خمسة عشر رد .. لخمسة عشر وهم ليـــــــــــــــــه مبارك مش لازم يتنحى الآن

[Ahmed Anwer]

يا جماعة أنتم خايفين من ايه ؟؟

مصر مش بقالة و الريس مش صاحب بقالة

لو مات ،،، البقالة هتقفل

فيه مليون حل ،،، آخرهم الفوضي إن شاء الله

[د.كمال]

كلام مظبوط جدا جدا
والناس خايفه من إيه ....فى الأخر هيكون أمامك صندوق إنتخاب إختار اللى تختاره .
محدش فرض عليك البرادعى ولا الاخوان ولا حماس ولا اسرائيل ولا حاجه ....هيكون عندنا حريه الأختيار ذى أى شعب متحضر وهيكون عندنا قانون كلنا نخاف منه مش نخاف من فرعون ولا هامان .

[nktis]

هههههههههه في خلال الست شهور هيصلح في البلد وهيعدل الدستور
ويجي خابط قرار مملكه مصر العربيه وهوالملك ووريثه ابنه ولو النظم العالميه وافقت هنعمل ايه؟؟ يحيي الملك والملك لله وحده
تصبحوا علي خير

[MmFFoR]

المشاركة الأصلية كتبت بواسطة nktis عايزينه يغير الدستور ويحدد مده الرئاسه شكرا علي مجهودك

لو الناس سمعت الكلام و كلت يوستفندي قدام التليفزيون و كلهم روحوا من التحرير
و لا دستور حيتغير ولا مدة رئاسة حتتحدد و انا اهه و انتوا اهه و الايام حتظهر

[MmFFoR]

المشاركة الأصلية كتبت بواسطة lol64 معلش ياجماعه انا اتحدى واكاد افسم لك بالله العظيم ان دى مكانتش مطالب شباب 25 يناير فى البدايه وكانوا عايزين يعملوا اصلاحات ومفيش ترشيح تانى لفتره قادمه ولا لجمال مبارك انما لا لازم يمشى طب اهدوا ونتفاهم لا لازم يمشى الاول طب اعملك شاى بحليب لا يمشى الاول

ممكن كلامك يكون صح
و لكن لما تنزل تعبر عن رأيك بطريقة سلمية و تطلب اصلاحات و عدم التجديد او التوريث زي ما بتقول و تقابل باعتقالات ( 800 معتقل يوم 25 ) و تقابل بعنف و غلظة و قسوة ! و ضرب حتى الموت (12 قتيل برضه يوم 25 لوحده )
و رئيسك يبارك كل ده في سبيل الحفاظ على الكرسي
ده دفع بالمطالبة بالرحيل بصورة عفوية للمتظاهرين!
و كلنا سمعنا شعار الثورة " الشعب يريد اسقاط الرئيس "
كان ردا على العنف المفرط و العنجهية المطلقة التي تعامل بها الامن مع الشباب السلمي!