|
سيارات حواء MasrMotors Girls كل ما يهم المرأة عن عالم السيارات |
|
أدوات الموضوع |
#11
|
||||
|
||||
رد: العربيه لسه جديده و حسه اني بهدلتهااا:( ياريت حد يساعدني
السلام عليكم ورحمة الله وبركاته
اولا : مبروك عليكى السيارة ربنا يعطيكى خيرها ويكفيكى شرها موضوع الخرابيش عادى جدا كلنا كدة وربنا يكفيكى شر الطريق اكيد شفتى بلاوى الحوادث لا قدر الله ربنا يسلم طريقنا جميعا موضوع الركن كله بالصبر و الممارسة لا تقلقى استمتعى بسيارتك وربنا يفرحك بيها
__________________
اللهم ياجامع الناس ليوم لا ريب فيه اجمع على ضآلتى سبحان الله وبحمده سبحان الله العظيم |
#12
|
|||
|
|||
رد: العربيه لسه جديده و حسه اني بهدلتهااا:( ياريت حد يساعدني
ولا يهمك :D , العربية التويتا كورولا لما كانت زيرو في الامارات خدتلها خبطه متينه في الاكصدام من ورا , و لما نزلت مصر بعد الترخيص بيوم خدت نفس الخبطه في الاكصدام من ورا , فا الحمد لله انها بتيجي على الخرابيش لأنها اهون بكتير بس فعلا الواحد لو عربية جديده هيزعل عليها خصوصا شكلها دايما بنحب نحافظ على الحاجة جدا , انا العربية اتخربشت مني في الزحمه قبل كدا , رحت بعدها المغسلة حطلي عليها كومباوند و مسح جامد و بعدين حط بوليش , و هي بتفرق على نوع الخربشة بس في النهاية الخربشة اثرها بيقل لان حتى لو ما اتشالتش بيتنضف حواليها , و انصحك تعملي وش شمع للعربية في اي مغسلة او اشتريه انتي و اعمليه , هيحمي العربية شويه من موضوع الخربشة و هيخليه سهل يتشال انا الحقيقة نفعني جامد .
|
#13
|
|||
|
|||
رد: العربيه لسه جديده و حسه اني بهدلتهااا:( ياريت حد يساعدني
بالنسبة للركنه , فا مصر بتعمل الناس ازاي تركن في اضيق الاماكن , المهم حاولي ما تفدقديش الثقة في نفسك و غتتي على الركنه لغاية ما تتعلميها , و طبعا اهم حاجة التدريب مع كونزات او ازايز مايه خصوصا العربية جديده + لو عندك سينسور باركينج يبقا كويس جدا .
|
#14
|
|||
|
|||
رد: العربيه لسه جديده و حسه اني بهدلتهااا:( ياريت حد يساعدني
بالنسبة لموضوع الخدوش دى حاجة عادية كل عربيات مصر كدا ولو عندك بتاع دوكو شاطر ممكن يعملها وماتبنش ثانيا فى استيكر بيتجلد بية العربية بالكامل سواء شفاف او بلون العربية دا علشان حماية البويا الفابريكا ودا موجود فى التوفيقية او فى شارع دمشق فى مصر الجديدة ثالثا : بالنسبة لموضوع الركنة كلنا كنا كدا وهى بتيجى بالممارسة والتعود على مسافات العربية بكرا ترجعى بظهرك وانتى مغمضة |
#15
|
|||
|
|||
رد: العربيه لسه جديده و حسه اني بهدلتهااا:( ياريت حد يساعدني
انتى زعلانه على شوية خربشه امال انا اعمل ايه العربيه اتخبطت وهى مركونه ياستى ولا يهمك وكل العربيات لازم تتخربش فى مصر حتى لو الى سايقها شوماخر
وبالنسبه للركنه انا مبعرفش اركن الا لو فى فريق بيشجعنى ويقولى يمين وشمال ههههههههههههه عادى يعنى بكره تتعلمى وتبقى استاذه |
|
|