انهى الافضل يا جماعة من العربيات دى

[Eng@Mido]

المشاركة الأصلية كتبت بواسطة mainz شوف يا باشا . طلما حضرتك بتكلم فى عربيات مستعمله بدون زكر لاى موصافات ومميزات كل عربيه وبدون صور لكل عربيه هتبقى الروئيه غير واضحه تماما لكل الاعضاء المحترمين وانا اولهم لان استخدام عن استخدام هيفرق يعنى ممكن عربيه ماركه عالميه وموديل جديد ومبهدله فى الاستخدام يبقى ما تسويش 3 تعريفه ! كلام سليم ؟ يبقى كل العربيات الى حضرتك زكرتها ديه مرشحه للاختيار طبعا حسب حاله استخدامها وحالتها الصحيه !!!! بالترتيب الى حضرتك كاتبه . اكسنت موديل98 سكودا فليشيا 99 بونتو97 فورد فيستا99 ابيزا 97 لانوس 98 لانسر 92 والفاروميو146 تعالى بقى واحد واحده نفصل كل عربيه على حسب سعرها اولا اى عربيه سعرها دائما فى النازل وعمر ما اى عربيه بتغلى كله بيرخص طبعا المستعمل والجديد كمان اولا اكسنت موديل 98 ادى صوره ليها وسعرها بيتراوح فى حدود 37 الى 43 الف حسب حالتها واستخدامها وموصافتها طبعا العربيه من وجهه نظرى لو حالتها جيده وسعرها معقول يبقى كويسه لانها منتشره برده فى مصر واكيد هيكون قطع غيارها متوفره. ثانيا سكودا فليشيا 99 وادى صوره ليها ودى سعرها يتراوح ما بين 28 الى 33 الف حسب حالتها واستخدامها بغض النظر عن حالتها وسعرها انا عن نفسى شكل العربيه ديه ما بستريحشى ليه ومنظرها بينفزنى مش عارف ليه بس هيا عمليه ازواق بقى !!! ثالثا بونتو97 وادى صوره ليها وسعرها يتراوح ما بين 28 الى 34 الف حسب حالتها ومميزاتها طبعا العربيه منتشره فى مصر وايطالى وقطع غيارها متوفره ومنظرها مقبول وعمليه ولا باس بها رابعا فورد فيستا 99 وادى صوره ليها ودى سعرها يتراوح ما بين 25 الى 34 حسب حالتها واستخدامها خامسا ابيزا 97 وادى صوره ليها والعربيه سعرها يتراوح ما بين 28 الى 35 الف حسب حالتها واستخدامها ومنتشره فى مصر اكيد هيبقى قطع غيارها منتشره سادسا لانوس 98 وادى صوره ليها العربيه منتشره وقطع غيارها منتشره وسعرها يتراوح 38الى 44 حسب حالتها واستعمالها سابعا لانسر 92 وادى صوره ليها العربيه سعرها يتراوح ما بين 34 الى39الف حسب حالتها واستخدامها ثامنا الفاروميو146 موديل 96 ودى صوره ليها يتراوح سعرها ما بين 28الف الى 35الف حسب حالتها واستخدامها طبعا وفى الاول والاخر حاله العربيه وزوق حضرتك والسعر الى حضرتك محدده للشراء هوا الى هيحدد نوع العربيه الى حضرتك محتاجها وربنا يوفقك فى الشراء

تمام تقرير جميل
طب لو انا حدودى 34 الف
ترشحلى انهى عربية بقى من دول؟
بس تكون حالتها جيدة

[Eng@Mido]

المشاركة الأصلية كتبت بواسطة Eng@Mido تمام تقرير جميل طب لو انا حدودى 34 الف ترشحلى انهى عربية بقى من دول؟ بس تكون حالتها جيدة

انا بصراحة عينى على الالفا روميو او الفورد فيستا
لكن مش عارف ايه نظامهم بجد
ياريت لو تقولى لو انا معايا 34 الف و عاوز عربية حالة جيدة هل السيارتين دول انهى الافضل فيهم
او انهى من السيارات اللى كتبت تقرير عنهم كويسة فى حدود ال 34 الف و الحالة تكون جيدة

[mainz]

البونتو حلوه لو حالتها جيده جدا
الاكسنت باردك حلوه لو حالتها جيده جدا
والافاروميو جميله وعربيه عمليه بس لو حالتها جيده جدا
واخر ترشيح هيا الانوس وابعد عن الباقى .
بس الى هيفيدك فى الموضوع ده اكتر يكون راجل ميكانيكى اميين فى عمله وفاهم فى كل العربيات المستعمله ديه ويكون عنده خبره فيهم وقطع غيارهم .
واكيد باردك الاخوه الاعضاء الكرام هيفيدوك ان شاء الله فى المنتدى هنا
وبعدين حاله العربيه هيا الى بتحكم على شرائها من عدمه مش نوع العربيه فى المستعمل خصوصا .
ولو حضرتك عاوز الافاروميو ماشى اختيار موفق ان شاء الله بس بشرط تكون حالتها جيده جدا علشان متصرفش عليها بعد ما تشتريها
وربنا يوفقك

[m_gewelly]

الفا روميو طبعا بس السعر غير كدا خالص

[myayma]

ان كنت بتدور من ناحية قطع الغيار المتوفره وسوق شغال يبقي اللانسر وبعدين اللانوس وبعدين الاكسنت قوة متور بقي وسرعات عاليه وسفر ومشاوير يبقي الباقي