|
#11
15-09-2010, 08:21 PM
|
||||
|
||||
رد: مشكلة خطيرة
معلش يا باشا قدر الله وما شاء فعل ...
اهم حاجة دلوقتى اسمع بقى الكلمتين دول من اخوك حسام .. انا عملت حوار جوان وش السلندر ده فى عربيتى الافانت 3 مرات (رقم قياسى) ههههههههه .. وعندى خبرة كويسة فى الموضوع ده .. اول حاجة متروحش لميكانيكى وتساله العربية فيها وش سلندر ولا لا وتسمع كلامه الا لو كان ثقة .. لان اكيد هيسلمك ويقولك اه فيها علشان يسترزق وخاصة ان الموضوع مكلف ... اول حاجة انت بتقول ان العربية فيها تسريب زيت .. اكيد انت مش قصدك على جوان وش السلندر ... شوف يا نجم .. جوان وش السلندر ده عبارة عن رقاقه كده بتكون ما بين جسم الموتور ووش السلندر (فى نص الموتور باظبط) .. بس هو انت موتور عربيتك على شكل حرف T او V ؟؟؟؟؟ لو كده المشكله هتزيد تعقيد لان كده هيكون عندك 2 وش سلندر ؟؟؟ اولا انت هتطلع مقاس الزيت وتشوف حاله الزيت لو لقيت الزيت قوامه شبه الطحينة يبقى ده دليل على تلف جوان وش السلندر (الميه بتدخل على الزيت جوه الموتور وتعمل زى الطحينه وطبعا بتقلل كفائة الزيت وتعمل سخونيه ) فاهمنى ؟ ... ولو عندك الجوان ضارب متمشيش بالعربية خااالص لغايه متعمله (ممكن البساتم تتكسر زى ماحصلى لا قدر الله) اهم حاجة دلوقتى الجوان واوعى تتصرف فى الريداتير قبل الجوان لانه ممكن يبوظ تانى ... اما بالنسبة للريداتير ممكن توديه لواح بتاع ريداتير يكون كويس ومشهور (حتى لو غالى شويه) وتساله عن طريقة لتصليح الريداتير بتاعك .... ولو مفيش طريقة يستحسن تجيب ريداتير اصلى بتاع بلاده بدل الريداتير العموله .... بس لو كانت العربية معاك لما كانت سليمه حرارتها بتعلى معاك شويه يبقى احسن تجيب ريداتير عموله يكون كبير شويه ونضيف .... بس معلش يا باشا عندى سؤال : ايه علاقه السروجى بطرمبة الميه ؟؟؟؟؟؟ شوف وقولى يا باشا مستنيك ...... التعديل الأخير تم بواسطة حسام البورسعيدى ; 15-09-2010 الساعة 08:27 PM 
|
|
#12
15-09-2010, 09:02 PM
|
|||
|
|||
رد: مشكلة خطيرة
ولا فية ناس ممكن تعملة عمولة ب 2 سربنتية زيت
|
|
#13
15-09-2010, 09:21 PM
|
|||
|
|||
رد: مشكلة خطيرة
 شكرا يااخى حسام على اهتمامك دة شكل الموتور بتاعى بالنسبة لموضوع الزيت يبقى زى الطحينة فية اتنين بصوا علية واحد صاحبى والسروجى اللى فى شارعنا قاقولى الزيت كويس وانا كنت معاهم والزيت شكلة عادى مش عامل طحينة ولا حاجة ، معنى كدة ياباشا ان الجوان عندى سليم !! ( ملحوظة الصناعيى اللى كنت عندة كان قالى نعمل تقريط على الجوان .. اية رايك كلام علمى وهينفع العربية ولا لا ) وبالنسبة لموضوع تصليح الريادتير انا لسة بجرب ومعرفش حد لانى لسة جديد فى العربيات وبروح حسب ما الناس تقولى دة شاطر وبروح وانا وحظى بالنسبة لموضوع بتاع السروج دة جارنا فى الشارع وهو كشف على الزيت علشان بيشوف عمل صحينة ولا لا ،، ولقى الزيت سليم يعنى ممكن تقول اللى لقيتة فى وشى اسالة
|
|
#14
15-09-2010, 09:54 PM
|
||||
|
||||
|
رد: مشكلة خطيرة
طيب يا باشا ....
اولا موتورك راسى مش T او V ثانيا هل الشكمان بيطلع دخان ابيض ؟؟؟؟ لو بيطلع يبقى الميه بتدخل فى الحرق مش فى الزيت بس انا بستبعد الاحتمال ده ... انا هاقولك بقى الخلاصة بتاعه الموضوع ده .... شوف يا غالى .. انت تيجى والعربية بارده وتفتح غطاء الريداتير وتدور وتزود ميه فى الريداتير لغاية الفوهة بتاعته لو لقيت الميه بتبقلل بتعمل فقاعات كده وتطلع وتنزل يبقى عندك الجوان ضارب لو الميه ثابته يبقى العيب مش من الجوان برضه شوف الميه فيها صدأ ولا لا وعلى فكرة ممكن تكون الطرمبه مش بتقلب او تقليبها ضعيف وده محتمل برضه من الاخر هيكون شغلك عند بتاع الريداتير (اول حاجة قله عايز اعمل غسيل دورة الميه) هيقوم فاكك الخرطوم اللى راجع من الموتور للريداتير هيفكه من الريداتير .. ويسيبه ينزل ميه فى الارض وبعدين يجيب خرطوم ميه من الورشه ويفتح الريداتير ويحط خرطوم الميه فى الريداتير ويزود بنزين جامد ... (الهدف ان الميه اللى داخله الموتور تنزل فى الارض فيعمل غسيل للموتور من جوه .. وبعد كده يركب الخرطوم تانى ويفك الخرطوم اللى رايح من الريداتير للموتور ويعمل نفس الحكايه بحيث الميه تاخد الصدا من الريداتير وتنزل .. فاهم ازاى ؟؟ طبغا وانت واقف جنبه هتشوف اندفاع الميه لو مفيش اندفاع جامد مع تزويد البنزين يبقى الطرمبه وحشة ... (بس ماعتقدش ان الطرمبة فيها حاجة بس اعمل غسيل للدورة علشان لو فيه انسداد يروح واهو مصلحة للموتور ومش هيخسر وتديله 20 جنيه على الحكايه دى مش اكتر) وبعدين خليه يحاول يلحم الريداتير لو قلك مش هينفع وهيبوظ كمان يومين قول له ملكش فيه وخليه يلحمه ... الهدف من كده ان انت لما الريداتير يتلحم وتسرب الميه يروح تشوف العربية هتمشى كويس ولا لسه (بس بعد ما تعمل الغسيل وتتاكد ان الطرمبه كويسة) وتتاكد ان مفيش تسرب لو الحرارة راحت يبقى العيب من الريداتير وتحاول تغيره لو اللحام منفعش ... لو الحرارة عالية يبقى غالبا هيكون الجوان .... جرب الاول الكلام ده قبل ما تخش فى حوارات مع الميكانيكى ... ويا رب تكون بسيطة ..... التعديل الأخير تم بواسطة حسام البورسعيدى ; 15-09-2010 الساعة 10:03 PM
|
|
#15
16-09-2010, 01:10 AM
|
|||
|
|||
|
رد: مشكلة خطيرة
بص ياباشا المياة بتعمل اللى انت بتقولة (بتبقلل بتعمل فقاعات)
وهروح لواحد بتاع ريادتير يعمل غسيل لدورة المياة زى ما قلت وهبص على اندفاع المياة علشان اعرف الترمبة بتقلب كويس ولا لا الفكرة اية لحام ينفع للرتادتير هو بلاستيك حرارى (المادتين فكوا ، واتلحم مرة تانية بشبك معدنى زى بتاع المصاف اللى هو بيتحط على الفبر بتاع الاكصدامات ) منفعش ياترى ياباشا اية انسب حل علشان يلحم ويقفل مع العلم ان العربية ضبط التوكيل تسخن لغاية 102 درجة لما توصلها تبتدى المرواح تشتغل وتنزلها ل 96 ، مع وجود ضغط مياة جامد فمافيش لحام من اللى جربتة نفع
|
 |
|
|
