تغيير الكاتينة باكثر من 3000 جنيه

[msr1192]

المشاركة الأصلية كتبت بواسطة الهولندى الطائر تغير سير كاتينة ب 3000 جنيه بتمن موتوسيكل جديد بصراحة الاختراع اللى اسمه توكيلات عامل اخلى شغل خبيبى ( بطريقة الخواجة ) لو ركبها جناحين وخلالها طيارة ما كنتش هتدفع ال 3000 هتقولى قطع الغيار غالية هقولك رخيصة جدا بس اول ما بتلمس تراب بلدنا سعرها بينط 700 فى الميه ايه اللى عملوا التوكيل ده سير وبليه وحوار بسيط ولا هى الناس اللى بتشترى عربيات دى بتلاقى الفلوس فى الارض التوكيل من وجهة نظرى عصابة منظمة شغالة لحساب مصنع رخيص جدا واحد راح التوكيل قالوله القطعة دى مش موجودة هنستوردها من ايطاليا مخصوص طلباتكم قالوا 5000 جنيه او تقريبا 4000 الراجل بالصدفة نزل يسال فى الحرفيين لقى التاجر بيقوله دى اخر حته ولسه التوكيل مكلمنى عليها شوف الاشتغالة والكدب توكيل من اياهم التوكيل بيجيب قطع الغيار من الحرفيين ويركبها على انها من ايطاليا والحدوته التانية الراجل جايب شيفروليه وقالوله لازم تغير القطعة كذا موافق غيروها ركبولوا قطعة اخدوها من عربية غيره على انها جديدة هو التوكيل بيخترع عربية فى العربية هو هيعملى فيها مختبر او مركز ابحاث ثلاث اربع الى شغالين فيها بيقلبوا عيشهم من ورا الزباين المغلوبين على امرهم وفى النهاية ازمة ضمير وكمان احنا بنسكت على الغلط

معلش سامحنى بعد اذنك الكلام غير مقنع حضرتك عايز تقول اني هاروح اعمل صيانة عادية اغير فلاتر وسيور الاقيهم بوظولى حاجة تاني في العربية انا اسف تجربتي مع توكيل معين اننا ذهبنا انا وصحبي نعمل الصيانه الدورية وعارفين هنغير ايه بعد اما كشفوا لقوا في حاجات تانية محتاجة تغيير مزودتش في الحساب 70 جنية ولما وافق واحنا ماشين ادونا القطعه اللى اتغيرت

[Hisham.Elgazzar]

المشاركة الأصلية كتبت بواسطة نسر عربي كلامك صح، هندسيا الحكاية مش محتاجة المبالغ الوهمية دي، مش منطقي اني اصرف بنزين سنة او اكتر على كم ترس و كم بكرة و سير! على فكرة الحل لجشع التوكيلات في مصر ان الناس في مصر تتفق انها تشتري من التوكيل اللي بيعلن بوضوح عن اسعاره اول ما تشتري العربية، مش نظام عندنا الفانوس ب 300 جنيه و الاكصدام ب بمش عارف كم، لا ده انت تقول للمشتري بعد 60 الف حتغير الكاتينة بكم و بعد 200 الف حتعمل نصف عمرة بكم و هلم جرا. دي حاجة، الحاجة التانية انا عايز اعرف مين بيستورد كاتينة للماهيندرا خارج التوكيل، الموتور بتاعها موتور الرينو لاجونا فاكيد الموتور ده و الكاتينة بتاعته يمكن استيرادهم مش قصة. و على فكرة هو ده سر امتناع توكيل ماهيندرا عن طلب عربيات بنزين موديلات جديدة و بقى كله ديزل على طريقة lose lose المصرية الاصيلة لان طبعا زبون الماهيندرا معندوش وقت يقضيه سهران نصف الليل قدام محطات الديزل مع عربيات النقل فكدة الماركة خسرت و الزبون خسر و التوكيل خسر. الحاجة الثالثة و دي على مستوى دولي و حتخلي اي عربية جديدة تتباع بشلن زي ما حصل في الكمبيوتر الشخصي انه تتباع ماركة عربية يكون تصميمها مفتوح و مجاني، يعني ممكن يتعمل قطع غيار متوافقة من اي مصنع تاني زي ما شركة اي بي ام علمت كدة في الكمبيوتر و جابت سعره الأرض.

خلاص يا باشمهندس طالما حضرتك عاوز توفر بقى
حضرتك هتفك مجموعة السيور والتروس بتاعت الكامة
وتوصل لحد التوفيقية فى رمسيس هتلاقى ناس متخصصين فى السيور والتروس بتاعت الكامة وكذلك بلى الشداد
حضرتك تجيبهم وتغيرهم عادى برا التوكيل مش شرط بقى تجيب حاجتها الأصليه

لكن إعمل حسابك على تغيير السيور بدرى شوية عن العادى كإجراء وقائى
وتراجع على ظبط الكاتينة بالكمبيوتر وبالتوفيق بإذن الله
وموضوع التوكيل انتهى بقى خلاص انا لو مكانك هعمل كده

[نسر عربي]

المشاركة الأصلية كتبت بواسطة Hisham.Elgazzar خلاص يا باشمهندس طالما حضرتك عاوز توفر بقى حضرتك هتفك مجموعة السيور والتروس بتاعت الكامة وتوصل لحد التوفيقية فى رمسيس هتلاقى ناس متخصصين فى السيور والتروس بتاعت الكامة وكذلك بلى الشداد حضرتك تجيبهم وتغيرهم عادى برا التوكيل مش شرط بقى تجيب حاجتها الأصليه لكن إعمل حسابك على تغيير السيور بدرى شوية عن العادى كإجراء وقائى وتراجع على ظبط الكاتينة بالكمبيوتر وبالتوفيق بإذن الله وموضوع التوكيل انتهى بقى خلاص انا لو مكانك هعمل كده

شكرا يا استاذ هشام، سؤال اللي بيبيعوا في التوفيقية دول بيبيعوا البكر و السيور و الشدادات بتاعة الماهيندرا؟ و الا هي كلها مقاساتها قياسية و بيبيعوا بالمقاس؟ والا بيبيعوا حاجات الرينو لاغونا 2000 سي سي؟ و اذا كانوا بيبعوا الحاجات دي بالمقاس اجيب المقاسات ازاي؟ لازم افك الموتور مرة قبل الشراء؟ والا هم عارفين؟

[AbOnOrA]

هى ديه اسعار البافارية عموماً وبالنسبة للماهيندارا والبرليانس ارخص بكتير من البى ام والمينى بس عموماً تظل من اغلى التوكيلات فى مصر

علشان كده بنقول للناس اللى بتشترى الماهيندارا والبرليانس متتغرش انها عربيات سعرها اقتصادى لان تكلفه اقتنائها غير اقتصادية بالمرة

ربنا يعينك طبعاً ويهبك خيرها ويكفيك شرها

[AbOnOrA]

منصحكش توفر فى حاجة تخص الالات الجر ده لو عفشه حتى كنت يمكن اقولك ماشى بس سير الكاتينه اللى الناس بتستهيفه ممكن يدمر العربيه كلها لا قدر الله

واحد زميلنا هنا فى المنتدى ضرب معاه السير فى نص الطريق لبست فيه عربيه من ورا طيرت نص العربيه وطبعاً الموتور كان ادغدغ فمبقتش نافعة خالص وكل ده بسبب سير كاتينه فمتستهونش بيه