كيا سيراتو موديل 2011 بـ 60 الف بدلا من 120 الف

[alhoda]

والله يا باشوات ....مش عارف اقول ايه انا واحد من اللى اتخدعوا بالقناة دى ورغم انى عارف انها نصباية بخفة دم إلا انى واحد من الناس اللى اتصلت وغرمت فى الموضوع ده حوالى اربعين جنيه ...!!!!! رغم انى حاسبها كويس وقلت انهم هيبيعوا العربية بسعر قليل وهيعوضوا خسارتهم من المكالمات اللى هتنزل عليهم زى المطر وهيلموا فى الموضوع ده يجى كام مليون جنيه بس مش عارف ليه قلت يااااض ممكن ..ممكن تصيب وتطلع العربية من نصيبك .........هههههههه وكانت النتيجة ان المزاد قفل الساعة عشرة مساءً على مبلغ 100000 جنية يعنى باعوا العربية بخسارة 25000 لكن فى الوقت نفسه كسبوا يجى كاااااااااااام مليون جنيه من الناس العبيطة اللى زى حالاتى واللى الاحلام ساعات تلعب بيهم ويبقى رزق اوتو موتو على قوموا ناموا اللى زينا ......... وياريت محدش يعملها تانى وعايز اعرف ازاى الدولة بتاعتنا بتسيب الناس دى اللى بتستغلنا عينى عينك كدة وبتمسك اللى بيسرق رغيف عيش علشان عنده ولاد ومش لاقى ياكلهم ..... بس ارجع واقول انا اللى غلطان .......واقسم بالله امامكم انى مش هعملها تانى لان انا واللى حالهم حالى هم وقود نار جشع واستغلال الناس دى ..............واخيراً انا فعلا فعلاً .... أاااااااسف

[اسامة محمود]

انا كمان من اللي اتنصب عليهم , كنت داخل على القناة بردو وشاركت فالمزاد اللي كان موجود على القناة واسمي ورقم تليفوني كانوا موجودين على الشريط اسفل الشاشة وفجأة جاتني رسالة ومكتوب فيها كنترول اوتو موتو مبروك قربت من قفل المزاد متبقي عليك 600 جنيه , برجاء الإتصال بالكنترول , واتصلت بالكنترول وقتها ورد عليا واحد وقال لي ابعت على الكنترول 600 جنيه 200 في 200 في 200 وبعد ما بعت الرصيد قاللي المزاد رسي عليك والف الف مبروك هههههه قال مبروك قال وكمان قاللي عايزين نسمع زغروته انتا كسبت معانا العربية وهقفلك المزاد بسبعين الف وميه عشان يرسي عليك بس عايزك تبعتلي 400 جنيه كمان عشان العربية هتستلمها فالبلد ودي مصاريف شحن وتفريغ , المهم بعتهاله وشرط عليا اني ابعتهاله 200 في 200 وقاللي هيا دي نهاية المصاريف وبعد ما بعتلوا الرصيد شحن عالطاير طلب مني الف جنيه كمان ووقتها اكتشفت ان انا اتنصب عليا عن طريق القناه فاذا كانت القناة دي فيها مصداقية والشخص ده مش تبع القناة لازم حد يساعدني عشان اوصل للشخص ده والرقم اللي رن عليا وانتحل شخصية القناة وده الرقم اللي بعتلي الرسالة ونصب عليا 0196099962 وبعدها اتصلت ب خدمة العملاء لشركة فودافون عشان اوصل للشخص اللي نصب عليا وقالوا هنعمل طلب ونرد عليك خلال 48 ساعة ونقولك اللي تم ولكن انا عارف ان صعب اوصل لصاحب الرقم لذلك كتبت هذه المشاركة لكي تساعدوني في استرداد حقي او على الاقل تعرفوا حقيقة هذه القناة المخادعة . انا مش عايز الفلوس ولكن عايز اعرف صاحب الرقم وعنوانه لكي القنه درس عمره ماينساه فحياته وان شاء الله هوصله ودي رساله لمشاهدي هذه القناه لو كانت القناه صادقة في معاملاتها مكانش ده حصل ليا ولغيري وعلى فكره انا اتصلت بالقناه على رقم الكنترول الحقيقي ده 1765 والكنترول رد عليا سعر الدقيقة جنيه ونصف ومفيش حد رد عليا لمدة نصف ساعة وكان رد الكمبيوتر برجاء الانتظار لكثافة الاتصالات وبعت 30 رسالة في المزاد على رقم 93171 ومعرفش سعر الرسالة كام , لمن يريد مساعدتي في استرداد حقي , انا اسمي اسامه محمود ورقم تليفوني 0164730304 , السلام عليكم

[BASSEM BESO]

مش ممكن ياجماعة اللى الواحد بيشوفوا دة

[mr_astra]

استغفر الله العظيم
بجد انا زعلان جدا عشانك ..... عوضك على الله اومال يا جماعة لو ما كنتش قلت قبل اليوم الجمعة كان اية اللى حصل انا كتبت المشاركة دى يوم الاربعاء تقريبا ونوهت وقلت بس اللى لية نصيب فى حاجة فعلا

[m_elmasoudy]

المشاركة الأصلية كتبت بواسطة mrastra والله يا جماعة وانا بتفرج على الاعلان دة حسيت بكمية ريالة كبيرة اوى نازلة من بؤى

ههههههههههههههههههههههههه انا فضلت اضحك على تعبيرك ده حوالى ساعة متواصلة بجد
شكرا على التحذير وشكرا لمصداقية القناة
ههههههههههههههههههههههههه ههههههههههههههههه