رئيس جمهورية مصرالعربية القادم

[dragon]

عمرو موسى يا رجالة لائنة مبارك من كتر مكان خايف منة شعبيتة وانة قوى جدا مسكوا جامعة الدول العربية عشان يكون بعيد عنة بس الراجل دة لو مسك مصر حيكون كويس ان شاء الله
1 عمرو موسى رئيس الجمهورية
2- سامى عنان القائد الاعلى للقوات المسلحة
3-احمد زويل وزير التعليم
4- الدكتور مجدى يعقوب وزير الصحة
5-البرادعى وزير الخارجية
6-وزير الداخلية حيكون مساعد وزير دخلية المنيا الى قال للظباط الى حيتحرك من قسم الشرطة حضربوا بالنار انا قاعد هنا على مسؤوليتى الشخصية ومش حخون بلدى لو حتى حموت الصراحة مش عارف اسمة بس هوة يستاهل المنصب دة
وشوفوا انتوا بقى كملوا انا حشكل الحكومة لوحدى والله اية يارجالة هههههههههههههههههههه44454 6

[حازم شاهين]

مش مهم الشخص حاليا
المهم أسس الحكم
و اﻹعتماد على مؤسسات تمثل الشعب فعلا
و قادرة على الرقابة على أى رئيس أو مسئول و محاسبته
و فى هذه الحالة مش مهم الشخص بقدر أهمية برنامجه و ما يمثله

بمعنى لو فيه مجلس تشريعى يمثل الشعب تمثيل حقيقى و قادر على مراقبة السلطة التنفيذية و محاسبتها و عزلها
و كذلك فى حالة وجود سلطة قضائية مستقلة و شريفة تماما و أحكامها محترمة من كل السلطات اﻷخرى
و فى حالة قوانين محترمة تكفل تداول السلطة و حكم الشعب

فلن يكون منصب الرئيس معتمد على إسم الرئيس و لكن سياسته و برنامجه هى اﻷهم

[miam0502788391]

مش مهم هو مين المهم ان الناس اتغيرت
خلاص مفيش رئيس هيفرض على الشعب بالقوة والتزوير
اللى هييجى هيكون من الشعب وباختيار الشعب

[koashraf]

نريد رئيسا لمصر من خارج المؤسسه العسكريه مش لان مافيهاش اكفاء ولكن نريد رئيسا زى كل دول العالم مش عسكرى ولكن سياسى يفهم فى الاقتصاد مثل كونراد اديناور الذى نهض بألمانيا بعد الحرب العالميه الثانيه.

نريد رئيسا ليس له انتماء حزبى ولامذهبى ولكن مصرى انتمائه لمصلحة مصر وليس مصلحته الشخصيه.

نريد رئيسا يعلى من شأن مصر والمصريين وكرامتهم .

نريد رئيسا يجعل مصر تعتمد على نفسها لاعلى المعونات وتعتمد على سواعد ابنائها فيفتح ابواب العمل الشريف للمصريين لتعلوا بهم مصر .

نريد رئيساً يؤمن بالله وبقدرة هذا الوطن على ان يكون أعظم بلاد الدنيا.

نريده لايحيط نفسه بالكذابين والمنافقين وشله المنتفعين ويعرف كيف ينتقى بطانته ومساعديه من الشرفاء والمخلصين لهذا الوطن.

واخيراً نريد رئيساً لايمن علينا بأنه حكمنا أوعلمنا الكرامه أوضحى فى سبيل الوطن فالرئاسه ليست نزهه ولافسحه ولكن مسئوليه فمن لايستطيع تحملها فلايتقدم لها.

[hyundai2005]

يا نااااااااااااااااس حرام عليكم عمرو موسي مين وعبده مين
عايزين واحد شاب من قلب البلد ليس له انتماء حزبي راجل مطحون وكان عاطل فيوم من الايام وحاسس بالوضع زي الناس بالظبط