سؤال عن تأخير إستجابة الغاز صباحا

[cmatcho]

المشاركة الأصلية كتبت بواسطة الدكتور محمد معلش إسمحلى أختلف معاك فى رأيك فى الغاز الغاز مش كله مشاكل ولا حاجة إطلاقا الغاز كله فوائد، وثمنه فيه أنا من 2001 وأنا أستخدم سيارات كلها حولتها للعمل بالغاز والحمد لله مشاكله بسيطه جدا وفى حالة عطله تماما السيارة تسير بنزين لحين الإصلاح

معاك لكن المشكله ان مواتير شيري غي مصممه للعمل بالغاز

[الدكتور محمد]

المشاركة الأصلية كتبت بواسطة cmatcho معاك لكن المشكله ان مواتير شيري غي مصممه للعمل بالغاز

معلش للمرة الثانية

ما مصدر هذه المعلومه؟

وإذا كانت صحيحه، فهل مواتير الدايو، أو الهوندا أو الهيونداى أو ،،،،،،،،،

كانت مصممه للعمل بالغاز؟

بالقطع لا

ولكن شركات الغاز تقوم بالتحويل عن طريق عمل تعديلات هندسية معتمدة لأنها شركات وليس ورش تحت بير السلم.

تحياتى

[cmatcho]

المشاركة الأصلية كتبت بواسطة الدكتور محمد معلش للمرة الثانية ما مصدر هذه المعلومه؟ وإذا كانت صحيحه، فهل مواتير الدايو، أو الهوندا أو الهيونداى أو ،،،،،،،،، كانت مصممه للعمل بالغاز؟ بالقطع لا ولكن شركات الغاز تقوم بالتحويل عن طريق عمل تعديلات هندسية معتمدة لأنها شركات وليس ورش تحت بير السلم. تحياتى

ماعنديش فكره عن مواتير هيونداي او دايو
لكن الغاز اثبت فشله مع مواتير شيري في مصر
كل سائقي التاكسي مواتير عربياتهم شيعت بعد سنه او سنه ونصف من استلامهم العربيه
وكل غير بمواتير لانسر بسبب الغاز

[الدكتور محمد]

ح ضرتك عارف يعنى إيه تاكسى جديد، يعنى بيمشى يوميا جوالى 1000 كيلو (3 ورديات) مفيش راحة

يعنى ببساطة كده 25000 - 30000 كيلو فى الشهر

يعنى فى السنه 300000 - 360000 كيلو فى السنه

وأحسن موتور بنزين لو وصل 300000 كيلو غالبا لازم يعمر

العبرة بالكيلومترات وليس بالزمن

ومع ذلك جارى معاه سبرانزا 2008 غاز وعاملة حاليا 300000 كيلو والموتور حالته زى الفل لا دخنه ولا نقص زيت ولا أى مشاكل.

وربنا يسترها معانا جميعا يارب

[Hisham.Elgazzar]

المشاركة الأصلية كتبت بواسطة الدكتور محمد ح ضرتك عارف يعنى إيه تاكسى جديد، يعنى بيمشى يوميا جوالى 1000 كيلو (3 ورديات) مفيش راحة يعنى ببساطة كده 25000 - 30000 كيلو فى الشهر يعنى فى السنه 300000 - 360000 كيلو فى السنه وأحسن موتور بنزين لو وصل 300000 كيلو غالبا لازم يعمر العبرة بالكيلومترات وليس بالزمن ومع ذلك جارى معاه سبرانزا 2008 غاز وعاملة حاليا 300000 كيلو والموتور حالته زى الفل لا دخنه ولا نقص زيت ولا أى مشاكل. وربنا يسترها معانا جميعا يارب

النظام الحقن المباشر ببلوف زى الزشاشات فى الموتور هو ده النظام الناجح انما الغاز على البوابة هو ده اللى بيفوت الموتور بسرعة

ولو عملت نضفت مية الردياتير بالكامل وغسيل والبلف الصمام نضفته بمزيل صدا وركبت خراطيمه وأخدت هوا من دايرة المية كل حاجة هترجع زى الاول واحسن الغاز الإنجيكشن ناجح والبوابة فاااشل
ولو الصمام لسه بيعلق بعد ما عملت كل ده تعمل شكوى فى محطة الغاز او تشوف شركة تانية