عندى مشكلة فى الدوارة محيرانى

[ali abaza]

بسم الله المشكلة اكيد في حاجتين 1 الموبينة بتقطع 2 تحت الكنبة الخلفية يوجد تانك البنزين وبداخلة طرمبة البنزين ركز مع الدوارة هتسمع صوت الطرمبة لوبعد اي عدد من الدوارة ممكن تسمع صوت الطرمبة اتغير او في صوت تقطيع ام تكون اتسدت من الوساخة اوعايزة تتغير وفي حالة التغيير ممكن تغير قلب الطرمبة ب100 جنية او لو عايز تشتري دماغك بتغير المجموعة كله الصيني ب300 والكوري ب500 والاستيراد من 200 الي 250

[handtools123]

ممكن لو المشكلة فعلا مش من الموبينة يبقى هيا طرمبة البنزين عايزه تتغير وأفضل أنك تجيب الكورى أحسن

[adm_mm]

العيب دة مشهور فى النوبيرا دة عيب رشاشات
ومبيظهرش غير لما العربية تكون سخنة لان البنزين يتكثف جواها وبيشرق العربية لما تكون سخنة وتبتدى تبرد

[m.dardir]

المشاركة الأصلية كتبت بواسطة adm_mm العيب دة مشهور فى النوبيرا دة عيب رشاشات ومبيظهرش غير لما العربية تكون سخنة لان البنزين يتكثف جواها وبيشرق العربية لما تكون سخنة وتبتدى تبرد

الله ينور عليك يا باشا فعلاً المشكلة دى معروفة فى النوبيرا اللى بيحصل إن الرشاش لما يتلف بيسيل بنزين بعد لما العربية تبطل وعشان حضرتك بتيجى تدورها تانى علطول بيكون البنزين لسه ماتبخرش وعشان كده العربية بتضطر تحرقة الأول قبل ما تدور بعكس لما العربية تكون باردة وده معناه إن ليها فترة مبطلة فبيكون مافيش بنزين لسه قاعد على البستم فالعربية تدور معاك من أول تكة .

أنا ليا تعليق صغير ودى حاجة بتطبقها على نفسى قبل ما أكون بنصح بيها ومع إحترامى للجميع ياريت فى أى مشكلة اللى ماوجهاش عملى أو على الأقل ماشفهاش قدامه على أرض الواقع حتى فى عربية غير عربيته ما يتسرعش ويرد وينتظر لما أى حد يكتب رد و يتجرب عشان يعرف الحل لأن أنا شايف إن واحد دخل العضو المحترم فى موضوع موبينة وواحد تانى قله طرمبة بنزين وهكذا كل واحد يقول حاجة والواحد فى الآخر يبقى تايه ما بين كتر الردود لأنها لو موبينة لازم تظهر والعربية سخنة وماشية وتنتش دى دفعات كذابة وكذلك طرمبة البنزين كان لازم تظهر مع السرعة المشكلة دى مشكلة رشاشات وأتراهن على كده .