انا قربت اتجنن

[Injection]

د.كمال, أحيى حضرتك على ردك الهادى والمتزن والمفيد, بس المشاركة الأولانية فى أعضاء أفتكروها تلميح , بس المهم النية, ومشاركة حضرتك التانية مفيدة جدا بجد.

nottygamal الأستاذ كمال كان بيقول رأيه فقط, وفعلا السؤال ده مكانه قسم الأسبيرانزا, ورغم أنى أعيب عليه جملة "اللهم أنى صائم" علشان بتتفهم غلط, لكن حضرته كان بيساعد مفيش أكثر, وألتمس لأخيك سبعين عذرا.

على العموم التيجو عربية صغيرة معمولة للoff roading مش للقيادة الدائمة داخل المدينة, فعزمها عالى لكن ثباتها على السرعات العالية قليل ومش فخمة زى الm11 وبصراحة أنا بميل أليها لشكلها وقدراتها.

ال m11 عربية فخمة جدا وماليانة كماليات, وتضاهى النوبيرا وباقى رموز الفخامة والثبات, شكلها رائع, ثابتة على السرعات العالية, ومعمولة للقيادة فى المدينة وبتفكرنى بالسيفيك.

عيوب الأثنين واحدة وهى أنهم صينى تقفيل مصرى, يعنى العربية مالهاش أمان, والجاك على حسب أعتقادى صينى أستيراد, فمبالك بعربية صينى بتتجمع التجميع الزبالة المصرى, طبعا بالأضافة الى كلام أستاذ كمال, وغير كده أى عربية بفخامة أو مميزات الm11 بضعف سعرها على الأقل, فالباقى راح فين, جودة قطع غيار قليلة وبتبوظ بسرعة وعيوب تصنيع ينطبق عليها وصف البطيخة ياحمرا ياقرعة.

والمنتدى معمول علشان نفيد ونستفيد, ولازم يكون فيه أختلاف فى الرأى ووجهات النظر, وعموما أنا بنصح حضرتك بالنظر لقسم أسبيرانزا وقسم المقارنات للأفادة, وقرار شراء عربية قرار كبير ومحتاج دراسة, فالصبر واجب.

[fineart607]

لا حول ولا قوة الا بالله

اخى العزيز فعلا الأم 11 كانت اول دفعة بها عيوب ولكن الحمد لله العربيه زى الفل
وفى اثنين اعرفهم جابوها والحمد لله كويسه جدا ومفيش شكاوى الان منهم خالص
بس بصدق فى بس صوت تزييق من الزجاج الخلفى بسيط
لكن العربيه والله كويسه وفى واحد قريب منى جبها برضة
والعربيه بدات تنتشر جدا وده اكيد له دليل كويس
وربنا شاهد على الكلام الى بقوله

اما بالنسبة للجاك انا اتفرجت عليها وهى عربيه حلوه بس معرفشى عنها حاجه وطبعا هى اغلى لانها بتيجى من الصين والله اعلم بوكيلها طبعا ماليكها بيشكروا فيها ويارب فعلا تستمر معهم وتكون كويسه لانها فعلا حلوه وهما هيقولوا رايهم بالأستخدام

المهم استخير ربنا وياريت تسال الناس الى معهم الأم 11 عنها
وربنا يرزقك بالخير ان شاء الله

[nottygamal]

ميرسي اوي علي ارائهم ومعلش يا د كمال لو فهمت كلامك غلط عموما انا معرفش انطباعات الناس ايه بجد فيه شويه يقولوا حلو وفيه تانين يقولوا وحش بس انا بجد مبهوره بالجاك حاسه ان مفهاش غلطه وفي فرق سعر بينها وبين ال الام 11 وتقريبا نفس الكماليات كل الموضوع انا مش عايزه اشتري عربيه وادبس فيها واتبهدل وياريت تقولي رائيك في عربيتك ادام انت جبت جاك بي كلاس وشكرا علي كل ارائكم وميرسي اوي

[odaoda]

بصراحة مشفتش حد قال على الجاك وحشة!!
الاختيار اختيارك اكيد
ومسألة انك تدبس فعربية دى واردة بنسب مختلفة فكل العربيات
زى الناس الى ادبست فالافيو
وواحد ادبس فالنيو اكسنت وجابت موتور بعد الالف الاولى
وهكذا الخ يعنى كل العربيات بيبقى فيها عامل بشرى فمعرضة انها يكون فيها عيب او شئ
لكن الحمد الله
الجاك معايا زى الفل ومبسوط منها بشكل مش طبيعى ولو رجع بيا الزمن هجيبها تانى حتى بعد ما زهوة العربية وانبساطها راااح

[د.كمال]

المشاركة الأصلية كتبت بواسطة nottygamal ميرسي اوي علي ارائهم ومعلش يا د كمال لو فهمت كلامك غلط عموما انا معرفش انطباعات الناس ايه بجد فيه شويه يقولوا حلو وفيه تانين يقولوا وحش بس انا بجد مبهوره بالجاك حاسه ان مفهاش غلطه وفي فرق سعر بينها وبين ال الام 11 وتقريبا نفس الكماليات كل الموضوع انا مش عايزه اشتري عربيه وادبس فيها واتبهدل وياريت تقولي رائيك في عربيتك ادام انت جبت جاك بي كلاس وشكرا علي كل ارائكم وميرسي اوي

أنا اسف انى ذعلتك فتره بدون قصد....بالنسبه لعربيتى الجاك فهى حتى الان معى فوق الممتازه والعربيه كل يوم اداءها بيتحسن وكل يوم بكتشف فيها مميزات جديده وفيها options اكتر من اى عربيه تانيه وكل خاماتها فوق الممتازه ولم يظهراى عيب فى العربيه حتى الان......اما بالنسبه للm11 فهى عربيه شيك وكويسه برده لاكنى مركبتهاش عشان احكم عليها ولكن بشوف ناس كتير راكباها ومبسوطين منها....ومتخافيش انك تدبسى فى عربيه لانها مسأله حظوظ والعيوب فى العربيات تعتبر 1% بس ياريت لما تشترى عربيه تجربى كل حاجه فيها كويس....وانشاء لله ربنا يكرمك بعربيه كويسه واللى تخافى منه ميجيش احسن منه..