العربية بتبطل بعد ما ادورها على طول

[mr_astra]

ومكان الخرطوم اللى متشال مش مهم لانة بيجيب هواء ساخن من مكان معين لما العربية تكون فى جو غير بلدنا
تركيبة مش مجدى

[M0hamed Hasan]

المشاركة الأصلية كتبت بواسطة mr_astra اى حاجة بتشتغل فى العربية بالكهرباء لازم يوصلها ارضى وكهرباء يعنى موجب وسالب بما فيهم مارش العربية لان المرش بياخد الفردة الموجب من البطارية مباشر بس بيعدى على جزء تانى متوصل بكونتاكت العربية اللى هو الاوتوماتك طب والطرف السالب هايخدة منين اكيد من جسمة نفسة لانة معدن طب وجسمة متوصل باية ؟ متوصل بجسم المحرك عشان كدة بيعملو كابل من سالب البطارية الى جسم المحرك لا وكمان اية البوجيهات مش بتحتاج الى ارضى او سالب عشان تفرغ الشحنة ؟ صح طيب بتجيبة منين اذا كان واصلها سلكة بوجية واحدة اكيد بتجيبة من جسم البوجية نفسة اللى متوصل بسالب البطارية مرورا بجسم المحرك المعدن شوفت بقى ان الارضى او سالب البطارية ممكن يعمل اية يخلى دوارة العربية تقيلة يخلى البوجيهات ما تشتغلش بالكفاءة المطلوبة وتخيل بيعمل اية كمان مش هاتصدق !!!!! بيخلى العربية تسخن لان المراوح بتعتمد على نفس الفكرة وهى انها بتاخد سالب من البطارية من جسم العربية نفسة اللى متوصل بكابل من سالب البطارية عشان تعمل دايرة مغلقة فلما بيكون الارضى مش جيد التوصيل للكهرباء تلاقى المروحة شغالة صحيح انما مش بنفس سرعتها الطبيعية لالالا الارضى مهم مش لازم نهملة وبعدين دة تخمينى للمشكلة لكن مش بالشرط يطلع صح ولو انه اتعمل هو مش مضر اطلاقا طيب بالنسبة لموضوع الخرطوم بتاع العمة افهم من كدة ان عند حضرتك حقن احادى يعنى نظام مختلط بين الكربراتير والانجكشن؟ لو فعلا كدة يبقى لازم تركب الخرطوم عشان هو مهم اوى فى تلطيف الكربراتير وبيمنع انة يتسد او يجير من الهواء

حشوف موضوع خرطوم العمة دا علشان كل العربيات الى زى شفتها الخرطوم دا واصل بالعلبة السوداء الى على اليمين

[M0hamed Hasan]

المشاركة الأصلية كتبت بواسطة mr_astra بس عاوز اسالك هو عداد الـ RPM على السلانسية والعربيةسخنة على كام ؟

للاسف معنديش عداد RPM عندى العداد الكلاسيك سرعة و بنزين و حرارة
بس كنت عايز اركب العداد التانى بتاع الهاتشبك لى فيه rpm و ديجتال بنزين هل ينفع ؟ و اجيبه منين ؟
معلش انا عارف اسالتى كتير اوى بس انا بحب استفيد من الناس الى عندها خبرة زى حضرتك

[M0hamed Hasan]

المشاركة الأصلية كتبت بواسطة mr_astra بص انا اتفرجت على الفيدو واخت صورة من الفيديو وعلمتلك على مكان فلتر الهواء الصورة هنا

حفكها النهارده انشاء الله و احوال انضفه و بالمرة احوال اعمل موضوع الميه