عفوا أهذا زمن البلطجية؟!

[mesho70]

- اخى الفاضل دكتور تامر
- نعم كما ذكرت وازيد
- لم تصبح البلطجة فالشارع فحسب بل امتد الى داخل مؤسسات كبيرة لا يصح ان تكون هكذا
- اصبح - ولن اعمم - البعض يرفض العمل ويتكاسل على تأدية واجبة واصبح مديرة فالعمل ان اتخذ اجراء يصبح عدو للثورة ويطالبون بنقلة
- للاسف من اراد ان يفعل شىء فعلة وهو يعلم انة لا يوجد من يحاسبة
- وتواطىء من بعض رجال الشرطة فى صورة " انهم لا يردون مواجهة المواطنين "
- وهو حق اُريد بة باطل
- ماذا يكون شعورك عندما تقابل السيد رئيس المباحث وهو يجلس يتجاذب اطراف الحديث بل والنكات مع ( لص ) نعم لص ادين وسجن فى قضية وتقف انت دون اهتمام منة
وللحديث بقية

[hazem_khidr]

النهارده كنت في الشارع راكب العربيه في ميدان الشون و الدنيا زحمه بطريقه بشعه
(كان هناك احدي الاضرابات بتاع تكاتك باين ولا اي فئه ) المهمراكن العربيه و طالع بيها
لقيت واحد راكب مرسيدس قديمه واقف في نص الشارع
و واحد واقف من الشباك بيكلمه
المهم ما زمرتش ولا حاجه علشان ما استفزوش
و نزلت بقوله بعد اذنك اركن علي جنب تخيلوا يرد يقول ايه؟؟
اعتبر العربيه عطلانه !!!!!!!
للدرجادي
قولتله ازقها معاك لو عطلانه تحت امرك بس انت كده معطل الشارع
يقولي اعتبرها عطلانه و هو كده
قولتله هو الدين اللي قالك كده تعطل مصالح الناس؟؟
ما ردش و قمت سايبه و ماشي
لقيت ضابط واقف روحت كلمته و حكيت له
قام قالي طب ابعد عني و انا حتصرف
مشيت و وقفت بعيد لقيت الضابط راح لصاحب العربيه و بيكلمه
و اخد منه الرخص و قاله و اعتقد انه قاله روح استني عند كشك المرور
الراجل نزل من العربيه و الضابط قاله اتفضل اركب و استني و مشي و سابه
روحت انا لعربيتي و كان الجدع اللي واقف عمال يبص عليا
قمت باصص له و ابتسمت ابتسامه صفرا و مشيت!!!

[nktis]

اولا شكرااا يا دكتور علي الموضوع ولفت الانتباه للخطر القادم من جراء التباطئ في اجهزه الدوله...
ثانيا...امبارح بعد المغرب سمعت اصوات ضرب نار ببنادق الي وبنادق خرطوشه والصوت كان قريب. المهم طلعت قدام الصيدليه لما لاقيت كل اصحاب المحالات بيستغربوا الصوت ده فين.؟
يتضح ان فيه منطقه المحليات كانت مخصصاها كموقف للاتوبيسات مستقبلا .الكلام ده قبل الثوره وفجاه امبارح شويه بلطجيه اعتدوا عليها وهدموا السور وقاعدين فيها وبيقولوا الحكومه تيجي تقدرها وتملكهنا.؟ انما طلوع منها لالالا.؟

ربنا يستر الفتره الجايه لان فعلا الوضع بقي بايخ والتكاسل في الانتخابات ووضع رئيس

ومن ضمن الحاجات الغريبه....ضابط الشرطه قبل الثوره قدم استقالته ومشي...وهرب 2 من بتوع تنفيذ الاحكام اللي كانوا بيظلموا الناس وفارضين اتاوات . المهم ربنا كرمنا وتم تعيين ظابط جديد وامناء شرطه..................الم شكله انهم مبقوش زي قبل الثوره بيخافوا يطلعوا يمشوا في البلد للحفاظ علي الامن..

[د0تامر محمد]

واضح جدا أن معظم الناس تعانى من الإنفلات الأمنى وتستاء من تصرفات البعض الغير مسئولة
والمشكلة الأكبر أن الموضوع فى تزايد ولا توجد خطوات رادعة وهنا تكمن الخطورة

[SHERIF MARLBORO]

للأسف هذا نتيجة افعال الشعب المصرى بمنتحى الصراحة هذا هو نحن.
بشكل او بأخر هذا ما زرعه فشعبنا الحبيب حسنى مبارك طوال 30 عاما
هو زرع طيلة 30 عام و قطف الورود و ترك لنا الحصاد