الراجل الواقف وراء السيد عمر سليمان ( أنا أسف )

[lol64]

الراجل شكله محترم والله

[ramy01011]

طبعا كلنا شاركنا في موضوع البحث عن الراجل ده و كلنا هزرنا و ضحكنا من كل الردود اللي اتقالت و الاستنتاجات التي كتبها الاعضاء هنا و علي الفيس بوك و لاسف انا كنت واحد من الناس دي اللي دخل و كتب تعليق يمكن ساعتها علشان جو شد الاعصاب اللي كان الواحد عايش فيه الثورة الشهداء هيتنحي ولا لا الفلوس المسروقة و لما شفت الموضوع ده دخلت زي غيري اضحك شوية بس بعدها وقف مع نفسي و قلت راجل زي ده اكيد ضابط مخابرات او حرس يعني ضابط جيش موش هو ده الجيش اللي كان حامي الثورة و الكل احترمه ؟؟ كلامي اكيد هيكون تقيل علي ناس كتير و يمكن محدش هيعلق عليه بس بجد يا ريت كفايا بقي ضحكنا و هزرنا علي واحد شايف شغله كويس موش دي هيافة ؟ انا متأكد ان الراجل ده لو حد قرأ السيرة بتاعته هيعتزر له الف مرة و انا بقول حقك عليا أنا أسف.

نجل "الرجل الواقف وراء عمر سليمان": بابا قائد قوات خاصة

نقل الموقع الإلكترونى لقناة العربية تقريرا مفصلا عن الراجل اللى ورا عمر سليمان شاغل المصرين الآن على موقعى "فيسبوك" و"تويتر"، حيث أكد التقرير أنه بعد مرور 4 أيام على ظهوره التليفزيونى تحول "الراجل اللى ورا عمر سليمان" إلى أحد أشهر الشخصيات المصرية ، حيث تزايدت التكهنات حول شخصية الرجل الذى ظهر، يوم إعلان تنحى الرئيس مبارك عن الرئاسة، يوم الجمعة 11 فبراير الجارى.

فإلى جانب الرسائل والصور التى يتم تبادلها على "الفيس بوك"، تم إنشاء صفحة خاصة باسم "رابطة محبى الراجل اللى ورا عمر سليمان"، ويحاول فيها الزائرون توقع هوية الرجل، وعمله.

وظهر على "فيس بوك شاب" من يقول إنه نجل "الراجل اللى ورا عمر سليمان"، ما دفعه لإنشاء صفحة مضادة، حملت اسم "أعتذر للمقدم أركان حرب حسين شريف (الراجل الى ورا عمر سليمان) وكل أسرته". ويقول فيها إن الرجل هو "مقدم أركان حرب حسين شريف قائد المجموعة 64 قتال من القوات الخاصة".

وبالفعل بادر الكثيرون إلى بث اعتذاراتهم على الصفحة، مكررين أن الدافع اقتصر على التسلية لا أكثر. أما اللافت فكان التزايد السريع لعدد معجبى هذه الصفحة، لتقارب الـ22 ألف معجب
ومن المعتذرين المدّون وائل غنيم الذى أكد أن التعليقات كانت مجرد "نكات لا يقصد منها الإهانة الشخصية له أو عائلته".


منقول من اليوم السابع

[سالم سلامه]

مشكور ياعم احمد على الخبراما نشوف اخرتها معاكوا ايه ههههههههههROS E4U

[koashraf]

الراجل ده فعلا كان محل تعليقات كتير وخصوصاً انه مكشر كأنه داخل عاركه....

وانا توقعت انه من الامن أوالمراسم...بس طبعاً الناس فى المنتديات فضلوا وراه لغاية ماعرفوا هويته ......ويظهر النا س فاقت من أحداث الثوره وبدأت تفكر فى حاجات تانيه.......