بالله عليكو اللي معاة تيروس جديدة يرد عليا

[كومندا]

المشاركة الأصلية كتبت بواسطة mercedes السلام عليكم و رحمة الله و بركاته وكل عام وأنتم بخير يااااااااااااااااااااااه , فكرتنى و الله بطريق المحلة . أصل أنا والدى - الله يرحمه - و والدتى كانوا من المنوفية , مركز بركة السبع و كنت لما بسافر كنت باخد طريق (المنصورة - المحلة - طنطا - بركة السبع ) و كان الطريق بالفعل رباااااااااااااااااالة , أومال لو شوفت المطبات اللى على الطريق الدائرى حول المحلة اللى هو المفروض أنه طريق دائرى , يعنى بره البلاد و بالتالى المفروض مايكونش عليه أى مطبات خااااااااااااالص , لأ , ولا الطريق اللى بعد كده لحد ماتوصل طنطا , تحفة , بالفعل من أسوأ الطرق على مستوى شمال أفريقيا و العالم , زى الزفت , كله مطبات لحد ماتعدى مدخل طنطا ب 10 كم , ربنا يرحمنا , أنا بقالى كام شهر بسافر بركة السبع من طريق ( المنصورة - أجا - ميت غمر - بنها - قويسنا - بركة السبع ) هو اطول فعلا بتاع عشرين كم , بس رااااااااااااااائع بالمقارنة بالطريق التانى و كمان العربية مايفرقش معاها المسافة لكن يفرق معاها الطريق . أنا آسف لأن , طبعا المشاركة مالهاش علاقة بسؤال الأخ الفاضل صاحب الموضوع , بس الشئ بالشئ يدكر .

يا فضحتنا على صفحات النت