة مواتير الطائرات والصواريخ فبيفقد درجة حرارتة بسرعة جدا

تبريدها هواء فمفيش قلق من موضوع المية

وحاجة اخيرة العربية نسبة كبيرة بتعتمد على الميكانيكا يعنى الدينامو والمروحة على الموتور مش كهربا

فدرجة سخونيتها مش هاتحسها يعنى لو جبت عربية جديدة ممكن تلاقى درجة حرارتها 90 مثلا الفولكس هاتلاقيها من فوق دافية لان السخونة بتنزل اول بأول من تحت

بس اهم حاجة تغيير الزيت وضبط التاكيهات

وبالتوفيق

وكفاية عشان انا هاعيط على العربية دى وعلى انى بعتها

[samirsaid1]

المشاركة الأصلية كتبت بواسطة AMMI فيه شىء مميز فى ال 127 وهو وجود اربعة ابواب وده مش موجود فى الخنفسه ولو تقدر تجيب مازدا او 128 يبقى افضل من ناحية الاتساع الداخلى

ما بلاش 127 وال 127

اهو المازدا ماشى

[samirsaid1]

المشاركة الأصلية كتبت بواسطة كومندا اعتقد قطع غيار الفيات 127 موجوده اكتر واى ميكانيكى بيشتغل فيها عن الخنفساء

انا كنت فاكر كدة بس والله لما اشتريتها لقيتها موجودة بس تعرف الاماكن

[Bendary]

فعلا احد عيوب البيتلز صوت موتورها العالى
ويمكن ده ميزه ان ولادك يحضروا الغدا اول ما يسمعوا صوت العربيه من اول الشارع . ههههههههه
بس بجد هيه عربيه ملائمة للاسر الصغيرة واعتقد انها اكثر ثباتا فى السرعات من ال127 وال128

لكن ارجو من اصحاب الخبره وملاك البيتلز ان يمدونا بمعلومات اكتر عن السيارة من حيث :
فرق الموديلات وافضلهم واسعارها الحالية ؟
وهل هذه السيارة تناسب السيدات ام لا ؟

[akerima]

المشاركة الأصلية كتبت بواسطة Bendary فعلا احد عيوب البيتلز صوت موتورها العالى ويمكن ده ميزه ان ولادك يحضروا الغدا اول ما يسمعوا صوت العربيه من اول الشارع . ههههههههه بس بجد هيه عربيه ملائمة للاسر الصغيرة واعتقد انها اكثر ثباتا فى السرعات من ال127 وال128 لكن ارجو من اصحاب الخبره وملاك البيتلز ان يمدونا بمعلومات اكتر عن السيارة من حيث : فرق الموديلات وافضلهم واسعارها الحالية ؟ وهل هذه السيارة تناسب السيدات ام لا ؟

هناك 3 موديلات

1300 اهم مميزاتها العفشة علي ما يسمي بالدنجل ودي عفشة قوية واعطالها قليلة وتتميز بانها ممكن تمشي في الاراضي غير المستوية بدون مشاكل ولهذا كثير من الناس بتستخدمها لما يكون عندهم ارض زراعية - والغالب الاسكندرنية بيطلعو بيها رحلات صيد - اهم عيوبها الرقبة ودي ذي شاسية العربية ودي بتكون معرضة للكسر في بعض الاحيان لكن تصليحها بسيط وسهل

1302 اهم ما يميزها عن ال 1300 هي العفشة اللي بتكون علي يايات زي العربيات العادية ودي بتتميز بانها اكثر مرونة وراحة للراكب لكن اقل منها في المتانة والعمر وتتميز ايضا بشنطة واسعة جدا تعتبر الاوسع ما بين موديلات البيتلز المختلفة - ويطلق عليها زلموكة البيتلز او الأسميل Smile

1303 اعلي موديلات البتلز والاغلي سعرا وتتميز عن ال 1302 بوجود تابلوه وزجاج امامي بومبية وهي الاقرب للسيارات الحديثة من حيث الشكل والمفضلة عند عشاق البيتلز ولكن يعيبها صغر حجم الشنطة نوعا عن 1302

عموما تتميز جميع الموديلات بوجود مساحة تخزينية خلف المقعد الخلفي - تقبل جميع انواع التعديلات والتحديث سواء في الشكل او في الماتور - طول العمر الافتراضي لقطع الغيار الاصلية - السهولة الشديدة في القياده والنعومة وطبعا اهم حاجة في العربية دي الحالة والاهتمام العربية بجد بتحب اللي يهتم بيها مع العلم انها عمرها ما بتشتكي حتي لو عملت فيها اية واعزروني ان كنت بتكلم عنها بالطريقة دي لكن بجد بعد العشرة تحس انها بقت صحبتك

ودي بعض الصور لعشقي الاول والاخير 1302