ضعف سحب السيارة للحظات

[samirayad]

بالنسبة لخط راجع البنزين من الكاربوراتير للتنك من ساعة ماجبت العربية وجدت الخط ده ملغى وحاولت ارجعه زى ما كان خاصتا وان الخط موجود فى حوض الموتور ولكن ليتهم مطبقين خط الراجع من الطلمبة وحاطين خرطوم فية مسمار ومربوط بافيز

رجع كل حاجه لطبيعتها ياباشا

ومشكلتك حتنتهى مع الكتمه دى

طالما مفيش راجع

يعنى مفيش تصريف للبنزين الزائد

وبيبقى البنزين جوه الكربوراتير وعلى البيكات

عامل زى اللقمه إللى واقفه فى الزور

منهم لله

إللى بيلغوا حاجات حساسه زى دى بدون وجه علم

أمال المصمم عامل راجع ليه

[حسام البورسعيدى]

المشاركة الأصلية كتبت بواسطة uhlphp اشكر حضرتك جداً على المعلومات القيمة جداً لا الحالة ديه عاداً بتظهر اثناء النهار ومش كتير لكن عاداً بتظهر بجانب المشكلة الاولى لما بحاول ادوس بنزين جامد عشان العربية تسحب والاقيها مش قدرة فثناء المحاولات لما صوت الموتور يعلى على الفاضى برفع رجلى شوية القى العربية سحبت .

لا ..

طالما صوت الموتور بيعلى لكن العربية مش بتسحب يبقى فعلا مشكلة اسطوانة الدبرياج ..

ولما تخف رجلك من على البنزين تسحب معاك لانك بتقلل الضغط عليها فتبتدى تشبك مع الديسك ..

[uhlphp]

اشكركم على المساعدة وخاصتاً المهندس سمير

[samirayad]

غير فلتر الهواء

ونظف بوابة المكنه صح

وستجد خيرا بأذن الله

[ايمن عبدالحميد]

المشكلة حاجة من اتنين 1- بك السلانسية ضيق 2- الاسبراتير مأخر كهربا بس خلاص