اغرب موقف حصللك من اى ضابط او امين شرطة

[egypt_farmer]

اخويا كان شارى عربيه نمر الشرقيه
وصاحب العربيه عامله توكيل
وانا رخصتى انتهت بعد 10 سنين وقعدت مش فاضى اجددها حوالى 8 شهور
المهم
كنت بقف فى اى كمين
امين الشرطه يقلى الرخص
اديلو رخصتى المنتهيه ورخصه العربيه اللى من الشرقيه
يبص فيها قوى
وانا ماسك قلبى بايدى
الاقيه يقولى فين التوكيل
اديله التوكيل اللى مش باسمى يبص فيه برضو
وبعدها يديهوملى وامشى
يعنى
لا شاف ان الرخصه منتهيه ولا شاف ان التوكيل مش باسمى
ربنا يعمى عيونهم عن رخصى وتوكيلاتى يا رب
قولو اميييييييين

[awaad8760]

أنا حصلى موقفين بس للأسف مافيهومش أى كوميديا إنما فيهم حاجه تفقع الدم

أول موقف كنت بجدد ترخيص العربيه فلقيت اللى بيفحص بيقوللى فى كحته فى الرف الشمال ودى لازم تتصلح ومش هاينفع تجدد قوللته إزاى ده الصاج مش مطبق والكحته دى بقالها 6 سنين وعدت ميت مره
المهم لقيت الراجل المخلاصاتى بتاعى بيسحبنى من دراعى وبيقوللى ياعم فوتله بريزه علشان ما يتلككش

قلت أبدا ,أنا كده بأخد بالقلم على قفايا ,أنا داخل للظابط

دخلتله أجيبه يمين شمال مفيش فايده ده حتى ماقمش يشوف العربيه

طلعت من عنده مدلدل ومبلول لقيت المخلاصاتى بيقوللى ماقلتلك فوتله بريزه يامعلمى وبعدين قاللى ولا يهمك أنا هادخله

طلع من عنده وعلى وشه إبتسامه كبيره قلت يا ما إنت كريم يا رب, قاللى الباشا وافق انه يمشى الورق بس على شرط تدفع 20 جنيه فى صندوق تكافل ظباط المروروتجيبله الوصل

مكنتش مصدق الكلام اللى بسمعه وحسيت ساعتها انى باخد بالبياده مش بالقلم على قفايا , بقيت زى السكران طلعت العشرين جنيه ورحت دفعت صاغرا والموضوع مشى و أجمل حاجه انى فحصت كذا مره بعد كده ولا حد إتكلم عليها



تانى موقف كنت رايح العاشرمن رمضان وصلت الساعه 3 فجرا وعند مدخل من مداخل العاشر لقيت كمين أمن دوله ورشاشات وسلك شائك وحواجز

الأمين قاللى رخصك إديتهالوه بص فيها وقاللى ماشى قولتله طب لوسمحت شيلوا الحواجز علشان أعدى

قاللى ماينفعش تعدى من غير ماتدفع للعساكر دى الشاى بتاعها علشان هما واقفين فى التلج بقالهم 10 ساعات

قولتله نعم وقعدت أتجادل معاه بتاع ربع ساعه ومفيش فايده وكل اللى على وشه ابتسامه بلهاء عمال أقول لنفسى أكيد دلوقتى هايقوللى الكاميرا الخفيه

بصيت حواليا مافيش صريخ ابن يومين ولا حتى نور على بعد خمسه كيلو فى الصحرا

لما زهقت عملت نفسى بكلم عقيد أمن دوله فى الموبايل وكلمت الأمين بحده راح مشاور للعساكر وفتحو الحواجز


وعجبى

[egypt_farmer]

كان فانوس الاشاره الخلفى عندى مكسور
وكنت يوميا بعدى على كمين رشيد
اول يوم قعد الامين والعساكر يحسسونى انى دمرت البنيه التحتيه لمصر لانى سايب الفانوس مكسون
وحسسونى انو المفروض انه يتم اعتقالى على هذه الجريمه الشنعاء
المهم فى الاخر اخدو 10 جنيه
كل يوم رايح جاى ادفع 10 جنيه لدرجه انهم بقو زى اصحابى وساعات كنت بديهم 5 جنيه ويقولولى الباقى بكره
شهر على الحال ده
واخيرا وانا ماشى شفت محل قطع غيار قلت اجيب فانوس الاشاره
نزلت اجيبه لاقيته ب 13 جنيه

[ابو هيما]

[quote=egypt_farmer;109797]

فى مره تعبت وانا سايق وكان معايا واحد صاحبى
خليته يسوق هوا
ومكنش معاه رخصه
وفجأه
لقينا كمين
وقفنا قبله بشويه وبدلنا ( سوقت انا )
لما وصلنا الكمين اظاهر ان الظابط كان شافنا
واحنا بنبدل
لما كلمنا قال بما معناه انتو عايزين تضحكو عليا
قلتله لا حضرتك دا نوع من الاحترام وعدم الجهر بالخطئ
صمم على اخد رخصة العربيه
قلتله
حضرتك تعرف مسعد بيك سكين
قالى طبعا اعرفه
قلت فى سرى الحمد لله جالى الفرج
وقلتله مسعد بيك يبقى عمى
قالى الظابط تعرف ان مسعد بيك اتسبب فى تأخير ترقيتى سنتين
قلت فى سرى جالك الموت يا تارك الصلاه
وبان على وشى
ضحك الظابط وقالى قول لمسعد بيك ان المقدم محمد ..... اللى اخرت ترقيته سنتين بيسلم عليك
وادانى الرخص ومشيت

[/quote
جامدة دى وحلوة قوىىىىىىىىىىى

[ابو هيما]

والله مواقف جامدة وتموت من الضحك وأنتوا كلكم شباب زى العسل
أنا بقى بصراحة جتتى نحست وأصبحت من كتر الأكمنة ونقاط التفتيش الموجودة فى جنوب سيناء هنا -أصبحت زيها زى كأنك بتعدى على واحد صحبك ومتعود منه على كل حاجة (رخامة -غلأسة -هذار -كله ماشىىىىىىى(
مرة نقطة حدود ورشاشات وعساكر
ومرة أرهاب وتفتيش العربية من فوق لتحت بالكلأب البوليسية
ومرة مؤتمر مهم للسلأم او مش عارف لأيه وهاتك يأاسئلة وأثباتات شخصية وكارنيه بحس سياسى وجنائى
وكله ماشىىىىىىىىى يا أحلى منتدى وأحلى أصدقاء