تبرعو الى مبارك ...!!! تبرعـــــــــــــــــــــ ـــــــــــــــو..!!

نتبرعلو بايه
بفاكهة وخضار مرويين بمية صرف صحي
ولا مية شرب ملوثة
ولا عيشة نار تكوينا
ولا عيش مليان مسامير
ولا نتبرعلو بلحم فية جنون بقر
ولا فراخ فيها انفلوانزا طيور
ولا سمك مليان كيماوي
ولا جبنة فيها فورمالين
ولا لانشون وبسطرمة بالفئران
ولا ادوية راحت منها المادة الفعالة وبقت مغشوشة
ولا نتبرع باعضاء اجسامنا اللي قربت تبقى مش صالحة بسببة
نتبرع باية ولا ايه
بقالنا 30 بنتبرعله
يعني كان تمران فية
وحسبي الله ونعم الوكيل

[MmFFoR]

اللي داخل يتريق
كلمة واحدة بس
حتتبرع واللا لأ؟

[_amr.mostafa_]

المشاركة الأصلية كتبت بواسطة mmffor اللي داخل يتريق كلمة واحدة بس حتتبرع واللا لأ؟

هو ده سؤال يتسال طبعا اه هتبرعلو ..

[مهند سالم]

اتبرع ولو بمليون (ده حتى المليون الواحد بيخش بيه المحل يجيب شوية جبن ويطلع من غيره)
حسنة قليلة تمنع بلاوي كثيرة
الدفع بالدولار أو اليورو، وعشان ما نضيقش على الناس، ممكن في بعض الأحيان بالاسترليني.
أي بني آدم هيفكر يتبرع بالجنيه المصري هنحط السيخ المحمي في..............
ولو ذهب يبقى عيار 24 ، ولو في 48 يكون أحسن.
أما الألماز والياقوت والأحجار الكريمة فتوسعوا فيهم قدر المستطاع.
رئيس سابق محتاج يا أولاد الحلال

[emad7759]

المشاركة الأصلية كتبت بواسطة خالد دبي انت عارف انا كنت داخل معصب دلوقتي وعاوز اكتب موضوع عن كلمه مبارك لكن انتا هديتني بكلامك ده وفعلا انا قررت اتبرعله بحاجه في بالي بس يخالف عليها القانون 32 سنه شالل اهالينا ويقول ماحلتيش حاجه 32 سنه فقر وذل واهانه وتعذيب وف الاخر ايها الاخوه والاخوات 32 نافخ اللي جابونا وف الاخر يحتفظ بحقه القانوني في مقاضاه كل من شهر به وبأسرته هيقاضي مين ولا مين يقاضي 85 مليون بس هقول ايه منا لو قلت عضويتي من مصر موتورز هتتشطب وانا مقدرش على كده بس طبعا كل اللي هيقرا كلامي عارف كويس انا عاوز اقول ايه

ولله ياخالد باشا انتا قلت كل حاجه فى كلمتين وبس

والحمد لله ان الشعب المصرى بيحل الكلمات المقطعه كويس جدا

وانا حاسس انى هاجى مره وهنفجر وتتلغى عضويتى فى بيتنا التانى

وشكرا لك ياخى عامل الموضوع

وحسبنا لله ونعم الوكيل فى كل ظالم