في رأيك هل يمكن إصلاح جهاز الشرطة بقيادته الحالية

[MOUSTAFA_SAAD]

العفو يا استاذ خالد موضوعك فعلا مفيد ومحتاج نقاش
بس اكبر مشكله بتقابل الشرطه حاليا هى انه السيد حبيب العادلى اللى جمع 8 مليار جنيه فى 13 عام من دمنا ودم الشعب وكان لما يديى مكافاه للموظف فى العيد يديله اتنين جنيه الا ربع (ايوه ومش عاوزك تستغرب ) الكلام ده حصل مره مش فاكر فى اى مناسبه بالضبط وده طبعا علشان يعرف يلم المليار السادس والسابع وهكذا دمر تقريبا كل القيادات الشريفه فى الشرطه وطلعهم معاش وابقى علفى الفاسدين من رجالته فقط اللى بيتحاكموا معاه الان واكيد فى العديد منهم متدارى ومحدش حيوصله
ده غير ان الظابط اللى طلع يجرى من الناس والناس مسكته وضربته مستحيل حترجعله الهيبه تانى او انه حتى يحاول يرجع تانى لو حتديله فلوس الدنيا فلازم الوزير يغير كل الاماكن ويعمل حركة تنقلات واسعه علشان يغير الوجوه
وسمعت ان العديد منهم عاوز يقدم استقالته وميرجعشى تانى
يعنى بصراحه الوزير ده امامه مهمه صعبه جدا وربنا يكون فى عونه لان الشرطه امام مفترق تاريخى فى حياتها ولازم ترجعلها الهيبه تانى علشان الناس تعيش فى امان من البلطجيه والصيع

[khaled al sharif]

المشاركة الأصلية كتبت بواسطة Ahmed Anwer موضوع مهم جدا يا أ / خالد ،، كنت بفكر في طرحه و حضرتك سبقتني كان فيه اقتراح علي الانترنت بتسريحهم و اختيار شباب جامعي من العاطلين عن العمل بعد تدريبهم بدلا منهم و طبعا ده اقتراح قاسي جدا رغم إن ليه كثير من المؤيدين شخصيا ليا جار ضابط شرطة بس هوا استقال قبل الأحداث بكام شهر و تعرفت عليه اثناء وقوفنا قس اللجان الشعبية و لك أن تتخيل إن ضابط الشرطة السابق ده ،، كان موافق علي الاقتراح ده ،، بالعكس كان شايف إن أحسن حاجة حصلت تدمير هذا الجهاز الفاسد تماما من وجهة نظره و يوم عيده !!! و قعد يحكيلي قصص فساد و انعدام كفاءة لهذا الجهاز يطول شرحها ،،، كان شايل شايل يعني و ليا عودة للموضوع باقتراحات قد تكون عملية

مش عارف ليه والله يا أبو حميد أنا شايف نفس رأي الضابط المستقيل ده .... لما المرض ينتشر في النخل بيتقطع لأنه لايثمر وبيعدي غيره ... ولما الصدأ ياكل الحديد ما ينفعش تعمله سلم يشيلك
وده جهاز تاريخه زفت في عمر جميع حكام الشعب المصري من أيام الملك والثورة والبوليس السياسي حتي عهد حسني الطاغية مع تغيير المسمي فقط إلي مباحث أمن الدولة ... والحقيقة أن هذا الجهاز ما كان يوما للحفاظ علي أمن الشعب بل للمحافظة علي أمن كراسي الحكام وقهر المعارضين ثم توحشوا حتي أصبح هدفهم قهر الشعب وإزلاله..... جهاز تاريخه زفت ...إغتيالات وتلفيقات وإعدامات وتجارة مخدرات ونهب ثروات الشعب .... فكان لابد من يميزهم الحكام الفسده عن سائر فئات الشعب حتي يضمنوا ولائهم ففي الوقت الذي لا يجد الفقير فيه مستشفي تعالجه بمهنية وتكلفة بسيطه كانت مستشفيات وأندية الشرطه لأولاد الأكابر كأنهم فئة وطينة أخري غير الشعب المصري
أما إقتراح تسريح كل الجهاز فهذا إقتراح له مخاطره علي المجتمع فهؤلاء شابهوا عتاة المجرمين في قساوة القلب والإستعداد للإنحراف إلا ما رحمه الله منهم وعنده وازع من دينه

ياريت تقولنا الإقتراحات الأخري والأفكار التي تملكها حتي نتبادل الثقافة والمعرفة ونعرف بماذا نطالب لصالح مصر

[khaled al sharif]

المشاركة الأصلية كتبت بواسطة moustafa_saad العفو يا استاذ خالد موضوعك فعلا مفيد ومحتاج نقاش بس اكبر مشكله بتقابل الشرطه حاليا هى انه السيد حبيب العادلى اللى جمع 8 مليار جنيه فى 13 عام من دمنا ودم الشعب وكان لما يديى مكافاه للموظف فى العيد يديله اتنين جنيه الا ربع (ايوه ومش عاوزك تستغرب ) الكلام ده حصل مره مش فاكر فى اى مناسبه بالضبط وده طبعا علشان يعرف يلم المليار السادس والسابع وهكذا دمر تقريبا كل القيادات الشريفه فى الشرطه وطلعهم معاش وابقى علفى الفاسدين من رجالته فقط اللى بيتحاكموا معاه الان واكيد فى العديد منهم متدارى ومحدش حيوصله ده غير ان الظابط اللى طلع يجرى من الناس والناس مسكته وضربته مستحيل حترجعله الهيبه تانى او انه حتى يحاول يرجع تانى لو حتديله فلوس الدنيا فلازم الوزير يغير كل الاماكن ويعمل حركة تنقلات واسعه علشان يغير الوجوه وسمعت ان العديد منهم عاوز يقدم استقالته وميرجعشى تانى يعنى بصراحه الوزير ده امامه مهمه صعبه جدا وربنا يكون فى عونه لان الشرطه امام مفترق تاريخى فى حياتها ولازم ترجعلها الهيبه تانى علشان الناس تعيش فى امان من البلطجيه والصيع

والله عندك حق ضيعوا كرامة الشعب وأزلوه فأطاح الشعب بكرامتهم وأزلهم .... تم كسر وتحطيم كبر وجبروت وتوحش هذا الجهاز الفاشل .... وأعتقد إللي ها يستقيل فيهم ده الشريف لأن الحقير والوضيع من الناس بيبيع دوره القذر للي يدفع ... والزمن القادم بعد ثورتنا مظنش ها نسمح حد يدفع لهؤلاء البلطجية:w6w2005041122363 76d

الله يكون في عون الشعب ده .... (إن الطاغية لا ينزل من السماء علي الناس بل صنعه المنافقين والمداهنين واللصوص ... )

[ramy01011]

والله حاسس ان هما عاملين مظاهرات دلوقت و بيطالبوا بزيادة المرتبات علشان حاسين ان الفترة الجاية موش هيعرفوا يلموا اتاوات ولا رشاوي و الكل هيف لهم بالمرصاد و رأيي إنشاء جهاز رقابي يكون متخصص في مراقبة و استقبال الشكاوي و اتخاذ اجراءات صارمة ضد اي مخالفة و لو عايزين عقاب صارم يبقي اي ضابط هيعمل مخالفة اللي هيتحاكم وزير الداخلية
العقاب ده هيخلي كل قيادات الشرطة مرعوبة و مراقبة اللي تحتها كويس جدااااااا

[cheetosmini]

فى شخصيات لو الشرطة متعملتش معاهم كدة هيركبوهم
زى المدرس بالظبط فى المدرسة لازم العيال تحترمة ولو محترمتوش تخاف منة والا.....