سؤال بخصوص التاكسى ياريت المساعده

[hanyyyyyy]

بالتوفيق انشاء الله
انا من ملاك الجميلة byd f3 تاكسى وعامل بيها حتى الآن 21000كيلو والسيارة جيدة ولا يوجد مشاكل جوهرية تجعلك تخاف منها ....

اما بخصوص النمر انا اشتريت العربية كلها على بعضها(العربية + بالنمرتين عليها) من معرض وصاحب المعرض ادانى رقم تليفون صاحب النمرتين علشان اكلمه فى نفس الوقت ونروح تانى يوم الى المرور لترخيص السيارة و تركيب النمرتين الجداد على العربية وبعدين طلعنا على الشهر العقارى وهو معايا وعملت عقد مسجل بالعربية كلفنى حوالى 1500ج والراجل اللى كان معاه نمرتين محترم جدا جدا جدا وبتاع ربنا قوى وهو شاب مش كبير قوى واسمه بدر ولو عايز حاجة منه او منى تفهمها كلمنى ياسيدى على تليفونى 01113639889 وانا اشرحلك الموضوع واديك تليفونه لأن اللى عرفته انه شغال فى موضوع النمر ده بيجب عربيات تاكسى ابيض واسود ويحولها ملاكى ويبيع النمر .

ملحوظة ::
من كتر ماحسيت انه كويس ومحترم اتفقت معاه انه هياخد مبلغ معين وهعمله توكيل ادارة وتجديد وترخيص ويقوم هو بعمل الرخصة باسمى سنه والذهاب الى التأمينات والضرائب ودفع المبالغ المطلوبه وحصل بالفعل وادانى الرخصة سنه بأسمى او بمعنى اصح بأسم ابنى لأنى موظف حكومة وبالتالى مينفعش اعملها بأسمى ومش فاضى آخد اجازات كتيرة لأنهاء الاوراق اللازمة ....

ودى بقى الخلاصة

[العمده المليجى]

الاخ هانى اشكرك على الرد واهتمامك بلموضوع بس فيه سؤال معلش لو تكرمت انتا دفعت الفلوس الاول للمعرض وخد العربيه جاهزه يعنى غاز وعداد واستيكر ورايه ودفعت فلوسها ولا دفعت الفلوس بتاعه العربيه والنمر مع بعض ورحت رخصت مع العلم انى عايز العربيه اوتوماتيك وان شاء الله هركب الغاز فى كارجاز علشان الناس بتشكر في الشركه دصح ايهيه ومع احترامى للاخ المحترم صاحب النمر ايه الى اقدر اعمله علشان اتلاشى موضوع النصب فى النمر انتا عارف يا استاذ هانى ان فى ردود قالولى انى لازم اسجل الاول العربيه باسم صاحب النمر وبعد كده ينقلها باسمى فا بصراحه انا مش عارف اعمل ايه وايه هيا الخطوات بلظبط بدايه من شراء العربيه من التوكيل لغايه ما اتكل على الله واشتغل معلش طولت عليك بس العربيه الى انا حاططها فى دماغى بلمواصفات الى انا عايزه مش هلاقيها جاهزه يعنى لازم تتفصل هههههه ياريت يا استاذ هانى تقولى المراحل ايه بلظبط وهل التاكس دلوقتى جايب همه بيكسب ولا لا انا عارف انها موضوع ارزاق بس يعنى بقول الدنيا عامله ايه فى مصر دلوقتى على فكره انا قدامى تقريبا 6 شهور عقبال ما ابتدى واشترى فياريت تنصحنى وتقولى الصح ايه انا تقريبا معايا 120000 جنيه واسف على الاطاله

[memo1100]

120الف هات التاكسى هيعمل حوالى 104الف لو انت الى هتشتغل علية هيجيب معاك كويس جدا جدا ومتخليش عليك اقساط وربنا يسهلك وتجيب واحد تانى قسط بس الاول خلية كاش احسن

[العمده المليجى]

الاخ ميمو جزاك الله الف خير بس ياباشا المشكله دلوقتى ان اجيبو ولا لا ان شاء الله هيتجاب بس انا عايز اتوماتيك واشترى نمر بس المشكله هنا ان لازم انقل العربيه الاول باسم صاحب النمر وديه المشكله فا مش عارف اعمل ايه

[hanyyyyyy]

طبيعى جدا ان اول ترخيص هيكون بأسم صاحب النمر وبعد كده بتطلع معاه برا برا على الشهر العقارى علشان ينقلك النمر بالعربية باسمك وانت مش هتجيبه جاهز من معرض مثلا نبقى عارفينه او عارفين مكانه (مش هيشيل المعرض على كتفه وهيجرى) دى المشكلة انك تجيب عربية زيرو بالفاتورة وتطلع على المرور ترخص مع صاحب النمر اللى انت هتشترى منه لذلك يا اخ عمدة لما قولتلك على الشخص اللى اسمه بدر قولتلك عن تجربة حصلت معايا فعلا (مش سامع من حد مثلا) واد ايه الراجل ده مهذب وبتاع ربنا (متخفش اخوك ليه نظرة بردو) وعملتلوا توكيل ادارة علشان يخلصلى كل الاوراق وادانى لوحده صورة بطاقته وعرفني بيته لأنى وصلتوا لحد باب البيت وكل ده بناءا على طلبه ومعروف فى منطقته لأنه بيت اسرته كلها (مش شقة ايجار جديد ) وهو متزوج وعنده طفلين وليه شقة فى البيت.

وفى حاجة تانية ممكن تروح المعرض وتقولوا عايز عربية byd اوتوماتيك بالنمرتين(لأن اغلبية المعارض عندها مانيوال مش اوتوماتيك ) وتديله جزء وتكتب بيهم عقد والباقى بعد استلام العربيه منهم بالنمر ورخصة 3 شهور ....... ليه رخصة 3 شهور؟؟؟!! لحين سداد التامينات والضرائب فالمرور بيديك 3 شهور كفرصة طبعا تاخد فيها وقتك لكن انا خليت بدر يجبلى الرخصة 3 شهور وتانى يوم اديته فلوس دفعلى التامينات والضرائب وطلع على المرور فى اليوم الرابع وجبلى رخصة سنة وكده يكون انتهى الموضوع والعربية بقى ليها ملف فى المرور .

لا تقلق