الفيرنا ولا البروتون ساجا احسن ؟

[ابراهيم داود]

المشاركة الأصلية كتبت بواسطة corsair خامات الساجا من جوه زبالة الزباله وكمان ده كفايا اوي انها ماليزي تقفيل مصري ده كفيل بس بانه يكرهك في العربية وكمان مش منتشرة اوي وكمان توكيلها ضعيف وسعر اعادة بيعها في الضياع وكمان قطع غيارها مش متوفرة وغالية لكن الفيرنا انتا بتقول ان ثباتها ضعيف علي السرعات العالية حبيبي انا روحت بيها الصعيد علي الصحراوي الغربي ماشي 160 وثباتها روعه ووصلت بيها كمان ل 190 بس علشان والدي كان معايا فاضريت اني ارجع امشي تاني 160 وثابتها جميل جدا وعفشتها روعه وعزلها كويس وماتورها جبار وتقبل تحياتي وتوكل علي الله وهات الاستار الفول اوبشن عامله 69500 جنيه

رايك ممتاز ياباشا وفى محله ربنا يبارك فيك وفى عربيتك وارجوك تمهل شويه فى القياده

[bistoo]

الفيرنا افضل من غير كلام وبدون منازع

[tareksakr]

المقارنة لصالح الفيرنا عربية متجربة منتشرة قطع غيارها في كل مكان و بأسعار معقولة جدا مالهاش عيوب مؤثرة غير قوة المحرك علي وزن خفيف فبتديك تسارع رائع يعيبها عدم الثبات علي السرعات العالية فوق 120 فراملها بعد 120 ضعيفة نوعا ما عايزة عقل في سواقتها وده لا يعيب البروتون ساجا فهي سيارة جميلة كمالياتها حلوة يعيبها عدم انتشار قطع غيلرها لسة متجربتش هتحتاج التوكيل في حاجات كتير مع ان اللي اشتروها ما شتكوش منها فخليك في المضمون وهات الفيرنا

ربنا يخليك يا استاذ ابراهيم وربنا يسترها ونصيحة مقبولة من اخ كبير

[SuMo]

مين قال ان الساجا تقفيل مصرى
اتحداك يا كورسير لو جبتلى المعلومه دى من اى موقع فى العالم
و على فكره الساجا كخامات احسن بكتير من الفيرنا و انا بكلمك عن تجربه
نقط تفوق الفيرنا
الموتور و ان كان موتور الساجا مش ضعيف اطلاقا
غبور مقارنتا بالحاج عز العرب
توافر قطع الغيار