محتار أجيب عربية نوعها إيه في حدود 100 ألف

[hossamhussein0]

المشاركة الأصلية كتبت بواسطة corsair ريح دماغك وهات البيجو 405 عربية محترمة جدا وحديد وسحب مفيش بعد كدا سيبك من المنظر خليك في الاداء

يا باشا الراجل عاوز يركب تربو و سوبر تشارجر و عربية بتوصل من 0 الي 100 كم مش عارف في قد ايه ،،،، بيجو 405 ايه اللي سيادتك بتنصحه بيها خلي لنا احنا الكلام عن الـ 1600 الشعبي ده ptmnlo123per111

نصيحتي للسائل :

روح هات أمريكي (حته موستانج أو كورفيت أو ترانس ام ) في حدود 20 - 30 (أوائل السبعينيات طبعا ) و ركب اللي انت عاوزه بالباقييييييييييييييييييي يييييييي.

[مهند سالم]

واوضح إنك عايز سيارة رياضي، بس مش عارف إزاي عايزها رياضي ومش مهتم بالشكل الخارجي، يعني الشباب دائما وبالذات إلا عايز يركب تربو ومعرفش إيه بيقى عايز عربية سبور واطية على الأرض شكلها مش عارف عامل إزاي، فإنت إلا أنا مستغرب ليه إنك تحس متلخبط، من ناحية كلامك بإنك مش همك الشكل يوحي إنك عايز عربية كويسة ومعمرة، ومن ناحية عايز عربية مش عارف تطلع من زيرو لمية في كام ثانية وتركب تربو ومعرفش إيه التاني ده... المهم، عموما العربيات إلا بتطلع من زيرو لمية في أربع وخمس وست ثواني والكلام ده عربيات غالية جدا، يعني سعادتك بتبقى 8 سلندر، 12 سلندر، يعني في الحدود دي، يعني قول مثلا 3000 سي سي أقل حاجة، وإنت فلوسك يا دوب تجيب عربية 1600 سي سي، عموما أنا نصيحتي ليك، هات لانسر 1300 سي سي ، هتبقى في حدود فلوسك، وعربية جميلة وسحبها ناعم ومعمرة، وإنت واضح إنك شاب يعني هتمل من العربية بسرعة وتبقى عايز تغير، ولذلك اللانسر هي المناسبة ليك، عشان لما تيجي تبيع هتجيب ليك أعلى سعر إعادة بيع، وبعدين يا سيدي ركب ليها إلا إنت عايزه، تربو جنوت سبور ومعرفش إيه والكلام ده، مع إني ما أنصحش أبدا بالتربو ده لأنه غلط على الماتور وصداع ووجع دماغ، لكن عربية تجيب من زيرو لمية في معرفش كام ثانية يبقى إنت بتدور على عربية أعلى بكثير من إمكانياتك، وتقبل مروري

يا استاذ حسام تربو ايه بس اللي هيتركب في البلد ديه احنا بنجيب التاني بالعافية في الطرق الزبالة ديه وكمان بنلاقي مطب فجاءه اوادم الواحد وبعدين هوه لو هيدخل سبق يبقي يعمل زي ما انتا بتقوله كدا

[ROMEOOO]

المشاركة الأصلية كتبت بواسطة مهند سالم واوضح إنك عايز سيارة رياضي، بس مش عارف إزاي عايزها رياضي ومش مهتم بالشكل الخارجي، يعني الشباب دائما وبالذات إلا عايز يركب تربو ومعرفش إيه بيقى عايز عربية سبور واطية على الأرض شكلها مش عارف عامل إزاي، فإنت إلا أنا مستغرب ليه إنك تحس متلخبط، من ناحية كلامك بإنك مش همك الشكل يوحي إنك عايز عربية كويسة ومعمرة، ومن ناحية عايز عربية مش عارف تطلع من زيرو لمية في كام ثانية وتركب تربو ومعرفش إيه التاني ده... المهم، عموما العربيات إلا بتطلع من زيرو لمية في أربع وخمس وست ثواني والكلام ده عربيات غالية جدا، يعني سعادتك بتبقى 8 سلندر، 12 سلندر، يعني في الحدود دي، يعني قول مثلا 3000 سي سي أقل حاجة، وإنت فلوسك يا دوب تجيب عربية 1600 سي سي، عموما أنا نصيحتي ليك، هات لانسر 1300 سي سي ، هتبقى في حدود فلوسك، وعربية جميلة وسحبها ناعم ومعمرة، وإنت واضح إنك شاب يعني هتمل من العربية بسرعة وتبقى عايز تغير، ولذلك اللانسر هي المناسبة ليك، عشان لما تيجي تبيع هتجيب ليك أعلى سعر إعادة بيع، وبعدين يا سيدي ركب ليها إلا إنت عايزه، تربو جنوت سبور ومعرفش إيه والكلام ده، مع إني ما أنصحش أبدا بالتربو ده لأنه غلط على الماتور وصداع ووجع دماغ، لكن عربية تجيب من زيرو لمية في معرفش كام ثانية يبقى إنت بتدور على عربية أعلى بكثير من إمكانياتك، وتقبل مروري

مش اصدي شكلها وحش أنا قصدي مش بهتم بالجنوط 16 ولا 17 والكلام ده أنا قصدي عاوز أجيب عربية حلوة امكانياتحها عليَّ من جوه وصاحبها كويس وأنا قلت صاحبها 10 ل 11 ثانية يعني في عربيات 1600cc تجيبها وال عربية اللي أنا محتار مابينهم كتبهم في أول الموضوع

أنا مش عاوز أجيب مستعمل 3000cc واعلى عشان والدي اشترى قبل كده كريسلر 300m وكان سحبها بيفكرني بقطر الموت بالذات لما كانت بتبقى ماشية على 100 وتطلع من أي عربية في ثانية بتعديها بـس عيبها قطاع الغيار ده المفتاح كان بألف جنيه وهي كان تمنها 120 ألف مستعمل وكانت أي حاجة تمنها كذا ألف فيها فـكان قطاع غيارها غالية ولو أي نقطة مياه جت على الكبوت تقوم فتحة سارينا مش بتتقفل إلى لما المية تجف وكان فيها كمبيوتر معلومات جامد
عشان كده أنا عاوز أجيب زيرو مش عاوز أجيب مستعمل وكل كام يوم اروح الحرفيين

شكرا على مشاركتكم في الموضوع
<input id="gwProxy" type="hidden"><!--Session data--><input onclick="jsCall();" id="jsProxy" type="hidden"><input id="gwProxy" type="hidden"><!--Session data--><input onclick="jsCall();" id="jsProxy" type="hidden">

[hossamhussein0]

المشاركة الأصلية كتبت بواسطة corsair يا استاذ حسام تربو ايه بس اللي هيتركب في البلد ديه احنا بنجيب التاني بالعافية في الطرق الزبالة ديه وكمان بنلاقي مطب فجاءه اوادم الواحد وبعدين هوه لو هيدخل سبق يبقي يعمل زي ما انتا بتقوله كدا

يا باشا أنا معاك قلبا و قالبا و أنا مرة واحدة اتهورت و ركبت عربية تربو و كانت رينو سوبر سانك و مش عاوز اقولك شفت النجوم في عز الظهر و ماحدش كان عارف يضبطها و كانت هيصه ptmnlo123per111


بس ردي كان الاخ صاحب الموضوع علي حسب ما كان هوه محدد (اهتماماته في سيارة خارقة في المقام الاول ) و الراجل بيحكي عن تربو و سوبر تشارجر و حاجات كده يعني ،،، يبقي تتوقع مني ارد اقوله ايه ؟؟؟ أكيد رد في نفس سياق طلبه .


أما عن اقتباسي لرد حضرتك علشان اكتب الرد كان علي سبيل المداعبة لك مع العلم لكامل احترامي للبيجو 405 ،،،،