استفسار فى الريدياتير لخبراء الفيرنا فى المنتدى

[memodina1]

المشاركة الأصلية كتبت بواسطة maggoda1611 انا متعود اشوف مياه القربة كل يومين تقريبا وكان بقالها اكتر من اسبوعين ثابتة فوق الmax بشوية ومش بتنقص لغاية ما لقيت مؤشر الحرارة وانا راكن بيرفع بعدها فتحت الكابوت قولت يمكن عيب فى المروحة ولقيتها شغالة ولقيت مستوى المياه فى القربة زى ما هو ما اتغيرش عشان كده استنيت العربية تبرد وبعدها فتحت غطا الريدياتير لقيت مفيش مياه خالص باينة وروحت شغلت العربية وفضلت ازود فى المياه لغاية ما اتملى مع العلم ان مفيش تسريب مياه خالص وانا مغير غطا الريدياتير لما غيرت دورة المياه من 4 اسابيع

ما هو ممكن يكون الريداتير مخروم خرم ولو صغير يضيع المية كلها عملت كبس ماتور على الريداتير شوف لو فية اى خرم من ورا او قدام او الجمب اتاكد ولازم تحل المشكلة العربية ممكن تسحن تقفش حوار تانى خالص بقى

[maggoda1611]

المشاركة الأصلية كتبت بواسطة memodina1 ما هو ممكن يكون الريداتير مخروم خرم ولو صغير يضيع المية كلها عملت كبس ماتور على الريداتير شوف لو فية اى خرم من ورا او قدام او الجمب اتاكد ولازم تحل المشكلة العربية ممكن تسحن تقفش حوار تانى خالص بقى

هجرب واشوف. هو انا كنت بسأل واحد انهارده وقالى ان ممكن يكون السبب غطاء الريدياتير نفسه لأن انا مغيره من قريب بواحد ب 25 جنيه فهل ممكن يكون الغطا هو السبب

[Vanditta]

المشاركة الأصلية كتبت بواسطة maggoda1611 هجرب واشوف. هو انا كنت بسأل واحد انهارده وقالى ان ممكن يكون السبب غطاء الريدياتير نفسه لأن انا مغيره من قريب بواحد ب 25 جنيه فهل ممكن يكون الغطا هو السبب

لو المية بتنقص معاك من الردياتير وبتزيد فى القربة واترجعش تانى
دة عيب غطا ردياتير
شوف اللينك دة
http://www.masrmotors.com/vb/showthr...E1%E3%ED%C7%C9

[هانى سمير]

ممكن يكون غطاء الريداتير فية عيب بيمنع نزول مية القربة ولكن مع ضغط الحرارة يسمع بمرور فقط
وهناك دائما لهو خفى ممكن تكون دورة التبريد وخدة هوااااااااا ودة يعمل اللخبطة دى
لان من وصفك نقص نصف كباية لا يرفع حرارة الماتور مطلقا ولكن اذا كان فى دورة التبريد هواء مما يؤدى إلى ارتفاع الضغط والحرارة
والله اعلم وهو المعين

[maggoda1611]

انا غيرت غطا الريدياتير بنوع تانى كورى بس مش الأصلى لأنى دورت عليه ومالقتوش وسافرت بالعربية ولغاية دلوقتى الدنيا كويسة ولقيت بعد يومين المياه فى القربة نقصت- مع العلم انها فى الغطا الأول ما كانتش لا تنقص ولا بتزيد - وأظن كده المشكلة اتحلت ولو فى جديد هقول عليه.