يا شباب بجد محتاج حد يفيدنى فى عربيتى هى كيا سيراتو 2010

[NESSO]

السلام عليكم ورحمة الله وبركاته
انا وصلت لحد 170 بالكيا 2010 وكانت قابلة كمان كنت بشد مع اخويا وكان راكب افيو 2011 فكان معايا لحد 170 وانا خفت بصراحة وهو خاف بس كانت قابلة اكتر بس معرفش لحد كام
بس في حاجة مهمة وهيا انك لما تحب تطلع للسرعات دي فلازم الغيار الاول والثاني والثالث يكون مرتاح في الغيار ومحتاج تقرص عليه شوية علشان العربية تطلع معاك مرتاحة كمان الزيادة في السرعة حسب الدوسة على البنزين والحرق
انا ممكن اصل للسرعة دي من غير ما اجهد العربية وممكن اصل يها والعربية مجهدة جدا فدي على حسب السائق
والله العلم والرجاء بلاش الحاجات دي لان الخطورة فيها كبيرة جدا وعلى ايه عربية دافع فيها قد كدا وتصرها في ايه حبة مزاج لا يا سيدي الطيب احسن

[ehab62]

اخر سرعه جيبتها بالسيراتو هاى لاين جنط 17 بس كانت محمله شنط كتير على طريق القطاميه العين السخنه 210 ك وكانت فى منزل لكن لو الطريق مستقيم ومن غير هواء فى وش العربيه بتجيب من 180: 195 ك ولو الهواء فى وش العريبه اخرها 160:165 ك

[superbombo]

المشاركة الأصلية كتبت بواسطة ahm_sobaih السلام عليكم ممكن حد يقولى العربية ديه اخر سرعة ليها كام هل 220 الى مكتوبة فى العداد ولا ده مش حقيقى ممكن حد يفهمنى ؟ انا كنت رايح اسكندرية على الطريق الصحراوى وحاولت اقفل العداد وجبت 170 ده اخر حاجه ادرت عليها ودواست البنزين كانت جابت اخرها قلت ممكن يكون ضغط الهوا ضدى جامد رحت مكمل وطلعت على الطريق الدولى بتاع رشيد وبور سعيد وحاولت اقفل العداد مرة ثانية ولكن جيه مؤشر العداد عند160 ومرداش يزيد يعنى مبين 160 و170 ده اخر حاجه امال 220 الى مكتوبة فى العداد ايه معناها للعلم انا اول عربية اسوقها يعنى مسوقتش حاجه قبل كده ومعنديش اى معلومات فى الموضوع ده وعاوز الاجابه ياريت وبالمناسبة انا دخلت مدينة رشيد وكانت رهيبة وجميلة اوى والنيل هناك جميل اوى واهلها طيبين اوى واتمنا انى اعيش فيها بجد

بجد بلاش السرعة العالية
نصيحة من اخ بلاش و ربنا يستر
العربية جميلة و شيك بلاش تمرمطها

[magd131]

ياباشا عربيتك ماشاء الله عليعا زي الفل مفيهاش حاجه والموضوع ابسط من كده بكتير اولا عربيتك موديل 2011 يعني لسه شاريها من شهر بالكتير يعني لسه الموتورمعملش 5000 ك واقصد من كده انك لسه في مرحلة التليين والمفروض ما تقرس علي العربيه كده علي الاقل لحد 5000 ك واكيد بعد كده هتحس بالفرق ربنا يباركلك فيها ويكفيك شر طريقك

[absat]

انا جبت بيها 195 علي طريق الصعيد البحر الاحمر الجديد وكان ممكن تجيب اكتر بس بصراحة مرضتش ازود