تم حذف الموضوع (( لعدم اخيتار الوقت المناسب ))

[MmFFoR]

عموما لو عايزين الفيديوات اللي انا ضفتها بناءا على طلب الزملاء انا ممكن اضيفها هنا

[حازم شاهين]

طبعا الحوار مطلوب و مباح لكن الموضوع المحذوف ماكانش دعوة للحوار
إنما كان دعوة لوقفة سلمية للمطالبة بطلب محدد و كان محدد ليها موعد بعد خمس أشهر و فى توقيت مقارب لتوقيت اﻹنتخابات التشريعية
صحيح الموضوع تطور إلى حوار حول المشكلة نفسها
و أنا كان ردى على اﻷستاذ مهران إن الوقت الراهن هو وقت تأسيس نظام جديد يجب أن نحرص على حشد توافق حوله
و وضع نظام جديد يفضل أن يكون بالتوافق بين كل أطياف و قوى المجتمع المصرى قدر اﻹمكان
و إثارة مثل هذه القضايا فى الوقت الراهن تؤدى حتما إلى إنقسام المجتمع و تمترس كل طرف مقابل اﻷخر دفاعا عن مصالحه مما ينزلق بنا إلى الشقاق و الفرقة
يجب أن يكون حرصنا فى الوقت الراهن على التركيز على القضية الرئيسية و هى تأسيس نظام للحكم يضمن إحترام الشرائع و سيادة القانون فى نفس الوقت
و هذا هو الضامن اﻷول اﻷخير لعدم تكرر مثل هذه الحالات فى المستقبل حيث سيكون المرجع والفيصل لنا جميعا هو القانون و ليس التدخلات اﻷمنية البغيضة التى أدت و ساهمة فى هذا اﻹحتقان الدفين

[MIDO-SPICY]

المشاركة الأصلية كتبت بواسطة حازم شاهين طبعا الحوار مطلوب و مباح لكن الموضوع المحذوف ماكانش دعوة للحوار إنما كان دعوة لوقفة سلمية للمطالبة بطلب محدد و كان محدد ليها موعد بعد خمس أشهر و فى توقيت مقارب لتوقيت اﻹنتخابات التشريعية

بالظبط هو دا اللى انا كنت عايز اقوله
الموضوع مش موضوع الرأى والرأى الاخر
كان الدعوه لوقفه سلميه
وانا حتى رديت على الموضوع وقلت ان الوقفه دى فى الوقت دا هيخلق جو غنى لصانعى الفتنه فى مصر واحنا كنا ماصدقنا اننا انتهينا من نغمه الفتنه الطائفيه بعد ما عرفنا ان حاميها حراميها وان حماتها هما صانعيها

بصراحه انا مع قرار أ/ حازم

وعلى فكرة دا ماكنش راىى لوحدى ... دا كان راى معظم الاعضاء اللى شافوا الموضوع وعلقوا عليه

[AbOnOrA]

طيب عموماً الاختلاف فى الرأى لا يفسد للود قضيه

انا تعليقاً على مشاركة hamaza81 وعموماً بقول ان المطالب الفئوية والاحتقان الطائفى كانو من اسباب قيام الثورة لكن مع تراكم المطالب واليقيين اللى وصلنا ليه جميعاً بإن كل الحلول بايد الارادة السياسية فكانت المطالبة باصلاح وتغيير شامل
وبالتالى فالاصل فى الثورة هو تغيير الاوضاع السلبيه فئوياً

وبالتالى فانا مع المطالبات الفئوية لكن مش بنفس اسلوب الثورة
يعنى خلاص مش مستاهلة تظاهر واعصامات بالعكس ده دور تفعيل الاليات الطبيعية
يعنى بلاغات وقضايا وحشد رأى عام وحوار علنى واضح للوصول لحلول وقناعات واضحة

لكن فيه فرق كبير بين المطالب الفئوية والمطالب الطائفيه
واكيد التصعيد الطائفى مش حل وعواقبه وخيمة
واكيد برضو السكوت مش حل

فانا ادعو للحوار طبعاً اولاً واخيراً

[mahranahm]

والله بغض النظر عن الموضوع ككل

الواحد سعيد جدا جدا جدا انه اشترك فى هذا المنتدى المحترم جدا جدا جدا
وجهات نظر مختلفة لا تفسد فى المحبة شىء اراء الواحد لما يستمع ليها المستوى الفكرى له بيتغير بدرجة 180 درجة

يعنى بمعنى اصح منتدى متكامل (( full option )) .
انا طبعا بحترم اراء كل الشاركوا فى الموضوع .

وطبعا احتراما لمنتدانا وادارتنا اوعدكم انى مش حتكلم فى الموضوع ده تانى الى ان تعيد الادارة الموضوع بعد استقرار البلاد واحوالها ان شاء الله .

وبعتذر لكل واحد فى المنتدى وصلة منى اساءه بدون قصد .

وكل الحب والتقدير لمنتدانا
منتدى مصر موتورز منتدى العظماء منتدى مصر حرة