ماهو احساسك بعد دخول ابني الرئيس السابق وحكومته وحاشيته الى السجن؟!

[fineart607]

الحمد لله وربنا سبحانة وتعالى هيعوض الشعب المصرى المحترم بس خير

[AbOnOrA]

انا مشاعرى مختلطة مش متضاربة
فمن ناحية مشفق على معاناه اسرته كأنسان متمناش انه فى السن ده يشوف ولادة الاتنين بيتاخدو منه للسجن ..
لكن مش موضوع رئيس والكلام ده لانه هو وغيرة من رؤساء وحكام العرب عانو عار على العرب قبل ما يكونو رمز او فخر لينا

بس ديه اكتر حاجة وجعانى ويضاف ليها مشاعر القلق من بطىء المحاكمات او هروب جماعى من سجن طرة او ضياع الفلوس ومنعرفش نجيبها

لكن بصفه عامة القرار خطوة كبيره ومهمة فى سبيل اقرار العدالة واقرار سيادة القانون

[pointer]

المشاركة الأصلية كتبت بواسطة AboNoRa انا مشاعرى مختلطة مش متضاربة فمن ناحية مشفق على معاناه اسرته كأنسان متمناش انه فى السن ده يشوف ولادة الاتنين بيتاخدو منه للسجن .. لكن مش موضوع رئيس والكلام ده لانه هو وغيرة من رؤساء وحكام العرب عانو عار على العرب قبل ما يكونو رمز او فخر لينا بس ديه اكتر حاجة وجعانى ويضاف ليها مشاعر القلق من بطىء المحاكمات او هروب جماعى من سجن طرة او ضياع الفلوس ومنعرفش نجيبها لكن بصفه عامة القرار خطوة كبيره ومهمة فى سبيل اقرار العدالة واقرار سيادة القانون

معلش يا وائل السن و ولاده الكلام ده مينفعش
اللي غلط لازم يتحاكم
لو حد غالي عليه عياله لا يغلط ولا يخليهم يغلطوا
و اللي مايرضاهوش الواحد لعياله ما يرضهوش للناس

قال نبينا الكريم صلى الله عليه وسلم: «إنما أهلك الذين قبلكم، أنهم كانوا إذا سرق فيهم الشريف تركوه، وإذا سرق فيهم الضعيف أقاموا عليه الحد» [رواه البخاري].
التحقيقات ماشيه وربنا هيظهر الحق باذنه تعالي

[SHERIF MARLBORO]

عصر سيادة القانون بدأ

[samirayad]

المشاركة الأصلية كتبت بواسطة tifa_1979 انا مشاعرى مختلفه بالنسبة للرئيس الجمهورية وبالنسبة للمسئولين وحتى ابنه بالنسبة للرئيس الجمهورية انا متاكد انه غير فاسد وكمان مش عنده المبالغ ايلى بتتقال ديه علشان لوهو كده مش كان يستنى فى مصر كان عمل ذى زين العابدين اما بالنسبة للمسئولين وحتى ابناء انا مستنى كلمة القضاء ولكن بدون حقد او غل كمان انا غير راضى تماما عن الاسلوب الذى يتم التعامل بيه مع رئيس الجمهورية انا عمرى ماكنت فى حزب وطنى وعمرى ماكنت سياسى اصلا بس قلة الادب ايلى الناس بيتكلم بيه عنه هى اكتر حاجه مضيقنى علشان احنا ممكن نشنق الرئيس لو سرق او تسبب فى قتل حد ولكن بدون تجريح وتاليف ناس خرجت علينا من يوم تنحى بانه عنده 17 مليار دولار وتجميد اصول فى سويسرا وانجلتر وحتى الان مفيش ورقة واحده رسمية خرجت من الخارج او الداخل بثبت الكلام ده وكمان الرئيس تحكم عليه بحبس على ذمة التحقيق فى قضية قتل المتظاهرين فين تضخم الثروة ايلى الناس بيتكلم عليه انا عارف ان فى ناس هترفض الكلام ده بس ياريت نحترم بعض ولوفى فاسد يتحكم بالقانون بس وبنية الناس دلوقتى حكمة على المسئولين بشنق قبل كلمة القضاء وهذا خطير علشان فى ناس مش هنقدر نثبت عليها حاجه

حط نفسك مكان أى واحد

من أهل هؤلاء الشهداء

http://www.masrmotors.com/vb/showthread.php?t=47295

______________

لاتنسى الشهداء

اللذين كانوا سببا فيما تراه حاليا بمصر

على فكره

أنا سمعت أنهم وصلوا لحوالى 1200 شهيدا

غير الجرحى

____________

مفيش فرق بين إنسان وإنسان

إلا بالتقوى والعمل الصالح

لما الناس بتدخل المقبره بيبقوا كلهم زى بعض

مفيش فرق بين رئيس ومرؤوس

يادوب كل إللى الواحد بياخده معاه من الدنيا

( قطعه من القطن )

_____________

إحنا مش عاوزين الفلوس إللى أتنهبت

ولكن عاوزين الشهداء يرجعوا تانى