ما هي الاضرار التي لحقت بك جراء هذه الثورة ..؟؟

[maka]

المشاركة الأصلية كتبت بواسطة _amr.mostafa_ شكرا لكم على ارائكم وبس فيه راي تاني بيقول ياعالم الحكومه الجايه دي هتبقى الزاي وفي ناس عليها مثلا اقساط عربية وتم تسريحهم من الشركه يعملو ايه .في ناس اترفدت او تم تخفيض مرتباتهم والغاء الحوافز ومش لاقيه تاكل دلوقتي ..هل يستنو الحكومه الجديده ,,,اللي يا عالم هتكون الزاي ,,

يا باشا دول حالهم اهون بكتيير جدا جدا من اللى مات لهم حد سواء ابن او اخ

وكمان هى الناس عاوز الثورة و الدنيا تنظف لازم الكل يدفع التمن لاننا السبب احنا اللى سكتنا ولازم نتحمل تمن سكتنا 30 سنة

[_amr.mostafa_]

المشاركة الأصلية كتبت بواسطة maka يا باشا دول حالهم اهون بكتيير جدا جدا من اللى مات لهم حد سواء ابن او اخ وكمان هى الناس عاوز الثورة و الدنيا تنظف لازم الكل يدفع التمن لاننا السبب احنا اللى سكتنا ولازم نتحمل تمن سكتنا 30 سنة

حضرتك مش فاهم انا عايز ايه من موضوعي ...

انا مش بتكلم على المكاسب من الثورة ..

حضرتك لو في حد هنا اخوه والده والدته قريبه صحبه مات يقول ,,,

ما دي خسائر برضو


في ناس كتير مصانعهم وقفت في ناس كتير بيوتهم اتخربت ماشي

انا قصدي زي ما الثورة ليها مكاسب بعيد الاجل فيها خسائر حالية

ناس زي ما قلت ردودي

شكرا...

[د.كمال]

المشاركة الأصلية كتبت بواسطة _amr.mostafa_ المقصود الخسائر الماديه الخاصه بك ..

يعنى عايز تعرف الخسائر الماديه اليوميه
أنا من يوم جمعه الغضب وانا قافل عيادتى وفتحتها أمس بس كان الاقبال ضعيف عشان كان فى مطر طوال اليوم عندنا .

حتى لو اقفلها شهر ولا اتنين مش مهم أنا بأبص للأمام والأهم هو مستقبل أولادى بعد ما كنت فاقد الامل فى مستقبلهم وبحس إنى بأعلمهم وأدفع دروس على الفاضى
إن شاء الله المستقبل أحسن

[ironheart]

بالنسبالى الخسار النفسية كانت كبيرة جدا
لدرجة انى خسيت من وزنى فى يومين الى مقدرش اخسة فى شهر بدون مبالغة

[حازم شاهين]

المشاركة الأصلية كتبت بواسطة mhamdy75 الأضرار شعور بإحباط إنى ماشاركتش بأى شكل فى الثورة

ما تزعلش يا باشمهندس مشاركتك هنا جزء من مشاركتك فى الثورة
و الثورة مش تظاهر فقط
لكن تظاهر و إعلام و حرب نفسية و تأمين و تموين و حاجات كتير هتلاقيك إشتركت فى حاجات كتير منها و إنت مش وخد بالك
و دى مش دعوة ﻹنهاء التظاهر
لكنها دعوة لتحفيز الهمم
أى واحد شايف إنه يقدر يعمل حاجة فى المحيط الضيق بتاعه و حاسس إنها هتخدم الثورة يعملها

أما بخصوص الخساير
فأنا أكبر خسارة ليا هى الـ 315 شهيد إللى ماتوا بسبب طغيان و ظلم النظام اﻷيام إللى فاتت
الشهداء دول شبه أخويا و شبه صاحبى يعنى أنا مات لى 315 أخ و صديق الشهر ده