|
| الكشف على الاشياء الاتية والتأكد منها عند شراء سيارة مستعملة |
1
|
الرخصة
والتوكيلات
| كام سنة واشوفها لازم اشوفها واشوف بطاقتوا هل نفس الاسم ومرور ايه
|
|
| بها توكيلات كام واحد واشوفها وتواريخ التوكيلات(علشان تعرف العربية معاه من امتى
|
2
| رقم الماتور والشاسيه
| لابد من فحص الارقام مع الرخصة عند اى حد
|
3
| تسأل فى المرور
| فضى نفسك يوم وروح مرور العربية واسأل عن اذا كان عليها حظر ام لا ولو كان عليها حظر واتفك تسأل فى البنك وتشوف ملف العربية كانت مع كام واحد قبل كدة وعليها مخالفات اد اية
|
4
| الزجاج
| الابواب والامامى والخلفى (هل هو الاصلى ام لا) ولماذا (لو الزجاج الاصلى هتلاقى ماركة العربية مكتوبة علية ... اسفل اليمين او الشمال .... علشان ممكن يكون مكسور من طوبة .... وممكن يكون نتيجة حادث)
|
5
| الكاوتش
| هل نوع واحد هل جيد هل الاصلى
|
6
| الاستبن
| هل نفس نوع الكاوتش هل جيد (ونزلو متتكسفش وشوفو فية خبطات ولا لاء )
|
7
| الجنوط
| تمشى ايدك حوالين داير للخمس جنوط هل دايرها مظبوط ولابه خبطات
|
8
| العتب
| هل بة خبطات ام لا (مع العلم انة صعب جدا تصليحة)
|
9
| الكارتيرات
| راكبة ام لا (للرفارف والاكصدامات) وهل اتفكوا قبل
|
10
| الاكصدامات
| فروقاتها مع الصاج وكلبساتها
|
11
| الفوانيس
| مظبوطة مع الصاج و هل مغبشة هل مكسورة هل بها تسرسب مياه
|
12
| الزجاج الامامى
| التأنى هل بة اى شرخ او نقر ام لا ......
|
13
| الفرش الداخلى
| حالتة العامة وكل وحدة على حدة وحالة فرش السقف وترجيع الكرسى والظهر وفتح ادراج التابلوه وهل بها الدواسات الاصلية
|
14
| الحالة الداخلية
| للتابلوه والطارة وحوالين العدادات والكاسيت والبلاستيك الداخلى هل به تجاريح او كسر او اى اصلاحات او فك
|
15
| انوار التابلوه
| تشغيل الكونتاكت والنظر الى لمبه الايرباج وABS شغالين ولا لاء وبيطفو بعد بعد حوالى ثلاث ثوانى ولا لاء
|
16
| تشغيل العربية
| هل بتدور علطول ام لا هل صوتها مستقر وعلى وتيره واحدة ام بها كركبة وورة والنظر الى عداد الRPM هل مستقر وثابت ام لا وعداد الحرارة واسمع صوت العربية مره ووانتى داخلها وقافل الابواب ومره وانتى خارجها وفاتح الكابوت ومرة وانتى خارجها وقافل الكابوت
|
17
| التكييف
| تشغيل التكييف والنظر الى عداد الRPM هل زاد وثابت ام متوتر
|
18
| لف الدريكسيون
| اقصى اليمين واقصى الشمال هل بة اصوات ام لا (مرة وانتى داخل العربية ومرة وانتى خارجها)
|
19
| الزجاج الجانبى
| فتح ال اربع نوافذ وقفلهم هل سريعين ام بطئ
|
20
| الكاسيت والكماليات
| تشغيل كافة الكماليات الداخلية والمرايات اقفلها وافتحها والتأكد منها جيدا
|
21
| المساحات ورش المياه
| تجريبها والتأكد من سلامتها
|
22
| قفل الابواب
| حالتها هل تقفل من اول مرة ام لا (والشنطة والكبوت)
|
23
|
حالة المساعدين
| نتطت العربية وسيبها وشوف هتنط وتقف ولاهتفضل تتنطط مهما كان نوع العربية وموديلها متتكسفش
|
24
| فوارق الصاج
| النظر الى فوارق الابواب والرفارف والكبوت والشنطة
|
25
| حالة الدهان
| مشى ايدك على كل جزء على حدة (كابوت-رفرف-باب) من فوق لاسفل ويمين وشمان وحوالين السوك والحزوز وتأكد من عدم وجود تسييل للدهان او عالى وواطى
|
26
| حالة الدهان
| انظر الى الصاج ككل هل فى فرق الوان هل بيعكس الاضاءه والشارع مظبوط ام به تعرييج والنظر حوالين حز جلد الزجاج
|
27
| البارومة
| تأكد من عدم وجود بارومة تحت الرفارف او تحت العربية
|
28
| تحت العربية
| انظر تحت العربية وتأكد من عدم وجود اى تسريب لزيزت او مياه
|
29
| رفع السيارة
| تأكد من عدم وجود خبطات او لحامات او ترشيح زيوت ولاتعتمد على احد وانظر بنفسك
|
30
| حالة الماتور
| صوتة مستقر - يدور بسرعه (لابد من كشفة عند متخصص)
|
31
| حالة المساعدين
| لابد من الكشف عند متخصص (والكشف على علبة الدريكسيون)
|
32
| مشى العربية
| عدم وجود اى اصوات غريبة او ونة وحاول تسوقها وتجرى بيها وتمشى بالراحة
|
33
| اخيرا
| فى عربيات زى الالمانى لازم تكشف عليها بكمبيوتر اعطال (او اى عربية فيها سينسورات كتيرة)
بجد يا حماعة لازم تتأكدوا من الحاجات دى اوى علشان تبين لك خلفية كبيرة عن العربية ( ومتعتمدش على اللى بيكشفلك على العربية بس) ... والله الموفق
|
18-04-2011, 04:26 PM
رد: فكرت تشترى مستعمل ........... ادخل هنا ومش هتندم (هام)
وحش الأسفلت
