ارجو الافاده من المتخصصين واصحاب الخبره في M11

[ahmedramadanrashad]

يبقي لما كل عربيه يقابلك واحد يقولك دي لا قبها ولا بعدها وييجي اللي بعده يقوللك دي فيها وفيها يبقي اخليني في الM11 بالكماليات دي كلها وكل اللي دفعته 70000

[ahmedramadanrashad]

بس بصراحه اللي شدني للعربيه انه برضه تمنها فيها مش دافع نص تمنها جمارك
ولما جيت احسبها بحسبه بسيطه لقيت انا الكسبان لما قارنتها بعربيه زي اللانسر لقيت فرق في الجوده والسعر قلت يبقي لازم نوحد المقاييس فعملت التالي :
بفرض اني دافع 70000ج في العربيه وكان تقييم جودتها 70من 100 انا قلت مثلا مثلا مع انه العربيه تقييمها اعلي من كده يبقي انا دافع 1000 ج في كل وحدة جوده
انممممما لو لانسر انا دافع 140000 ج في عربيه تقييم جودتها تقريبا 80 من 100 وده مثلا هيبقي انا دافع 1750 لكل وحدة جوده وهكذا مع اكتر من عربيه
وده مع الاعلي منها طب مابالك باللي في نفس الفئه
ده معناه من الاخر انه العربيه بالامكانيات دي وبالسعر ده فرصه لان العربيات المنافسه سعرها يزيد زي الجاك والBYD والFSV

[عصام غنايم]

كلامك منطقى

[toto toto]

كلامك تمام ومضبوط وزى ما قولت لحضرتك ياريت توافينا باخر الاخبار عن السيارة لانى ناوى عن جد ان شاء الله ان اشتريها بس لسة قدام شوية وانا نفسى فى تقرير من حد لسة شارى السيارة جديد ويقول لنا عن انطباعة عنها بالتوفيق ان شاء الله

[ahmedramadanrashad]

برضه حاجه لاحظتها من اكتر من موقع انه ناس بتشتكي وناس بتشكر
ولاحظت انه معظم الناس اللي مش عنها شكوي اللي شاريين من ابو غالي تقريبا بيفحصوا العربيات قبل ما يخدوها من الوكيل بيقولوا عنده Quality qontrol وخدمتهم كويسه
ياريت لو حد معاه العربيه يأكد لنا المعلومه دي لاني كنت ناوي بصراحه علي ابو الفتوح لبعض الأسباب اللي مخوفاني من بعض المعارض