أنا أشتربت عربية فبرنا ومش عارفة أعمل إيه

[eng/walaaeldeen]

المشاركة الأصلية كتبت بواسطة meno elsaher حضرتك اسلوب القيادة مالوش دعوة بعومان السيارة دا بيقى عيب فى الكاويتش نفسة يا الجنط يعنى حضرتك اول مرة تسوق فيها كانت العربية بتعوم منك وبعد مابقيت شاطر ومتمرس مابقتش تعوم

السلام عليكم
الواحد في اول تعليمه ممكن يتخيل له ان العربيه بتلعب بيه او بتعوم ويكون العيب في اسلوب القياده
ومن الممكن يكون فعلا في عيب في الكاوتش او بمعني اصح في عفشة السياره
لذلك فالفيصل في ذلك ان احد ذو ثقه يسوق العربيه ويخبرها هل العيب في السياره او في اسلوب القياده
ومن الممكن تروح تظبط زوايا الأول للعربيه في مركز صيانه معتمد وتكشف على زيت الفتيس و الدبرياج
والسواقه مالهاش كبير سواء قديم في السواقه او حديث
والله المستعان

[meno elsaher]

انت معاك حق بس اصل الفيرنا بتنزل بجنط مصرى وكاويتش مصرى او كاويتش تركى ماحدش بيشترية
والمصريين لما بيصنعو اى حاجة مابتختبرش بعد التصنيع فابيكون انت وحظك

[حسام البورسعيدى]

لازم دلوقتى العربية تكون مش بتحدف يمين او شمال لو حضرتك سبتى الدريكسون سواء مع التسارع او الفرمله ..

لازم الدريكسيون يكون ثابت مش بيترعش فى ايد حضرتك سواء على السرعه العادية او السرعات العاليه (فوق 120)

لو فى اى مشكله من دول يبقى نطلع على مركز زوايا وترصيص محترم وهما هيقوموا بالازم ...

عربية ماشيه 20 الف كيلو استحاله تحتاج تغيير فى ديسك او اسطوانه ..

بالنسبه لتقل الفتيس انا شايف انها حاجة مش طبيعيه مع الفيرنا اللى فتيسها معروف انه خفيف جدا ..

بس انا اتوقع ان المشكله هى عدم تعود من حضرتك بس .. خصوصا لو كنتى بتتعلمى على عربية قديمه وفتيسها سايب ..

هو لازم يكون فى مقاوه وتكات فى عصا الفتيس عند النقل لان دى تروس بتعشق فى بعض وده شئ طبيعى بس المهم ان الغيار يكون سلس ومش بيعصلج مع حضرتك او بتسمعى اى اصوات حشرجه (لازم ندوس دبرياج للاخر عند نقل الغيار) ..

اذا كان وضع الدبرياج مش مريحك يعنى لو هو واطى او عالى ممكن تظبيطه بكل سهوله ب 5 جنية عند اى صبى ميكانيكى .. هو مجرد رجلاش فى الدواسه بصاموله تعليه او توطيه حسب ما حضرتك تفضلى وان كان الوضع الافضل هو ان يكون مضبوط فى نصف مشوار الدواسه للحفاظ لاقصى حد على عمر الديسك والاسطوانه ...

احيب اضيف لحضرتك معلومه الديسك والاسطوانه لهم اعراض لتلفهم (عمرهم الافتراضى دائما مش اقل من 100 الف كيلو مع القياده الهادئة الطبيعية)

ضعف سحب العربية وتسارع الـ rpm بدون زياده السرعه (عيب اسطوانه)
رجرجه ملحوظه عند الطلوع على الاول (عيب ديسك)
احيانا يحدث صوت احتحاك او ونه يزول مع ضغط الدبرياج وده بيكون عيب بليه دبرياج ..

طقم الدبرياج كامل اوريجينال بحوالى 510 جنية وانصح بتغييره كامل عند تلف اى اجزاؤه ..

طقم الدبرياج الفاليو اعتقد تمنه فى حدود 370 جنية ... ولا انصح بيه خصوصا الاسطوانه لانها تختلف عن الاوريجينال (اضعف منها) وده بيبان بالعين المجرده لو نظرنا على سوست الاسطوانه الاصليه والفاليو نلاحظ ان الفاليو السوست ارفع من الاوريجينال ...

دى مجرد نصيحه عن تجربة لكل ملاك الفيرنا ..


والف مبروك على العربية يا فندم ربنا يديكى خيرها ويبعدك عن شرها وشرور الطريق باذن الله ..

تحت امر حضرتك فى اى استفسارات ....

[mahmoudeka]

مش اى حد يقول ان العجل بايظ او الجنط بايظ تقوم مغيره يا صحبى لازم تتأكد بنفسك بس معلش لازم اعرف تفاصيل اكتر من حضرتك عشان اقدر احدد العيب فين او من ايه ممكن تضيفنى عندك ونتكلم مع بعض انا بردوا معايا فيرنا 2012 https://www.facebook.com/mahmouudekaa?ref=tn_tnmn

[mr_omda2011]

المشاركة الأصلية كتبت بواسطة meno elsaher اسطوانة وديسك اية بس حرام عليك بتقوللك العربية بتعوووم بعد سرعة الخمسين كيلو مال الديسك والاسطوانة بس وبعدين العربية لسة تعتبر جديدة دى عاملة عشرين الف كيلو بس والله ضحكتنى اوىىىىىىى وتقل النقلات مش بالضرورة الاسطوانة تكون بايظة وليها كذا اختبار عندك مثلا ضعف فى السحب و صعوبة فى طلوع المطالع و رجرجة عند بداية الطلوع بالسيارة واساسا فتيس الفيرنا تقيل نسبيا عن السيارات اليابانى هو الهيونداى كلة عموما تحس فية بعضة كدة وخصوصا فى الاولانى والتانى ويبقى سلس فى التالت والرابع لاكن اليابانى اللى زى الا نسر الفتيس بتاعها خفيف جدا

..شكرا علي رد يا باشا ..وياريت واحنا بنرد يكون فية احترام وعدم سخرية من الناس..
كلامك صح بالنسبة للعومان ملوش علاقة بالديسك..انابتكلم علي موضوع الرعشة مش العومان..
وبالنسبة للعومان من الكاوتش او ممكنيكون العربية واخدة خبطة من تحت ومش متصلحة كويس..وشكرا ليكم