فضيحة جديدة للشرطة المصرية - 20 / 4 / 2011

[MmFFoR]

الفيديو ده لحادثة تانية جديدة غير الاولانية

الاولانية مكانش فيها شرطة كانوا افراد امن سيكيوريتي غير مسلحين
و ثم في ايه يا جدعان انا حاسس اننا بنخبي راسنا في الرمل
ما طبعا لازم الشرطة تستخدم القوة ضد البلطجية اللي بيرتكبوا عملية قتل قدام عينهم

هوا فيه ايه - انا في تعليقات بتستفزني فعلا

يعني يا يقتلوا متظاهرين شباب نظاف سلميين عزل في مظاهرة و يسيبوا البلطجية عليهم يبهدلوهم

و لما الناس تقول متضربوش المتظاهرين يقوموا يسيبوا البلطجية


نفهمها فيه بلطجي مجرم مسلح في وضع ارتكاب جريمة مع سبق الاصرار و الترصد بمعاونة 10 او 50 شريك في الجريمة و دول دمهم مباح لانهم في لحظة ما رفعوا سلاح فقدوا صفة المدنية و السلمية منهم و وجب التعامل معهم بالقوة


و في في الطرف الاخر متظاهر سلمي او معتصم بيطالب بمطالب اصلاحية كانت او فئوية - و ده لازم نديلة مساحة من الحرية و احترام الرأي علشان يوصل مظلمته لولي الامر المسؤول عن مشكلته - لكن في لحظة المتظاهر ده رفع سلاح تساوى مع البلطجي و وجب التعامل معاه

طول مظاهرات 25 يناير مفيش متظاهر رفع سلاح و الحالة الوحيدة كانت يوم 2 فبراير و السلاح كان طوب ضد البلطجية اللي هاجموهم


يا ريت نفرق


انا من رايي نلغي الشرطة فعلا
و نعمل شركات امن خاصة مسلحة - كل شارع او حي يلموا شهرية من كل شقة 10 جنيه يلمولهم بتاع 3000 جنيه يدوها لشركة امن محترفة تحط على راس الشارع 2 امن مسلحين بالي و محترفين في التعامل صبح و ليل

ولا حتلاقي معاكسات ولا سرقة عربيات ولا سرقة شقق ولا موبايل

بدل ولاد التيت خيالات المااته دول

[s0144862631]

المشاركة الأصلية كتبت بواسطة AboNoRa انا رائى نلغى الشرطة ونوفر مرتباتهم احسن

يا باشا خلي انت قائد المجموعه من الظباط والعساكر اللي موجودين في المستشفى ممكن عرف حلك للمشكله ازاي وامامك 300 بلطجي وخلفك محاكمات و اعلام بايظ هيقول الشرطه بتموت في الناس و هيطلع اللي يقولك شهداء
والله انا مشفق على افراد الشرطه
وللعلم انا مش من الشرطه ولا حاجه

[MmFFoR]

لو انا ضابط؟
اتصل بالجييش
اتصل بالقيادة
اخيرا افتح عليهم نار و اخللي العساكر تلم فيهم زي الفراخ السايبة
و حبقى بطل
لان الدكاترة و الجيران و الناس المحترمة حتشهد لهم

زي ما حصل مع ضابط المعادي - سواقين الميكروباص ضربوه و قالوا انه ضرب نار
الناس كلها شهدت للضابط

الشعب المصري مش غبي يا محترم

و الضابط اللي كان حيخلص على 30 او 40 من البلطجية دول كان حيبقى بطل

[sad-bird]

المشاركة الأصلية كتبت بواسطة mmffor لو انا ضابط؟ اتصل بالجييش اتصل بالقيادة اخيرا افتح عليهم نار و اخللي العساكر تلم فيهم زي الفراخ السايبة و حبقى بطل لان الدكاترة و الجيران و الناس المحترمة حتشهد لهم

من باب العلم بالشيء مفيش اي استعمال لاي ذخيرة حيه خصوصا بعد الاحداث الاخيرة وده علشان منفقدش السيطرة والثقة في الجيش هو كمان

المشاركة الأصلية كتبت بواسطة mmffor زي ما حصل مع ضابط المعادي - سواقين الميكروباص ضربوه و قالوا انه ضرب نار الناس كلها شهدت للضابط

اه
كلامك صح
بس بعد ما اتعمل ايه في الضابط وحصله ايه
وقعد كام يوم لغايه لما اتثبت صحة كلامة
الضابط مهما كانت قوته فهو بشر وله قوة احتمال

[sherif4004]

المفروض يتعمل حمله لتطهير البلد من البلطجيه ويتعمل قانون لمحاربه البلطجه
وياريت المحاكم تكون سريعه لان العداله البطيئه ظلم