فكره حلوه جدااا تخليك متدفعش ولا جنية لصيانات سيارتك نهائيا وتستخدمها استخدام مجانى

[myson medo]

لا نبعد عن البنوك وفوائدها وشبهاتها ربنا هيبارك أفضل
تقبل مرورى

[hamed2020]

بما انكم دخلتوا في موضوع انك تجيب تقسيط و كده
انا كانوا اهلي هيدخلوا في الموضوع ده وانا قلتلهم لا انا مركبش بس مجبش عن طريق بنك اما الفلوس كاش او الي معهوش ميلزموش
و فعلا فكاتني من القصه كلها و جبت جولف قديمه عادي قلوسها فيها و نكون حوشنا شويه و نجيب كاش قسط و بنوك و كده لألألأ

لكن طبعا فكرتك 100 100 لكن انا مع الاستاذ الي قالك ان الي هيفكر هيقول ان المبلغ \ه ينقله لعربيه تانيه

اما موضوع الربا ده انا هقول الي اعرفه
الي اعرفه لو معاك فلوس وعندك القدره انك تتاجر بيها و تكسب منها لكنك استسهلت و حطيطها في بنك يبقي حرام
لكن لو انت معاك فلوس و ملكش في مجال التجاره و هترميهم تحت البلاطه لانك خايف ان تكون الفوائد حرام اي بمعني اصح معندكش القدره علي انك تتجار بفلوسك وتكسب منها
يبقي مش حرام انك تديها للبنك يستثمرها هو وانت تاخد ارباح
والله اعلم

[magdy_c_c]

السلام عليكم و رحمة الله و بركاته
بصوا بق يا حلوين هى الفكرة جميلة بس غير عملية بالمرة لأن ما فيش عربية عليها القيمة النهاردة بـ 70 ألف جنيه بس !
أى عربية محترمة مش أقل من 100 ألف أو أكتر كمان ! و ممكن تكون مستعملة بأكتر من كده كمان !!!
و بعدين فى شروط للى بيحط فلوسه فى بنك و ياخد عليها فايدة أيا ً كانت المسميات و القيم العائدة فهى ربا ربنا يدينا جميعا ً الصحة و العافية
يا جماعة اللى مسموح له يحط فلوسه فى بنك سواء اسلامى أو غيره و ياخد عليه فايدة هم بس الناس كبيرى السن المحتاجين للإعالة و ليس لهم معيل و لا يستطيعون عمل أى مشروعات يديروها بأنفسهم نظرا ً لعجزهم أو كبر سنهم أو لمرضهم عافانا الله جميعا ًً و لكن اياكم و الربا ....
و بعدين موضوع التقسيط ده يا جماعة هو معضلة اليوم عموما ً فى مصر
و طالما حضراتكم فتحتوا الموضوع للنقاش
يبقى يا ريت كلنا نحاول نضع حلول عملية و موضوعية و اسلامية للتغلب على القروض البنكية الربوية .
فطبعا ً كلنا عاوزين نشترى سيارات حديثة و فى بعضنا عاوز يشترى سيارات مستعملة و معظمنا أكيد عاوز يشترى بالتقسيط .
احنا طبعا ً كلنا سمعنا عن نظام التقسيط من شركات عديدة ،
و ممكن يكون فيها ميزة الحقيقة انها بتقسط الجديد و المستعمل كمان و يوجد فيها برامج متعددة للتقسيط
ولكن هو فى جزئية صغيرة أن نظام البيع بالتقسيط فى معظم هذه الشركات فيه شبهة الحرام ليييييه؟؟
لأن الشركة لا تمتلك السيارة بالفعل و حتى بعد بيعها إلى الشركة من البائع لا تنتقل السيارة إلى مقر الشركة على الإطلاق و كل الذى يتم هو عمل عقد بيع ابتدائى من البائع إلى إدارة الشركة و بعد ذلك تقوم الشركة بدفع ثمن السيارة بالكامل إلى البائع بعد دفع المقدم من خلال المشترى ( من خلال عمل إجراءات التقسيط ) .
وهذا بالتأكيد فيه شبهة كبيرة لأن الشركة فى هذه الحالة تبيع ما ليس عندها و طبعا ً كلنا عارفين حديث رسول الله
" لا تبع ما ليس عندك "
كنت أتمنى من إدارة الشركة أن تقوم بشراء السيارة بالفعل من البائع و نقل ملكيتها للشركة مباشرة
( أى أن السيارة لابد أن تتواجد فى حيازة الشركة بالفعل )
ثم بعد ذلك تقوم ببيعها مرة أخرى إلى المشترى الجديد بالسعر المؤجل المتفق عليه ، وهذا ليس فيه شبهة بدلا ً من دفع قيمة السيارة إلى البائع و السيارة نفسها محل الشراء ليست موجودة ،
و بعدين يبقى ايه لزمة انى اشترى سيارة بالتقسيط بفايدة 11 % و 12 %فى السنة الواحدة من الشركات و المعارض ده غير 2% مصارف إدارية من ثمن السيارة الكلى بحد أدنى 1000 جنيه و بحد أقصى 5000 جنيه ده غير مصاريف الاستعلام من 100 جنيه إلى 250 جنيه فى بعض المحافظات و بعد ده كله باردوا البيع فيه شبهة حرام كبيرة ،
طيب ما أنا أوفر ده كله بقى و اشترى من بنك ناصر الاجتماعى بفايدة 6% فقط و لا استعلام ولا مصاريف إدارية و لا تأمين ولا دياولو
شبهة بشبهة بقى !!!
و كله حراااااااااااااام
يا اخواننا الأصل فى البيع أن السلعة لااااااااااااااااابد و حتما ً تكون فى ملكية و حيازة البااااااائع و يتم دفع الثمن الكلى للسيارة إلى البائع من خلال المشترى الذى اختار هذه السيارة فاذا كان البيع كاش ليس فيه أدنى مشكلة
و لكن المعضلة الكبيرة ان احنا كلنا ليس معنا ثمن السيارة بالكامل و نضطر لشرائها بالتقسيط ، و طبعا ً كل الشركات اللى بتقسط هى عبارة عن برامج تمويييييييييييييييييييل بفايدة بنكية متراكمة و اتحدى أى حد يفتى ان ده حلال شرعا ً !!
تخيلوا بقى ان الحلال هو التقسيط المباشر لصاحب السيارة المباعة ( جديد أو مستعمل ) سواء كان مستورد أو موزع أو حتى مصنع تجميع محلى ولأن الاتجاهات واحدة فى كل الحالات عند رجال الأعمال المصريين ربنا يديهم على أد نيتهم ......
ودول غالبا ً ما بيحبوش التقسيط و بيروحوا يبيعوا للمعارض كاش ، ثم يتولى المعرض بعد ذلك بيعها بالتقسيط ،
تعالوا بقى نشوف التقسيط المباشر اللى فى المعارض ( علشان نتغلب على الشبهة و ناخد العربية اللى عاجبانا من المعرض و ندفع الفلوس باردوا فى المعرض ) شوف الفايدة كاااااام ؟؟؟؟
اللى يقول لك الجنيه ب 70 قرش و اللى يقول لك الجنيه بجنيه حاجة يعنى مش عارف أقول ايه؟؟؟؟
ففى النهاية انت أمام أحد أمرين

الأول :

التقسيط البنكى أو من خلال الشركات اللى هو باردوا تقسيط بنكى ( برامج تمويل و ان اختلفت المسميات حتى الاسلامى منها اللى بيزود الفايدة إلى حوالى 12 % فى السنة !!! ) وده حرااااااااام بدون نقاش لأن السلعة محل البيع ليست فى حيازة و لا ملكية البائع أصلا ً وهو فى هذه الحالة الشركة أو البنك !

الثانى :

انى مضطر اعمل تقسيط مباشر مع المعرض و ده باردوا فيه حالتين :

الحالة الأولى :

أن تكون السيارة موجودة فقط بالمعرض يعنى لا تكون مملوكة لصاحب المعرض
( معروضة فقط ) و عند البيع بالتقسيط يأتى صاحب السيارة الأصلى و ياخد الفلوس كاملة من صاحب المعرض و بعد ذلك يشتريها المشترى الجديد من المعرض بالتقسيط المباشر
( مع ملاحظة ان السيارة ما زالت مملوكة للبائع و عجبى ! ) و المعرض بياخد عمولة من البائع ومن المشترى الجديد بالاضافة إلى الفايدة ( الفلكية طبعا ً الجنيه بجنيه !! )
و ده حراااااااااااااام 100 فى الـ 100 لأن السيارة محل البيع ليست فى ملكية البائع النهائى و هو المعرض فى هذه الحالة .

الحالة الثانية :

أن السيارة تكون مملوكة بالفعل لصاحب المعرض و يتم بيعها بالتقسيط المباشر للمشترى الجديد و هذا ليس فيه أى شبهة ( و لكن باردوا الجنيه بجنيه !!!! ) هههههههههههههههه

طيب ايه الحل ؟؟؟؟

كلنا عاوزين عربيات بالتقسيط المعتدل و ليس فيه أى شبهة .
اللى عنده حلول أو اقتراحات يدلنا عليها و له الأجر و الثواب عند الله



مستنى آراء و اقتراحات و مشاركات حضراتكم ؟
:fun_Whis pering::f un_Whispering::fun_Whispe ring::fun _Whispering::fun_Whisperi ng:

[sayed2077]

على فكره انا ضد ان الواحد يشترى سيارة بالقسط انا كل فكرتى انك تحط مبلغ وبالفوائد اللى تطلع تعمل الصيانات بتاعت عربيتك وانا قولت كدا لانى سمعت كذا شيخ بيقول انك لما انت اللى تدى للبنك الفلوس فده عادى بس اللى غلط انك تروح تقترض ويبقى عليها فوائد

وانا غير متحمل ذنب هذه الفتوى نهائيا اللى يتحملها اللى انا سمعتها منه سواء كانت حلال ام حرام

وانا بشكر جدااا كل من شارك فى الموضوع
وانا لما قولت السيارة ب 70 الف لان وقت ما فكرنا فى الفكرة ديه كانت اللانوس ب 70.750 الف فكانت فعلا ب 70 الف وقتها

وتحياتى لحضراتكم جميعا ومازال باب المناقشه مفتوح

[M.TONSY]

المشاركة الأصلية كتبت بواسطة mr_astra من ساعة ما البنوك دخلت فى قروض السيارات تلاحظ ان الدنيا خربت لا اللى معاة تاكسي بيجبلة فلوس ومستور ولا الملاكى تلاقى عندة رضى وراحة نفسية العربيات مخبطة ومتهانة وبيظهر فيها عيوب ما كناش بنسمع عنها فى العربيات القديمة العربيات والله بقت تبوظ لوحدها عارف لية لان الربا حرام وربنا بشر بحرب من الله ورسولة للى بيتاجر فى الربا مين فينا اد حرب من الله ورسولة والله العظيم لية صديق بيشتغل فى بنك اعرفة من زمان اول ما اشتغل فى الائتمان لما بشوفة بحس ان وشة اتغير ....بحس انة علية غضب من ربنا وكنت فى السوق بالصدفة لقيتة بيبيع عربيتة سلمت علية وبقولة هاتجيب اية غيرها قالى لا انا مزنوق وبفك نفسي بالعربية فعلا حرب محدش يقدر عليها