ايه احسن سيارة عائلية اّمنة وكبيرة ما بين 70,000 و 80,000.... انا اخترت امجراند !!! انت تختار ايه وليه !! نقاش مفتوح..

[فهمى]

امجراند لو كانت 1600 سى سى علشان الوكيل اللى منزلها ( غبور ) قوى جدا وتقيل ليه اسم فى السوق المصرى ومستحوذ على أكتر من 30% من سوق السيارات فى مصر ركوب وأتوبيسات ونقل يعنى قلعه صناعيه حتى التوك توك عمله فى مصر وهو السبب فى شهره هيونداى فى مصر وهو من الوكلاء الدائمين مش الوكيل اللى يستورد300 او 400 عربيه وبعد كده يقفل والناس تحتاس وبعدين ده مصنع تجميع أعتمدت عليه جيلى فى مصر وشمال أفريقيا

[abdelrahman kamel]

انا محتار جدا وفى نفس الظروف تقريبا فيما عدا موضوع السفرده بس انا ناوى على اللوجان عشان احب العب فى المضمون لأن عربيتى الشاهين اتسرقت ومش حمل خساير تانى وعشان انا من سوهاج وخايف من حتة قطع الغيار والتوكيل لكن رينو موجود جنبنا فى اسيوط مقر صيانة لكن بعد شفت الايميجراند ومتابع كلامك عنها قررت انتظر واتابع الموقف بعد ماتنزل ارض الواقع ونشوف رايكم فيها

[Sky_Rider]

المشاركة الأصلية كتبت بواسطة fagban طب ايه نظام الجريت وول c30 الاتوماتيك اصلى نفسى اجيب حاجه اتوماتيك وهل هى ولا البى واى دى الاتوماتيك علشان فيه ناس فى المنتدى بيشتكو من البى واى دى الاتوماتيك لكن االجريت وول محدش جايب سيرتها لا بخير ولا بشر ؟؟؟؟؟؟؟؟؟؟؟؟

البي وا دي اوتوماتيك رائعة ... و الجيربوكس بتاعها ياباني اصلي زي بتاع النيسان والرينو JATCO ... الجريت وول ممتازة و اختيار جيد ... بس مشفتش منها اوتوماتيك في مصر ...

تحياتي

[Sky_Rider]

المشاركة الأصلية كتبت بواسطة فهمى امجراند لو كانت 1600 سى سى علشان الوكيل اللى منزلها ( غبور ) قوى جدا وتقيل ليه اسم فى السوق المصرى ومستحوذ على أكتر من 30% من سوق السيارات فى مصر ركوب وأتوبيسات ونقل يعنى قلعه صناعيه حتى التوك توك عمله فى مصر وهو السبب فى شهره هيونداى فى مصر وهو من الوكلاء الدائمين مش الوكيل اللى يستورد300 او 400 عربيه وبعد كده يقفل والناس تحتاس وبعدين ده مصنع تجميع أعتمدت عليه جيلى فى مصر وشمال أفريقيا

على فكرة المحرك ال 1500 مش وحش عليها ... و مش هتحس انو ضعيف خالص ... لان المحركات ال VVT عامة ادائها ممتاز و كفائة ... و استهلاكها في الوقود جيد جدا ... شوف فيديو السحب و الفرامل هنا

http://www.youtube.com/watch?v=AHQDWfTB1Fo