بنزين 80 مع فيرنا 2013 !!؟

[the necromancer]

المشاركة الأصلية كتبت بواسطة sayed2077 ياباشا ولا يهمك وجزاك الله خيرا اما بالنسبه ل وكدا ديه يا سيدى هتبقى كالاتى

كده يبقى ال80 مناسب ليا جدا انا مش بتاع شد ولا جري ومبعديش ال 120
يافندم مش عارف اشكرك ازاي وفيت وكفيت ربنا يجازيك الف خير

[svneleven]

المشاركة الأصلية كتبت بواسطة sayed2077 بص ياباشا امشى اول 1000 كيلو ب 92 وبعد ال 1000 حط 80 عادى جداااااا انا اغلب اللى اعرفهم معاهم فيرنا وطول عمرهم ماشيين ب 80 بس اهم حاجه تتماشى مع سواقة ال 80 يعنى متديش غيار قبل وقته وكدا او ممكن تعمل حاجه اوفر حتى من بنزين ال 80 وهتبقى كانك شغال ببنزين 95 وهى انك تحول غاز بعد ما تعمل 5000 كيلو بيها والله هتبقى كأنك بتحط بنزين 95 ووالله ما بيهلك المكنه ولا حاجه عندنا التاكسيات معديه ال 250 الف كيلو ومشاين بالغاز ولا حصل فيهم اى حاجه وشغاليين عادى زى الفل وممكن تركبه بالتقسيط تدفع حوالى 200 جنية على 3 سنين بدون مقدم او تدفع كاش حوالى 6000 واللى يقولك الغاز بيهلك الماتور وكدا صدقنى هو يسمع الكلام ده من ناس بس عمره ما جربه ده حتى لو بيهلك الماتور لو انت عملت بالماتور 300 الف بمتوسط مثالا ان كل 10 كيلو مشى بتاخد لتر بنزين 92 يبقى 300000 / 10 = 30000 الف لتر بنزين 30000 الف لتر بنزين * 1.85 جنية = 55500 الف جنية يعنى هتكون استهلكت بنزين بحوالى 55 الف جنية تعالى شوف هتستهلك بكام غاز لنفس المسافه اللى هتمشيا بالبنزين 30000 لتر بنزين * 0.45 قرش = 13500 هتستهلك بحوالى 13 الف جنية بس غاز تعالى نحسب الفرق 55500 - 13500 =42000 الف جنية يعنى هتكون وفرت من استخدامك للغاز 42000 الف جنية اثنان واربعون الف جنية تخيل انت بقى ب 42 الف جنية دول ممكن تعمل ايه ده انت ممكن تشترى عربيه تانية اصلا بالفرق ده مش ماتور بلاش ده انت ممكن تشترى ماتور جديد نوفى بتاع فيرنا من التوكيل نفسه مش استيراد كمان وكمان هيتبقى معاك فلوس طول ما انت بتستخدم الغاز بتسخن الصبح بالبنزين حتى لو هتسخن ببنزين 80 وبعدين تقضى ماشاويرك غاز وقبل ما تيجى تركنها تحولها تانى لبنزين لمده دقيقة وبعد كدا تقفل العربيه ان شاء الله مفيش اى اضرار وكفاية سواقيين التاكسى بسم الله ماشاء الله معديين ال 250 الف كيلو بالغاز والماتور شغال بسم الله ماشاء الله ولا كان فيه اى حاجه وربنا يوفقك

أنا ما اعرفش كتير عن الغاز لكن أظن أن لتر البنزين بيدي كيلومتر أعلي من الغاز. يعني لو 30000 لتر بنزين هيدي 300000 كم يبقي 30000 لتر غاز هيدي أقل من 300000 كم و الا ايه؟

[eng/walaaeldeen]

المشاركة الأصلية كتبت بواسطة Marlborooo نصيحة لو هتحط بنزين 80 ديما تفول والتنك مليان نصفه متسيبش التناك يفضي عشان الرواسب وممكن تحط معاه سائل تنظيف الرشاشات

السلام عليكم
اخي العزيز رقم الأوكتين لا علاقه له بالنظافه
تقبل تحياتي
والله المستعان

[sayed2077]

المشاركة الأصلية كتبت بواسطة svneleven أنا ما اعرفش كتير عن الغاز لكن أظن أن لتر البنزين بيدي كيلومتر أعلي من الغاز. يعني لو 30000 لتر بنزين هيدي 300000 كم يبقي 30000 لتر غاز هيدي أقل من 300000 كم و الا ايه؟

فعلا البنزين بيدى كيلو متر اعلى بس بنسبه بسيطه
بمعنى ان لتر البنزين مثالا لو هيمشى العربيه 10 كيلو متر

فمتر الغاز هيمشى العربيه 9.5 كياو متر
تعتبر غير محسوسه نهائيا

[Marlborooo]

المشاركة الأصلية كتبت بواسطة eng/walaaeldeen السلام عليكم اخي العزيز رقم الأوكتين لا علاقه له بالنظافه تقبل تحياتي والله المستعان

انا كل الناس اللي اعرفهم بيسيبوا نصف التانك مليان عشان الرواسب في البنزين ال80 بتكون اكتر من اللي موجودة في ال90 وده بيخلي الرشاشات تتسد بسرعة

واكيد رقم الاوكتان مالوش علاقة

وشكرا ليك