الرحله المرعبه فى الآجواء المتربه !

[Dr. Bolbolan]

المشاركة الأصلية كتبت بواسطة ayman abdelrazek يابو كامل انا هاروحله يعنى هاروح له لو هعدى محيطات وجبال ووديان وبحور لازم اوصله بس حلوه حكاية الهليكوبتر نبقى نفكر فيها بس ايه ده يا دكتور ده ايه المنفى ده؟

أكل عيش يا بيييييييييييييه !
واسمح لى أقتبس و ألخبط فى الامضاء بتاعك !

يا مصرى ليه دنياك لخابيط
صعبه الحياه و الحل بسيط
حبة تخطيط أو حبة تنطيط
أو حتى يارب تاكل قرنبيط
أو تقلع هدومك و تجرى
و تزمر ....طيط....طيط !

Dr. Bolbolan النت بايظ و مافيش فونت ولا ألوان ولا رسوم كاريكاتوريه ! حد يقول لآبو نوراااااا

[ahmed_kamel]

بعد إذنك ياأيمن باشا أنا نويت والنيه لله أن أعرض عليك سيناريو لفيلم من بطولتك لمقابلة الدكتور ... ولو عجبك نبدأ نصور واللي حتطلبه جهة الإنتاج التي يمثلها شرعا وقانونا الدكتور مش حيمانع أبدا فال والحمد لله


سنحكي لكم حكاية (رحلة رجل المستحيل) -أيمن عبدالرازق

قرر أيمن أن يصور فيلم 007 المصري اللي حيكسر بيه الدنيا
ولم يجد مغامره أكثر من شيقه قد مغامرة الوصول للدكتور عبدالسلام (د. بولبولان) في الخليج وبكده إسم الفيلم 007 في الخليج
فقرر ركوب الصعاب وكافة أنواع المواصلات وطرق الحركة المختلفه (مش بقولكم ده فيلم الإثاره والحركه 007)
فبدأ بتمرينات قبل الفيلم عشان يعمل فورمه كويسه قبل مايطلع قصاد الكاميرا
ptmnlo123per181:WEIGHT~17 3:
وبقه أحسن من فورمة عمرو دياب (نجم سينمائي لامع بأه)

وبدأ مشوار التصوير وقرر أن تكون البدايه للفيلم غير متوقعه (الكل صور في البر والبحر) لكن أيمن قرر أن يبدأ فيلمه من كوكب فضائي مجهول ويركب صاروخ منه للأرض لكي يزور دكتور بولبولان

وما أن وصل الأرض حتى وجد نفسه (بسبب إشعاعات موجهه من دكتور بولبولان للصاروخ لتغيير مساره) على القطب الشمالي ومكانش معاه لبس للبرد الراجل عامل حسابه على حر وبحر وعوم وخلافه يعني يادوبك طقم خروج ومايوه وبس
طب يعمل إيه !!!
وبيبص على يمينه لقى واحد جاي من بعيد على الزلاجه بتاعته ولقاه واحد صاحبه فركب وراه
ولم يجد بدا من أن يستلف من زميله إللي قابله بالصدفه على القطب الشمالي (زميل تخته واحده) وإداله طقم إسكيمو 10 على 10

ماصدق صاحبنا وراح سايق فيها ومستلف منه الزلاجه بتاعته والكلاب كمان عشان يسافر بيهم من القطب الشمالي لقارة أمريكا الشماليه (كندا) وده مايمنعش إنه إضطر برضه إن يعوم شويتين عشان يفرفش في القطب الشمالي في بحر الشمال أمال المايوه كان جايبه ليه !!

وبدأت معركة أمريكا وهوه فايت بيعدي الحدود بتاعة أمريكا مع كندا لقى شلالات نياجرا فقال برضه لازم المصري يسيب بصمته هناك وراح واخد دش هناك ثم بدأ يبحث عن طريق سريع وما أن وجد أول طريق صحراوي (مصر إسكندريه - بتاع أمريكا بالتأكيد) حتى إستقل شاحنه من النوع الأمريكاني الضخم وهاتك ياعفرته في الطريق كله

إلى أن وصل لحدود أمريكا مع المحيط الأطلسي وقام راكب مركب شراعي عشان يقطع بيه المحيط بحاله
وبعد أن وصل لقارة أفريقيا مالبث أن واجه الصعاب بالمغرب وهرب من عصابات المافيا التي تديرها سلمى حايك هناك ولكن بخبرة وذكاء وحنكة جيمس بوند المصري مالبث أن راوغهم بموتوسيكل إتعمل بيه حتة مطارده جننت وشعللت لهيب المشاعر عند الجمهور

وقدر يوصل بالموتوسيكل لحد تونس وبعد كده للأسف خلص البنزين فإضطر يركب فيسبا عشان ينفد بجلده ويقدر يوصل ولو للبحر الأحمر
وبالفعل قدر يوصل لبور سعيد ....
وهناك قابل الكابتن بلاميطه والوله حمو وكمان أبو العربي إللي سلم عليه في مشهد تاريخي وسلمه فيه طاقية أبو العربي البحار البمبوطي الكبير وكمان الأسطى بلاميطه إداله مركب بموتور ديزل من النوع الحمول عشان يقدر يعدي البحر بسهوله
لكن للأسف الموتور كان إستيراد ومعرفش يكمل معاه للأخر وجاب جوان في نص البحر لكن جيمس بوند مهموش حاجه ونزل من المركب وبدأ يعوم لحد ماوصل للبر التاني
لقى نفسه في السعوديه قال أحمدك يارب
وبدأ في رحلة المليون ميل وعدى على صحاري كتير وقليل بس بالطياره الخاصه بيه الموجوده على شط السعوديه
لحد ماراح قطر وهناك لقى سباق فورميلا وان إتفرج عليه واتعشى عشوه كويسه ونام عشان يعرف يكمل بكره رحلته لقلب الخليج العربي

صحي وراح شاريله طقم غطس من سبيدو وعمل تان عشان تكمل الفورمه بتاعته في مشهد النهايه

وبعد كده وبالليل في عمليه غايه في السريه لبس بدلة الغطس ونزل مياه الخليج العربي وهاتك يغطس وعوم لحد ماوصل لقاعدة البترول العائمه هناك وبدأ في تسلق قوائمها المزروعه في وسط البحر لحد ماوصل لأرضية المنصه وبدأ يدور عليه (طبعا عارفين دكتور بولبولان)
كان الدكتور ساعتها سامع سمع خير عنه وعارف إنه ناوي يجيله وقاعد عمال يدعي ربنا ويبخر المكان خوفا من دخلة جيمس بوند عليه وما كاد أن يلتفت خلفه حتى وجد جيمس بوند أمامه بشحمه ولحمه وفي الكابينه عنده بس الغريب إن جيمس بوند كان في صورة دراكولا وده رسم علامات الدهشه على الدكتور وعلى جيمس بوند نفسه
وينتهي الفيلم على كده عشان يبقى ليه جزء تاني يشلوا بيه بقية الجمهور إللي لسه ماتشلش

[Dr. Bolbolan]

ايه ياعم أحمد المواهب دى كلها ! دى قصتك اللى مرعبه موش الرحله بتاعتى !واضح ان عندك فى البيت تكييف جامد شويه و بتسقع وانت نايم و علشان كدهبتفكر فى الاسكيمو و الزلاجات و الزحاليق ! دا أيمن لو قرأ الكلام ده موش ح يجيلهشلل ! دا ح يجيله استبحث و ازبهلال و شنفره فى اللابوريا و استاكوزا فى الحمبلاظ !يا راجل دا انت أثبت ان أبو لمعه المصرى ما ماتش ( الله يرحمه ان شاء الله ) !عمومآ الخيال الواسع ده هوه اللى أنجب العباقره أمثال اينشتاين و ليوناردو دو كابوريا !و بعدين أيمن ح يعمل دا كله ليه ؟ هوه أنا سالف منه 10 جنيه و نايم عليهم و لا حاجه ؟( النت عندى بايظ و الصفحه بتفتح فى نص ساعه و مافيش فنط ولا بنط ولا صور )يبدو انها اتجمدت ! عمومآ بأقترح عليك حاجه ! نتقابل فى قعده حلوه كده و نألففيلم رهيب احنا الاثنين يجيب شلل للشعب المصرى كله ! و نلم دهب بأه ياباشا من ضرب الحقن و العلاج النفسى وانت تبنى مصحات و كفايه بقى علشان مخىاتزحلق ! Dr. Bolbolan

[ayman abdelrazek]

iهههههههههههههههههههههههه ه
ههههههههههههههههههههههههه

والله نفسى اتقطع من الضحك يابو كامل
والدكتور خلاص انا بقولك اصرف نظر مش جاى
انا هاشتغل نجم سينمائى لأفلام من انتاج وتاليف واخراج
شركة ابو كامل للأنتاج الفنى
ولما اعملهم كده واستفهم وانام لى كده على ارنبين تلاته
هأجر هليكوبتر واعملك انزال جوى على الخبر
اخطفك واتنى راجع على مصر

بس بجد خيالك جامد ياباشمهندس
منافس ليس بالهين للحكيم ود .تامر

[ahmed_kamel]

يادكتور إحنا لينا الشرف إن كان لينا سبب في تسلية حضرتك (الصور إللي أنا حاططها شوفتها ولا مش ظاهره عندك ... لأن فيها نص الحكايه إن ماكانش أكتر)

>>>>>>>>>>>>

واضح إنك مخدتش بالك ياأيمن من المنتج
أنا ذكرت إسمه في الأول وهو الدكتور عبدالسلام موافي (شركة بولبولان فيلم) ومقرها قاعده منصة بترول في منتصف الخليج والفلوس بيطلعها ببريمه في البحر يعني تقدر تقول بيكبش من البحر ويطلع ptmnlo123per1124
فإلحق إعمل فورمه كويسه عشان المنتج نلحقه قبل ما بير البترول يفضى ونغني كلنا ظلموه