حاجة غريبة مش عارف لها تفسير

[F170]

العربيه اللي مع والدي نيو اكسنت و مخدتش بالي انه ده بيحصل فيها ولا لأ وعندي اخويا معاه بولو 95 اسأله ان كانت بتعمل كده ولالأ

[احمد على 1999]

شكرا على اهتمامك يا استاذ F170
انا بقيت اعمل حاجة قللت الموضوع شوية : بعد ما ادور الصبح ب 30 ث الى دقيقة بزود بنزين ل 2500 RPM و اسيب تانى لاحظت ان الاداء اتحسن عن لو معملتش كده بس برضه لما بمشى مشوار و ابطل و ادور بعدها بشوية بحس انها افضل
و الصراحة ان راضى عن جميع الادائات بس انا كان نفسى اعرف التفسير

[عصام غنايم]

استاذ احمد حاول والعربيه سخنه تشيك على خرج اطراف الموبينه ( تفك سلوك البوجيهات واحد واحد والعربيه دايره وتشوف قوة الشرز مختلف عن بعض ولا متساوى )

ثم كرر التجربه والعربيه بارده ولا حظ الفرق

انا شاكك انه عيب موبينه لأن لو فيها عيب فى بدايته بيبان مع السخونه وبيهدى لما تبرد

وبرده فى ناحيه تانيه

صوت طرمبة البنزين اخباره ايه ( عالى ولا واطى )

ميمنعش انك تشيك على ضغط البنزين الراجع والعربيه سخنه وايضاٌ والعربيه بارده

تقبل تحياتى

[محمود زيزوو]

استاذ احمد باشا على فكرة لموضوع دة حل من الاثنين اولا ممكن يكون رشاشات لان الاداء بيتحسن بعد مضخ بنزين فى اول دوارة ممكن يكون الرشاشات مسدودة شوية وبيتبان فى البداية وممكن يكون من موتور الضخ الخاص باطلمبة البزين ممكن يكون اداءة قل شوية فممكن تحاول تشوف هو فعلا بيبان من صوتة يعنى افتح الكنتاكت وخالى ودنك معاة شوف طلع صوت ولا وربنا معاك

[احمد على 1999]

المشاركة الأصلية كتبت بواسطة عصام غنايم استاذ احمد حاول والعربيه سخنه تشيك على خرج اطراف الموبينه ( تفك سلوك البوجيهات واحد واحد والعربيه دايره وتشوف قوة الشرز مختلف عن بعض ولا متساوى ) ثم كرر التجربه والعربيه بارده ولا حظ الفرق انا شاكك انه عيب موبينه لأن لو فيها عيب فى بدايته بيبان مع السخونه وبيهدى لما تبرد وبرده فى ناحيه تانيه صوت طرمبة البنزين اخباره ايه ( عالى ولا واطى ) ميمنعش انك تشيك على ضغط البنزين الراجع والعربيه سخنه وايضاٌ والعربيه بارده تقبل تحياتى

استاذ عصام
الأداء ثابت من أول الإدارة لغاية التبطيل مهما طال المشوار او قصر
و لما ببطل و أرجع أدور بعدها بشوية (ممكن بعدها ب 5 دقايق او دقيقة او ساعة المهم متكونش بردت تماما) و ارجع ادور تانى بيبقى اداء متفوق و مستمر لنهاية المشوار
علشان كده انا مستبعد الحاجات العادية