استفسارات عن نوبيرا 2

[seeraa]

اشكرك استاذ خالد الجوكر
لكن ليا استفسار بسيط
انا لاول مرة هركب عربية ولسه متعلمتش السواقة صح كل الى عملته انى اجتزت امتحان المرور وعديت بين الاقماع رايح جاى واخدت الرخصة لكن سواقة على الطريق السريع او داخل المدن بين الناس او انى اركن او اجرش لسه محصليش الشرف
فتنصحنى ادخل على الانو والنبيرا على طول
ولا فى ناس بتقولى خليك فى الاكسل والشاهين ايه رأى حضرتك

[dra7mad]

المشاركة الأصلية كتبت بواسطة seeraa اشكرك استاذ خالد الجوكر لكن ليا استفسار بسيط انا لاول مرة هركب عربية ولسه متعلمتش السواقة صح كل الى عملته انى اجتزت امتحان المرور وعديت بين الاقماع رايح جاى واخدت الرخصة لكن سواقة على الطريق السريع او داخل المدن بين الناس او انى اركن او اجرش لسه محصليش الشرف فتنصحنى ادخل على الانو والنبيرا على طول ولا فى ناس بتقولى خليك فى الاكسل والشاهين ايه رأى حضرتك

مبدئا طالما حضرتك لسه جديد ف السواقه يبقي يا لانوس يا نوبيرا لان الاكسل عربيه هزيله ومش هتستحملك والشاهين فتيسها ودركسيونها تقال ومش هتعرف تتعامل معاه لو عايز تريح بالك خليكف الكوري قطع غيار متوفره وخفيف في مشيه ومريح ف تعامله متحسش انك بتتعامل مع حديدف حديد بس طبعا مننساش ان الشاهين عضمه ناشف ويستحمل شويه عن الكوري بس انته تسوق بهداوه وتمشي براحتك وان شاء الله هتعدي وربنا يوجههك للخير ان شاء الله

[خالد الجوكر]

المشاركة الأصلية كتبت بواسطة seeraa اشكرك استاذ خالد الجوكر لكن ليا استفسار بسيط انا لاول مرة هركب عربية ولسه متعلمتش السواقة صح كل الى عملته انى اجتزت امتحان المرور وعديت بين الاقماع رايح جاى واخدت الرخصة لكن سواقة على الطريق السريع او داخل المدن بين الناس او انى اركن او اجرش لسه محصليش الشرف فتنصحنى ادخل على الانو والنبيرا على طول ولا فى ناس بتقولى خليك فى الاكسل والشاهين ايه رأى حضرتك

هو حضرتك لو انتا يعنى سواقتك كويسه يعنى بتعرف تقدر الابعاد كويس ورد فعلك سريع يبقا تركب اى عربيه وانتا مطمن

لكن لو لسه هتاخد على موضوع الابعاد ده يبقا تركب حاجه قديمه شويه بحيث انك تتعلم عليها وتخبط وترزع فيها براحتك وبعدين تجيب الحديث وانتا متأسس صح

الانوس والنوبيرا كويسين بس الخبطه فيهم بتوجع ف القلب

انا برجح انك تركب حاجه زى كرولا 86 مثلاً

او بيجو 504 دول هيعلموك السواقه على اصولها ومش شرط انها تكون باور بس هتتعلم صح وتركب الحديث وانتا مغمض مع العلم ان البيجو دركسيونها خفيف وقريب من الباور عن تجربه معايا

وربنا يقدملك اللى فيه الخير

اجمل تحياتى لحضرتك .....

[seeraa]

طيب ايه رايك يا استاذ خالد الجوكر
انا واحد صاحبى بيقولى خليك فى هيونداى اكسيل او شاهين وقطع غيارهم رخيصة ومش هتقرفك ولا انت ايه رأيك
و بصراحة ولا فى ابعاد ولا غيره وخايف قوى من موضوع التعلم وحاسس انى عمرى ما هاعرف امشى على طريق سريع ولا بين الناس فى الشوارع
وفكرت اجيب 128 ابعادها ملمومة خايف تكرهنى فى السواقة انا عاوز نصيحة مركبة سواقة وعربية
معلش بقى استحملنى يا باشا

[خالد الجوكر]

المشاركة الأصلية كتبت بواسطة seeraa طيب ايه رايك يا استاذ خالد الجوكر انا واحد صاحبى بيقولى خليك فى هيونداى اكسيل او شاهين وقطع غيارهم رخيصة ومش هتقرفك ولا انت ايه رأيك و بصراحة ولا فى ابعاد ولا غيره وخايف قوى من موضوع التعلم وحاسس انى عمرى ما هاعرف امشى على طريق سريع ولا بين الناس فى الشوارع وفكرت اجيب 128 ابعادها ملمومة خايف تكرهنى فى السواقة انا عاوز نصيحة مركبة سواقة وعربية معلش بقى استحملنى يا باشا

ولا يهمك يا باشا اسأل براحتك

وسيبك من احساسك ده شويه شويه هتكون بألأذن الله بتعمل درافتات هنا ف المنتدى ههههههههههه

بالنسبه للشاهين والاكسيل

بصراحه بحس الاكسيل عربيه ضعيفه ومبتستحملش

هيه الشاهين عربيه ناشفه وماسكه نفسها وعاليه لشوارع مصرنا الحبيبه وكويسه ف التعليم يعنى

بس انا عمرى ما شفتها بتشد مش عارف بقا ده من انى مبسافرش كتير او هيه مش موجوده عندنا كتير المهم يعنى انتا لو هتنوى عليها هيه ضعيفه ف الاوشن بس هتعلمك صح واول ما تلاقى نفسك تمام ف السواقه اقلب وهات حديث

وبالنسبه لل128 هيه سواقتها جميله اوى لأنها حته صغيره كده مش واخده مكان وممكن انتا تعمل فيها اللى احسن من الحديث ف الصالون وف كل حاجه

وانتا وزوئك بردو

واى استفسار تانى انا تحت امرك