إن شاء الله هشترى f3 ومحتاج نصيحتكم فى الموديل

[أحمد السويسى]

المشاركة الأصلية كتبت بواسطة ehabpopo ربنا يوفقك ... واى ان كان الموديل ... مبروك عليك مقدما

بارك الله فيك مشكور للمشاركة

[أحمد السويسى]

المشاركة الأصلية كتبت بواسطة abdullah_yousof الموديل الأعلى يستاهل الانتظار بس في كلام انه ب 65 وبتسأل يقول لك 67 بالتوفيق بس بص برضه على JAC B15 تحفة

الموديل الاعلى ممتاز فعلا وب 65 فى الأمل مش 67 انا اتاكدت انهارده لكن للأسف مش عارفين ميعاد محدد لنزوله

والحكاية دى زهقتنى لانى مش متعود أقعد من غير عربية _ شكلى هجيب ال gl أحسن خلاص أنا ضعفت ptmnlo123per144

شكرا لمرورك وردك _ بارك الله فيك

[أحمد السويسى]

المشاركة الأصلية كتبت بواسطة د.كمال انا حاجز الgliمن السبت قبل الماضى من احد المعارض ب 68 الف ولم استلم حتى الان وشركه الامل وعدوا صاحب المعرض بالاستلام بعد اسبوعين وصاحب المعرض خيرنى بعربيه اخرى اسمها جاك وظل يمدح فيها وانها اغلا وطلب منى اشوفها ولكنى رفضت ان اتنازل عن محبوبتى الbyd وساظل انتظر حتى لو شهر كمان للاسباب الاتيه ...العربيه متجربه من 3سنين ولم يشتكى منها احد...العربيه بدات تتصنع فى مصر يعنى اضمن قطع غيارها مدى الحياه ..العربيه بدات تنتشر قطع غيارها خارج التوكيل ورخيصه جداا ...سوف يتم افتتاح مركز خدمه خاص بها فى القطاميه ...نسبه الحجوزات عليها عاليه جداا علشان كده فى تاخير فى التسليم وكمان نازله فى مشروع التاكسى يعنى اللى مش هيحجز اليومين دوول من الصعب انه يحصل عليها بعد كده ...نصيحتى لاتتنازل عنها ولاتتنازل عن الفئه الاعلا الgli انا سالت حوالى 20 واحد اشتروها محدش طلع عيب واحد فيها...

فعلا يا دكتور كمال انا ملقيتش حد إشتكى منها خالص بعكس الموديلات الشائعة الأستخدام زى الفيرنا واللانوس

انا بس عوز الفت حضرتك لحاجة _ اللى حضرتك دفعته فى ال gli كتير لان مدير مبيعات الأمل نفسه قال سعرها 64900

والكلام ده حصل انهارده وشكرا لمرورك وردك

[د.كمال]

شركه الامل مش اد الحاجه بتعملها ليه....السياره اف3 كانت متوفره زى الرز بجميع الموديلات ومن ساعه ما بدات تتقفل فى مصر من شركه الامل كلنا فرحنا وبدانا نحجز علشان نشجع الانتاج المصرى وازا بنا نصاب بالاحباط من طول فتره الاستلام تتصل بالمسؤلين فى شركه الامل يوعدوك بعد اسبوع ويعدى الاسبوع ويوعدونا باسبوع كمان ويعدى الاسبوع كمان وتتصل بيهم لاهم عارفين امتى التسليم ولامين اللى حاجز وتحس انهم بيلعبوا بينا وبفلوسنا اللى دافعينها كاش وبعنا عربياتنا الى كنا راكبينها وبنقضيها شعبطه لحد لما الناس شمتت فينا وبدات افكر فى مصير الbyd مع هزه الشركه وحسيت انه هيكون نفس مصير الادا ميركبهاش غير بتوع الاجره..وبصيت على عربيات تانيه..والحمد لله انى مستلمتش..كنت هتدبس..لانى اشتريت الساحره الرائعه الجاك .بى كلاس....

[ahmedmaster2]

السلام عليكم أنا عضو جديد
واشتريت BYD F3 من شهر يناير الماضى فى أول دفعة لـ 2010 مجمعة فى مصر
بصراحة أول ما وقعت عينى على العربية دى وأتعرفت على امكانياتها لاقتها الافضل ضمن متيلاتها فى نفس الفئة والارخص طبعا العربية دى فى مصر من 4 سنوات
وعلى فكرة كل أصحابى عارضونى فى فكرة شراء عربية صينى
لكن بعد ما شافوها غيروا رأيهم
بس أنا فضلت مستنى حوالى 5 أسابيع من تاريخ حجزها واقدرت اتحصل على اللون اللى اخترته والموديل اللى هو F3 GLI
العربية زى الفل بس المشكلة فى ضمانها سنتين أو 20 ألف كيلو
العربية التسارع بتعها عالى جدا والتكييف زى الفل والصالون عامل زى الكورلا
الموتور ميتسوبيشى بس منقفل فى الصين
يعنى بشكل عام أداء العربية كان مرضى بالنسبة لى وبعد بحث فى كل المواقع اختارتها
ودلوقت أصبحت منتشرة بشكل كبير بعد ما دخلت فى مشروع التاكسى
وزى ما كانوا بيقولوا على الاسبرانزا انها صينى واثبتت وجودها نفس الحكاية حتحصل مع BYD
واى حد يحتاج اى مساعدة يبعت لى وانا ححاول أجتهد فى الرد