مقارنة بين برسونا &صني &نيواكسنت

[ابراهيم أبوسيف]

أنا معايا برسونا وزوج أختي معاه صني ومن تجربتي للعربيتين البرسونا تفوق الصني بمراحل ما ينفعش أصلا تقارن بينهم

من ناحية التقفيل والخامات مفيش فرق ده حتى الصني المصري تقفيلها أسوء بكتير
من ناحية العفشة البرسونا تتميز باقتدار أفضل مليون مرة من عفشة الصني ومرتفعة عن الأرض أكثر
من ناحية الموتور البرسونا طبعا من غير كلام موتور لوتس الانجليزي يفوق موتور الصني بمراحل أنا عربيتي أوتماتيك وعربي زوج أختي صني مانيوال وأنا العربية بتعدي معايا 180 وجبت بيها 200 مرة وهو ما بتعديش 160 غير بالعافية
من ناحية الثبات البرسونا تكتسح الصني بتعوم بعد 140
من ناحية العزل والوسع الداخلي دي الحاجة الوحيدة اللي أحسن في الصني
البرسونا ماليزي 100% إنما الصني مصري مصري مصري بكل عيوب المصري والفرق شاسع بينها وبين الياباني
قطع الغيار متساوية في الأسعار
السعر متقارب وتتفوق البرسونا الفل أوبشن
الشكل الخارجي مع انها أزواق بس أظن البرسونا أحلى بكتير

أنا معرفش حاجة عن الاكسنت بس أظن أن البرسونا أحلى واحدة في التلاتة بامتياز

[احمد علىسالم]

ابراهيم باشا ربنا يبارك لك فيها بس لو سمحت تكلمنا اكتر عن البرسونا من حيث 1- التكيف 2- النعومه والراحه فى القياده 3- الباور 4- قطع الغيار والصيانه 5- استهلاك البنزين 6- اعاده البيع واهم حاجه وضوع الخمات السيئه فى الداخل ولسيادتكم واسع الفضل

[sabry9]

ياريت تكلمنا اكتر عن البرسونا

[ابراهيم أبوسيف]

البرسونا

التكيف : قوي جدا وبيسقع بسرعة هايل

النعومة والراحة في القيادة : بصراحة قيادة البرسونا متعة كبيرة قوي ناعمة قوي واللي بيحب صوت الموتور الرياضي هايلاقيه اللي مش بيحبه هايحس ان صوت الموتور عالي حبتين لكن سحبها عالي قوي وسرعتها وثباتها جامد جدا جدا فوق الوصف وقعدتها مريحة جدا

الباور : كويس جدا ومفيش مشاكل منه

قطع الغيار والصيانة : أنا بعمل كل حاجة في التوكيل وهما الصراحة توكيل محترم عكس ما يشاع عنه فيه نظام ووضوح وممكن بكل بساطة تكلم مدير قسم خدمة ما بعد البيع وبتتصل تحجز بالتليفون أنا كان الراديراتير بتاعي اتخرم من أسبوعين والحرارة عليت كلمت التوكيل قالوا هات العربية وفضلت عندهم يوم غيرو الراديراتير وعملوا الصيانة من غير ما ادفع ولا قرش عشان الراديراتير في الضمان ..
فيه قطع غيار ليها منتشرة في الحرفيين والتوفيقية وشارع الدمشقي وأسعار قطع غيارها في رنج أسعار الكيا الكوري

استهلاك البنزين : طبيعي يعني أنا مش بحسبه قوي بس مش حاسس أنه كتير هحاول أحسبلك

إعادة البيع : أظن صعبة شوية بس أعتقد أنه كمان 4 أو 5 سنوات هتكون كويسة زي الجين تو

الخامات : بص يباشا خامتها زي الهوينداي والصني المصري والشيفروليه الكوري خامات السعر ده وأظن أن الكل بيبالغ في الكلام عن خامتها لأن مفيش عيوب تانية وده حاجة تحسب ليها
كمان العزل بتاعها مش كويس يعني وانت بتجري على 150 بتسمع صوت الهوا وده أكتر حاجة مديقاني فيها بس أظن أنه عيب هين جدا بالمقارنة بمميزاتها الكثيرة قوي

[dr_eslam_66]

المشاركة الأصلية كتبت بواسطة ابراهيم أبوسيف أنا معايا برسونا وزوج أختي معاه صني ومن تجربتي للعربيتين البرسونا تفوق الصني بمراحل ما ينفعش أصلا تقارن بينهم من ناحية التقفيل والخامات مفيش فرق ده حتى الصني المصري تقفيلها أسوء بكتير من ناحية العفشة البرسونا تتميز باقتدار أفضل مليون مرة من عفشة الصني ومرتفعة عن الأرض أكثر من ناحية الموتور البرسونا طبعا من غير كلام موتور لوتس الانجليزي يفوق موتور الصني بمراحل أنا عربيتي أوتماتيك وعربي زوج أختي صني مانيوال وأنا العربية بتعدي معايا 180 وجبت بيها 200 مرة وهو ما بتعديش 160 غير بالعافية من ناحية الثبات البرسونا تكتسح الصني بتعوم بعد 140 من ناحية العزل والوسع الداخلي دي الحاجة الوحيدة اللي أحسن في الصني البرسونا ماليزي 100% إنما الصني مصري مصري مصري بكل عيوب المصري والفرق شاسع بينها وبين الياباني قطع الغيار متساوية في الأسعار السعر متقارب وتتفوق البرسونا الفل أوبشن الشكل الخارجي مع انها أزواق بس أظن البرسونا أحلى بكتير أنا معرفش حاجة عن الاكسنت بس أظن أن البرسونا أحلى واحدة في التلاتة بامتياز

ptmnlo123per1106ياباشا ربنا يباركلك فيها يارب وياسيدي يارب تغنيك عن أي حاجة تانية دا مبدئيا.
بس علشان نكون حياديين ممكن بقى سيادتك توصفلنا كدة باتفصيل إيه الي ماعجبكشي بردو في الصني زي ماحددت كل حاجة عن البرسونا.
كمان السني دي سوبر ولا إي إكس صالون
موديل كام
ياريت كمان تتأكد إني عربية قريبك دي ماتورها حاله كويس لأني الي أعرفه عن ماتورها إنه غوول ومش ممكن أبدا يكون اللمت بتاعة 160 ؟؟؟؟؟
أصلها حاجة غريبة ياعني ماتور 1600 118 حصان مايجريش ليه
عربية وزنها طن ونص تعوم ليه
شكلها كلاسيك قوي ممكن أكون معاك في دي.
المهم رد علينا ياباشا وياريت بس نتفاهم لأني فعلا مقتنع بالصني جدا وكنت ومازلت إنشاء الله حاطتها في أول أولوياتي.