يا خبراء المنتدى ومؤسسيه ارجوكم افيدوني محتار بين الاكسنت 2011والصني 2011

[m__hassan]

اتمنى من الاخوة عند اختيار نوع اضافة الاسباب المقنعه كما اتمنى اراء اصحاب الخبرة ولكم وافر الشكر والتقدير .....................اخوك م محتار

[formulator]

هقول الكلمة الشهيرة اللي بتضايق اخواننا الكوريين:

ما ينفعش تقارن يابانى بكورى (انا مش راكب يابانى, عشان محدش يفهم غلط)

اولا الصنى تتقارن بالألنترا و برده تتفوق:
موتور-ثبات-امان-ABS,EBD-صاج-.........

حتى لو تقفيل مصرى, استهلاك بنزين عالى (سمعت انهم ضافوا حساسات موتور جديدة تضبطه), و حتى لو سعر اعادة البيع اقل شوية من الكورى

[mok3336]

و الله يا رجاله انا كنت في نفس حيرة صاحب الموضوع و كنت بقارن بين
الاوبترا
لوجان
الصنى
النيو اكسنت ( سبورت )
و توصلت للنتيجة بعد تعب أكتر من شهر أو أكتر
اللوجان - أستبعدتها عشان لسة مش عارف موضوع قطع الغيار هيبقي عامل ازاى مع انى و الله كنت مقتنع بيها بنسبة 100% و لكن موضوع قطع الغيار جه هو ايلي قلقنى
و مش شرط تبقي قطع غيار جوهرية في العربية و لكن مثلا مراية - إشارة - فانوس كده يعنى

- النيو أكسنت - مش عارف استبعدتها ليه يمكن عشان حاسس ان شخصيته مايعة شوية ( مع ان حاسس انها طلقة علي السكة بس حاسيت انها كوري - و ممكن متكنش ثابته كفاية علي الطريق لكن بالنسبة لتوفير البنزين و قطع الغيار فهى 100%

- الأوبترا - برضة عشان حاسس انها كوري و انا من النوع ايلى مش بغير كل شوية يعنى علي 10 سنين كده و لا حاجة لو فكرت اغير العربية فمتهيقلي انها مش هتستحملنى او هيبان عليها الزمن أكتر من غيرها ( مع ان و الله كنت خلاص دفعت عربونها للمعرض )

-نيسان صنى - و الحمد لله هي ايلي معايا دلوقت انا هقول عيوبها الاول
* إستهلاك بنزين عالي
* قطع غيار غاليه ( بالنسبة لليابانى ) لكن لو تقليد بتبقي ارخص طبعا
لكن لو هتغير حاجة جوهرية في العربية هيبقي اصلي طبعا
* الكنبة ضيقة شوية ( وهى مش ضيقة و لكن الشنطة كبيرة زيادة و تفصيل الكنبة مش مستغل المساحة استغلال كويس
* الشكل كلاسيكى قوى
* الباور زيت ( يعنى اتقل من الباور الكهرباء بتاع الاوبترا او الاكسنت )
* الدبرياج عالي ( بس لما تتعود عليه خلاص بيبقي طبيعي )
* المارشدير ( سعات بيعض )

المميزات بقي
* موتور قوى و معمر أكتر من أى موتور في عربية كوري
* ثبات أكثر من ممتاز ( بجيب 180 و انا مش بحس بأى حاجة )
* الفرامل ممتازة بطريقة غبية ( بتلم نفسك في وقت قصير جدا - ايلي عندى من غير abs )
موقف حصل كنت راجع من الاسكندرية و الطريق فيه تصليحات و كان فيه عربية نقل بتنزل رمل و الراجل حاطط المقطورة في الجزء الخاص بالتصليحات و راح طالع بالجرار في نص الطريق ايلي كان قدامى راح مطلع ايده من الشباك للعربيات ايلي وراه عشان يهدوا و انا كنت ماشي علي 150 و لميت نفسي في وقت صغير جدا جدا
* التسارع اكتر من ممتاز ( انا مجربتش الاوبترا او الاكسنت ) بس حاسس انه كويس
بالنسبة لل rpm لو خليته معاك لحد 4500 لفة من اول الغيار الأول لحد الرابع ممكن الغيار الرابع يجيب معاك لحد 140 ك و انقل علي الخامس و قفل بيه ال 60 الباقيين

[m__hassan]

شكرا لاهتمامك بعد الدراسة وجدت
الاكسنت تتفوق على النيسان في موضوع قطع الغيار رخيصة ومتوفرة - واستهلاك البنزين - وسعر اعادة البيع - والتقفيل الجيد من الداخل - فرق السعر حوالي 5000 جنية .........(5 نقاط)
اما النسيان فتتفوق في قوة الموتور 118 حصان وهي مقاربة للاكسنت112 حصان - الشكل الافضل - الثبات على الطريق (في حين ثبات الاكسنت ليس سيئ)- الصاج الامتن - بلد الصنع (ياباني) ............(5 نقاط)ايضا
يعتبروا متعادلين في مراكز الخدمة (الاثنين مراكز كويسة ومنتشرة) - وسع الصالون (الاكسنت واسعة والنسيان واسعة من الامام اكثر وضيقة في الكنبة ) - (نقطتين لكل نوع )
اجمالي حصر النقاط الاكسنت 7 نقاط - النسيان 7 نقاط ههههههههههه برده محتار ...

ولكني ارى ان نقاط الاكسنت المتفوقة بها اهم من نقاط النسيان من حيث قطع الغيار واستهلاك البنزين واعادة البيع ، وارى ان النسيان النقاط المتفوقة بها ليست بعيدة عن صفات الاكسنت بمعني ايضا ثبات الاكسنت كويس مش وحش وشكلها مقبول ايضا وقوة موتورها جيدة ايضا 112 حصان
اذا من رائي الاكسنت افضل فهل هنالك اي اعتراض من اصحاب الخبرة بالسيارات على هذه الدراسة وارجوكم لا تبخلوا على لاني في الحاجة الى اي معلومة خصوصا من الذين استخدموها اي من النوعين وشكرا لكم

[xwaledx]

المشاركة الأصلية كتبت بواسطة m__hassan شكرا لاهتمامك بعد الدراسة وجدت الاكسنت تتفوق على النيسان في موضوع قطع الغيار رخيصة ومتوفرة - واستهلاك البنزين - وسعر اعادة البيع - والتقفيل الجيد من الداخل - فرق السعر حوالي 5000 جنية .........(5 نقاط) اما النسيان فتتفوق في قوة الموتور 118 حصان وهي مقاربة للاكسنت112 حصان - الشكل الافضل - الثبات على الطريق (في حين ثبات الاكسنت ليس سيئ)- الصاج الامتن - بلد الصنع (ياباني) ............(5 نقاط)ايضا يعتبروا متعادلين في مراكز الخدمة (الاثنين مراكز كويسة ومنتشرة) - وسع الصالون (الاكسنت واسعة والنسيان واسعة من الامام اكثر وضيقة في الكنبة ) - (نقطتين لكل نوع ) اجمالي حصر النقاط الاكسنت 7 نقاط - النسيان 7 نقاط ههههههههههه برده محتار ... ولكني ارى ان نقاط الاكسنت المتفوقة بها اهم من نقاط النسيان من حيث قطع الغيار واستهلاك البنزين واعادة البيع ، وارى ان النسيان النقاط المتفوقة بها ليست بعيدة عن صفات الاكسنت بمعني ايضا ثبات الاكسنت كويس مش وحش وشكلها مقبول ايضا وقوة موتورها جيدة ايضا 112 حصان اذا من رائي الاكسنت افضل فهل هنالك اي اعتراض من اصحاب الخبرة بالسيارات على هذه الدراسة وارجوكم لا تبخلوا على لاني في الحاجة الى اي معلومة خصوصا من الذين استخدموها اي من النوعين وشكرا لكم

دراسة جميلة وحيادية جدا
مشكور