هاااااام جداً لاصحاب القلوب الرحيمة و حملة ازاى نفيد منتدانا ونشط قديمنا

[salahabdelnabi]

المشاركة الأصلية كتبت بواسطة Dr. Bolbolan ردآ على مشاركتى هذه ! واحد مجهول الشخصيه والهويه باعت لى فى التقييم الرساله الآتيه ! " لما تحب تفهم واحد غلطه ابقى فهمه فى وشه مش بالتلميح " !! آدى واحد منهم أبى الا أن يفضح نفسه " أمامى على الآقل " وبيطلب منى ما لا يستطيع هو فعله ! أرجوا اعادة قراءة مشاركتى وستجدون هذا الصنف موجودآ ! أنا لم أذكر أسماء ولكنى أتكلم على شخصيات معينه ولا أسماء معينه ! وبيطلب منى أقول له فى وشه ! طب هوه فين وشه ولا قفاه ! اذا كان هوه بيتكلم من خلف ستار ! ولو هوه محترم يقول اسمه ايه وبيشتغل ايه وايه الآرض اللى واقف عليها وايه اللى سمح له انه يهاجم غيره اللى هوه العبدلله وكل من وافقنى على رأيى بكلمة شكرآ أنا مش ح أرد عليه و خليها... لكن ياريت الزملاء يردوا عليه ! وشكرآ Dr. Bolbolan ptmnlo123per122

الكلام واضح ومش محتاج توضيح ولا تلميح ولا غمز ولمز

اللى على راسه بطحة لازم يحسس عليها

واعتقد ان مش اى انسان عنده القدرة والشجاعة على المواجهة

وعشان ماتحسبش من الزييطة والمطبلاتية واللى بيمشو فى الزفة وانى من حزب الشلالية زاى ما واحد قال احب اقول كلمة واضحة وصريحة خالصة لوجه الله

احنا حبينا مصر موتورز واهله وناسه وبنعتبره بيتنا بجد
ومن حق كل واحد فينا يقول رأيه ومن حقنا جميعا نتفق او نختلف
طالما الاحترام موجود ومتبادل بينا وعلى اسس من الحوار والنقاش السليم دون سفسطة او هلفطة
لكن الجدال لمجرد الجدال وبدون سند او دليل وايضا لمجرد الاختلاف تطبيقا لمبدأ ( انا اختلف اذا انا موجود ) هو ده المرفوض
وان الواحد يحشر نفسه فى اللى مالوش فيه بيدى الفرصة انه يسمع مالا يرضيه

واختم بقول ماثور عن تشى جيفارا
" لكل الناس وطن يعيشون فيه الا نحن فلنا وطن يعيش فينا "

فمن يرغب فى ان يكون مصر موتورز وطنا يعيش في وجدانه بناسه واهله باحترام وود

فاهلا به ومرحبا

ومن لم يرغب فالاوطان كثيرة يختار ايها يشاء

[Payoo]

المشاركة الأصلية كتبت بواسطة salahabdelnabi واختم بقول ماثور عن تشى جيفارا " لكل الناس وطن يعيشون فيه الا نحن فلنا وطن يعيش فينا " فمن يرغب فى ان يكون مصر موتورز وطنا يعيش في وجدانه بناسه واهله باحترام وود فاهلا به ومرحبا ومن لم يرغب فالاوطان كثيرة يختار ايها يشاء

على فكره يا صلاح البابا "شنوده" له مقوله مشابهه لمقولة جيفارا وهو يقول فيها
"مصر ليست وطنا نعيش فيه و انما وطن يعيش فينا"
فخلينا مع البابا شنوده لأنه أقرب لنا من جيفارا وكمان مثاله أقرب

[حازم شاهين]

هو انا معنديش خبرة فى الموضوع ده و أعتقد باقى الأعضاء هيقدروا يفيدوك أكتر منى يا أبو نورا





لكن
أنا بقى بالعكس عنوان الموضوع خلانى متردد أدخل و لا لا
علشان أنا بتأثر بالحكايات بالمأسى الإنسانية و بتعب نفسيا
لكن لما استجمعت شجاعتى و دخلت لقيت الموضوع مختلف تماما

حجةتانية شبه الموضوع ده

لما تلاقى حد كاتب موضوع بيقول فيه
عيب خطير فى السيارة الفلانية
أو مشاكل الموديل كذا
أو إحذر من السيارة العلانية
و بعدين تلاقى الموضوع بيتكلم عن حالة فردية
أو مشكلة عبيطة فى النهاية

كمان يعنى ساعات كده و مع إحترامى للجميع
بيضايقنى الردود إللى من نوع
الله ينور
تسلم إيدك
كتر خيرك
مشكور أخى الكريم
لإن أداة الشكر تغنى عن المشاركة إللى من النوع ده
و لو إنى قفشت نفسى كذا مرة بعمل كده يمكن من الحماس أو شدة الإعجاب
لكن المشكلة إن فى المواضيع الساخنة و المهمة بيبقى الواحد عايز مشاركة تضيف للموضوع

[Saif eldien]

من مدة وانا بفكر اكتب موضوع يخص هذا المضمون ولكن الان مع وجود موضوع سابق يكفينى انى انشطة واعيد واذكر الناس واناشد باعلى صوت واقول
بعض الملحوظات
1. اختار اسم موضوعك بطريقة معبرة لمضمونة
2. تابع موضوعك
3. اختار المكان الصح لعمل موضوعك ولا تكرر امثلة ( خبر قراتة ولا يتعلق بالسيارت اكتبة فى قسم اخبار محلية ولو خبر ملوش علاقة بمصر اكتبة فى اخبار عالمية / لو ليك موضوع ملوش علاقة بالسيارات اكتبة فى قسم استراحة / لو موضوع عام عن تجربة ليك فى السيارات اكتبة فى قسم السيارات العامة / لو موضوع بتسال عن سعر عربية اكتبة فى قسم عام تجارى / لو اعلان لبيع عربية اكتبة فى قسم بيع سيارات وهكذا
اناشد الجميع بالاهتمام بما يكتبة وعدم التكرار ووضع موضيعة فى القسم الصحيح
حتى يجد الاجابة من موضوعة ويجد من يساعدة ويجد اكثر الردورد من متخصحين وافراد همهم مساعد والاجابة على اى استفسار
ملحوظة اقراء فى المنتدى جيدا بلاش استسهال فى تكرار موضيع بلاش نقل موضيع داخلية

ومن هنا اقوم ادعوا الى حملة داخل المنتدى وهى حملة ازاى نساعد منتدانا ازاى نستفيد من محتوانا نشط موضيع قديمة

[alymonir]

المشاركة الأصلية كتبت بواسطة saif el din من مدة وانا بفكر اكتب موضوع يخص هذا المضمون ولكن الان مع وجود موضوع سابق يكفينى انى انشطة واعيد واذكر الناس واناشد باعلى صوت واقول بعض الملحوظات 1. اختار اسم موضوعك بطريقة معبرة لمضمونة 2. تابع موضوعك 3. اختار المكان الصح لعمل موضوعك ولا تكرر امثلة ( خبر قراتة ولا يتعلق بالسيارت اكتبة فى قسم اخبار محلية ولو خبر ملوش علاقة بمصر اكتبة فى اخبار عالمية / لو ليك موضوع ملوش علاقة بالسيارات اكتبة فى قسم استراحة / لو موضوع عام عن تجربة ليك فى السيارات اكتبة فى قسم السيارات العامة / لو موضوع بتسال عن سعر عربية اكتبة فى قسم عام تجارى / لو اعلان لبيع عربية اكتبة فى قسم بيع سيارات وهكذا اناشد الجميع بالاهتمام بما يكتبة وعدم التكرار ووضع موضيعة فى القسم الصحيح حتى يجد الاجابة من موضوعة ويجد من يساعدة ويجد اكثر الردورد من متخصحين وافراد همهم مساعد والاجابة على اى استفسار ملحوظة اقراء فى المنتدى جيدا بلاش استسهال فى تكرار موضيع بلاش نقل موضيع داخلية ومن هنا اقوم ادعوا الى حملة داخل المنتدى وهى حملة ازاى نساعد منتدانا ازاى نستفيد من محتوانا نشط موضيع قديمة

من ضمن الحاجات اللي ممكن تفيد أيضا عدم تكرار المشاركات في الرد على أكثر من عضو في موضوع واحد (يعني ايه ؟؟ )
يعني لما يكون فيه أكتر من عضو عايز ترد عليهم في نفس الموضوع ممكن تجمعهم في مشاركة واحدة مش مشاركة لكل رد
بس المشكلة ان أنا نفسي مابعرفش أعمل الموضوع دة
ممكن افادة ؟؟