المشاركة الأصلية كتبت بواسطة mohamed ibiza
في حاجة اسمها مساعدين و سوست عادي و مساعدين و سوست سبور
بمعني ادق
مساعدين عاديه (يعني مساعدين بداخلها زيت) يعمل علي امتصاص الصدمات و عدم توصيل الصدمة لمقصورة الركاب عشان ميحسوش بيها لكنه بيبقي طري بياخد و يدي مع المطبات و المناطق المكسره عشان ميحسسكش باللي انت ماشي عليه و بيديك راحة و رفاهيه
اما المساعد السبور (بيبقي بداخله غاز) او هوا في ناس بتسميه مساعدين هوا .. ده مساعد مش بتاع راحة و رفاهيه ! ده مساعد ناشف و قاسي جدا مبياخدش و يدي و بيحسسك بكل زلطه ماشي عليها في الارض لكن في المقابل قساوته دي بتفيد جدا في المنحنيات العنيفه علي سرعات عاليه و بتساهم في تدعيم ثبات العربية كتير
اما السوست فالسوست هي المسئولة عن توطية العربية
يعني مثال بسيط
الجولف2 الgti اللي هي 1.8 سي سي سوستها العاديه بتخلي بين الرفرف و الفرده تقريبا مسافة 3 صوابع ! لما تجيبلها طقم سوست بلستين سبور بتوع الجولف و تركبهم العربية بتهبط من ادام 10 سم و من ورا حوالي 4-5 سم
يعني السوسته بتبقي مضغوطه عن السوسته العاديه تبقي نفس عدد الحلقات لكن مضغوطه عشان توطي العربية و بتبقي انشف من العاديه
و انواع العفشات السبور كتير
فيه koni
apexi
blestin
monroe في رأيي ماركه تعبانه !
و التكلفه بتبقي مختلفه عن كل عربية
يعني مثلا طقم سوست سبور لفيرنا بيعمل من 800-1000 جنيه
فيه مثلا سوست ماكس سبيد حمره للانسر 99 كان ادامي طقم ب 700 جنيه
و ملحوظه في الكوني مثلا بيبقي فيه كوني اصفر و احمر و كده الالوان دي مش عبث دي بتفرق في درجة قساوة المساعد او السوسته و الاحمر اشدهم المفروض
|
بصراحة انا مكنتش اعرف فعلا الفرق بالضبط ولكن شرحك منطقى وواضح جدا انه صح
عموما انا بشكر حضرتك على الرد