استهلاك البنزين نار و معرفش السبب و ارجو المساعدة

[ahmedjumpo]

المشاركة الأصلية كتبت بواسطة mahmoudnada80 الي حصل مع حضرتك ان حساس الايدل كنترول كان مليان طين ولما حطيت المنظف خلي الحساس يشتغل كويس لو لا قدر الله حصل الاستهلاك ده تاني روح عند اي ميكانيكي يفك الحساس ده وينظفه كويس الحساس ده لما بيجي عليه تراب بيعمل الاتي استهلاك بنزين عالي جدا - صوت الموتور عالي ومش مظبوط - ممكن العربيه تبطل في الاشارات وغيرها كتير

باشا كان عندى استفسار هو هل البنزين بالمنظف بيفوتوا على حساس الايدل علشان ينضف و يا ريت لو تقولى اعرف مكانه فين و كان فى استفسار تانى عند ادارة العربية و العربية باردة فى اول خمس دقائق بحس ان العربية عايزة تبطل كذا مرة و لو مشيت بالعربية فى خلال الوقت ده العربية بتبطل فعلا ايه السبب فى كده حاجة كمان فى اوقات لما باجى ادور باحس ان مفيش كهرباء حتى ان المارش مبيدورش رغم ان الانوار و برمجة الراديو بتفضل شغالة فما السبب فى ذلك

[احمد على 1999]

المشاركة الأصلية كتبت بواسطة lol64 انا لما كان معايا لانوس كنت لما بلاقى البنزين استهلاكه على قوى كنت بغير حساس الشكمان معرفش بقى هو حساس الايدل ولا لا وكان كل شئ بيتظبط الموضوع حصل معايا مرتين وغيرت الحساس فى اربع سنين مرتين

ازيك يا استاذ lol حساس الاكسجين (الشاكمان) من ضمن اسباب ارتفاع الاستهلاك
و برضه صمام الايدل (ميعتبرش حساس)

المشاركة الأصلية كتبت بواسطة ahmedjumpo باشا كان عندى استفسار هو هل البنزين بالمنظف بيفوتوا على حساس الايدل علشان ينضف لا طبعا لان صمام الايدل فى مجرى الهواء (الثروتل بدى) و يا ريت لو تقولى اعرف مكانه فين مركب على جسم بوابة الهواء (الثروتل بدى) و كان فى استفسار تانى عند ادارة العربية و العربية باردة فى اول خمس دقائق بحس ان العربية عايزة تبطل كذا مرة و لو مشيت بالعربية فى خلال الوقت ده العربية بتبطل فعلا ايه السبب فى كده احتمال كبير صمام الايدل عايز يتنضف و برضه البوابة و الموضوع ده سهل جدا و شبه ببلاش و عند اى ميكانيكى شاطر و مش حياخد اكتر من نص ساعة و لو حضرتك فى اسكندرية ممكن اساعدك حاجة كمان فى اوقات لما باجى ادور باحس ان مفيش كهرباء حتى ان المارش مبيدورش رغم ان الانوار و برمجة الراديو بتفضل شغالة فما السبب فى ذلك

اكشف على اوتوماتك المارش و الشربون و المارش عامة

[buzzmusic]

المشاركة الأصلية كتبت بواسطة lol64 انا لما كان معايا لانوس كنت لما بلاقى البنزين استهلاكه على قوى كنت بغير حساس الشكمان معرفش بقى هو حساس الايدل ولا لا وكان كل شئ بيتظبط الموضوع حصل معايا مرتين وغيرت الحساس فى اربع سنين مرتين

باشا انا معاك في النقطة دي ومعايا نوبيرا 1 وعايز اغير حساس الشكمان لانه خلاص اعتقد انتهي وطلع على الجهاز لازم يتغير في ميكانيكية بيخافوا يغيرو لانه على بلية هواء ياريت تقولي على ميكانيكي او مركز يكون محترم اغير فيه الحساس وربنا يستر ولو حد يعرف من الزملاء ياريت مش يبخل بالمعلومة جزاك الله كل خير

[buzzmusic]

المشاركة الأصلية كتبت بواسطة ahmedjumpo و الله يا باشا انا نفسى كنت مستغرب من اللى حصل و الحمد لله لغايت دلوقتى عملت حوالى 90 كيلو و كلهم جوة البلد و فى الزحمة و مؤشر البنزين منزيلش يعنى دليل ان الاستهلاك قليل جدا رغم ان العربية 2000 سى سى انا برده كنت زيك لما كنت اروح للميكانيكية يفتوا بتغيير الرشاشات و البوابة فقلت اجرب الحل بتاع المنظف و مش هاخسر حاجة هتلاقى ثمنه بين 20 الى 25 جنيه و انا جبته بـ 22 جنيه من بنزينة فى حسن محمد بشارع الهرم و باعتقد هتلاقيه فى اى بنزينة محترمة قولهم عايز منظف دورة الوقود نوع stp و ضيفه على تفويلة و يا رب يكون سبب فى حل مشكلة البنزين لانها فعلا مشكلة بتضايق

تسلم ياباشا على الرد ربنا يخليك وربنا معانا في هذه المعاناه بجد ونحلها على خيران شاء الله