البترول: نهاية حزينة و تدابير مرتبكة.

[sam ram]

كده كده البترول حيجي عليه وقت و يخلص ... زي ما بنقضي على كل الثروات الطبيعيه ... زي الغابات مثلا ....

ربنا يخليلنا السد العالي .... وعواميد النور اللي بتنور الصبح بس ..
عموما انا عندي اولاد صغيرين ... وبيخافو من الضلمه
شكرا مهندس فادي

[ayman abdelrazek]

تصور ان كنت متخيل ان الدعوة لأطفاء الأنوار غدا مصرية المنشأ عن طريق وزارة الكهربا مثلا كما حدث من قبل لترشيد الأستخدام وما الى ذلك....

ولم اتصور مطلقا انها دعوة عالمية لترشيد استغلال الطاقة.......

واكيد يصحبها الدعوة طبعا لتقليل الانبعاثات المسببة لظاهرة الاحتباس وما الى ذلك...
عموما نان مش هاطفى النور الا لو انقطع لواحده.....

لكن انا مش مع رأيك يا فادى فى ان هناك بدائل للطاقة البترولية ولم يرد الغرب حتى الأن استخدامها.
ولو فعلا موجودة هذه البدائل حتى ولو كانت باهظة التكلفة كانوا استخدموها فورا عن انهم يضعوا اصبعهم تحت ضرس مستخرجى البترول المغضوب عليهم كأيران وفنزويلا

[فادى]

المشاركة الأصلية كتبت بواسطة sam ram كده كده البترول حيجي عليه وقت و يخلص ... زي ما بنقضي على كل الثروات الطبيعيه ... زي الغابات مثلا .... ربنا يخليلنا السد العالي .... وعواميد النور اللي بتنور الصبح بس .. عموما انا عندي اولاد صغيرين ... وبيخافو من الضلمه شكرا مهندس فادي

الهدف هو الضغط على الدول النفطية, هذه هى الأسباب التى تمنع العرب من استخدام سلاح النفط لوقف الاعتداءات الاسرائيلية المتوالية, لأنهم يجب أن يستمروا فى الانتاج بوفرة حتى لا يتركوا السوق لهذه البدائل, و يفقدون أهم مواردهم الاستراتيجة.
عند نفاذ البترول, قد يصبح مجديا الحديث عن هذه الأنواع من الطاقة, أما الأن فلا معنى ان ندعمها, خاصة انها تضرنا سياسيا و اقتصاديا.
لذا فلا معنى للحديث عن هذه البدائل الأن, لأن الحاجة ام الاختراع, و مادام النفط موجودا, فلا يجب أن ندعم أى طاقة اخرى.
و لما يخلص نبقى نشوف!

[AbOnOrA]

بصراحة يا فادى مش عارف اقتنع ان الموضوع بالبساطة ديه

هو الناس لما ترشد استهلاكها للطاقة العرب هيفلسوا ومش هيلاقوا حد يدولوا بترول

البترول ده ركيزة الصناعة فى الدنيا كلها ولحد دلوقتى مفيش بديل عملى واقتصادى واحد للاستغناء عن بترول العرب وايران

وبعدين فين العرب اللى عايزين يستخدموا سلاح النفط وخايفين ؟؟

اذا كانت ثراوتهم اللى جمعهوا من النفط بيحطوها فى اقتصادات الدول الغربية علشان يستثمروها هناك

سلاح النفط مازال فعال بس ده لو اتفقت المصالح

والنفط لا غناء عنه حتى الان

والحل العملى الوحيد اللى المفروض العالم كله يطبقة قبل نفاذ احتياطات النفط يتمثل فى (ترشيد الاستهلاك + استخدام بدائل جديدة )

واذا كان الغرب بيضغط على الاوبك لتحجيم ارتفاعات اسعار النفط فده شىء منطقى والاولى ان احنا كمان ندور على بدائل زى ما ايران بتعمل دلوقتى وهى من اكبر الدول المنتجة للبترول متمسكة بالبديل النووى (مش بس علشان يبقى عندهم سلاح ردع بس علشان يأمنوا مصادر الطاقة لنفسهم بعد انتهاء عصر النفط )

[فادى]

المشاركة الأصلية كتبت بواسطة AboNoRa بصراحة يا فادى مش عارف اقتنع ان الموضوع بالبساطة ديه هو الناس لما ترشد استهلاكها للطاقة العرب هيفلسوا ومش هيلاقوا حد يدولوا بترول البترول ده ركيزة الصناعة فى الدنيا كلها ولحد دلوقتى مفيش بديل عملى واقتصادى واحد للاستغناء عن بترول العرب وايران وبعدين فين العرب اللى عايزين يستخدموا سلاح النفط وخايفين ؟؟ اذا كانت ثراوتهم اللى جمعهوا من النفط بيحطوها فى اقتصادات الدول الغربية علشان يستثمروها هناك سلاح النفط مازال فعال بس ده لو اتفقت المصالح والنفط لا غناء عنه حتى الان والحل العملى الوحيد اللى المفروض العالم كله يطبقة قبل نفاذ احتياطات النفط يتمثل فى (ترشيد الاستهلاك + استخدام بدائل جديدة ) واذا كان الغرب بيضغط على الاوبك لتحجيم ارتفاعات اسعار النفط فده شىء منطقى والاولى ان احنا كمان ندور على بدائل زى ما ايران بتعمل دلوقتى وهى من اكبر الدول المنتجة للبترول متمسكة بالبديل النووى (مش بس علشان يبقى عندهم سلاح ردع بس علشان يأمنوا مصادر الطاقة لنفسهم بعد انتهاء عصر النفط )

بص هى اللعبة ببساطة بين الأوبك و الدول المستهلكة للنفط
الدول المستهلكة بتقول اننا نطور بدائل للنفط, و نفطكم يلوث البيئة مش عايزينه, و بنعلم الناس ترشد استخدامه عشان هو وحش و ملوث للبيئة و بيعمل احتباس حرارى, خفضوا سعره و انتجوه بكميات كبيرة و الا هنتجه الى البدائل و هنطور الطاقة النووية و هنصرف على الطاقة الشمسية و هنعمل عربيات هايبريد بتشم البنزين, و هيرخص و مش هيبقى ليه لازمة.
و لا يتسنى لدول الأوبك التأكد من كفاءة هذه البدائل بصورة كبيرة, لذا فانها تتخبط.
دول الأوبك بتقول انها مستعدة لاغراق الأسواق دائما بنفط زهيد الثمن, و بتحاول توازن بين انها تنتج كميات كبيرة فلا تسمح بتطوير تكنولوجيات بديلة لأنها تصبح غير مجدية اقتصاديا فى هذه الحالة, و بين انها تحافظ على سعره المرتفع.
و فى كل الأحوال الجزء الهام من اللعبة فى صالح الدول الغربية, لو تم قطع امدادات النفط عن الغرب, هيتجه الى البدائل و "هيشرب العرب البترول" و ده اللى العرب خايفين منو.
هى دى اللعبة اللى اتلعبت بعد 73 حتى لا يتكرر ما حدث.
بالنسبة لايران فلا اعتقد انها تطور تكنولوجيا نووية كى تولد الكهرباء كما تقول, دى سذاجة لأن عندها نفط يكفيها و زيادة, لما انا ممكن اولد كهربا ب20 جنيه هستغبى انا و اعرض نفسى لمخاطر دولية و اولد الكهربا ب200 جنيه؟!
ايران تهدف الى صنع قنبلة نووية لتحقق احلامها فى السيطرة على المنطقة, و ايران اكثر من تتضرر اذا ما انخفض سعر النفط لأنها تعتمد عليه بشكل كلى فى مواجهة الأعباء الاقتصادية الزائدة.